ବେତନଟୀ/ବୈଶିଙ୍ଗା : ବର୍ତ୍ତମାନ ରୌଦ୍ରତାପକୁ ଲକ୍ଷ୍ୟ କରି ଜନସାଧାରଣଙ୍କ ତୃଷା ନିବାରଣ କରିବା ପାଇଁ ପାନୀୟ ଜଳର ଅଭାବକୁ ଲକ୍ଷ୍ୟ କରି ବୈଶିଙ୍ଗା ଥାନା ତରଫରୁ ଏକ ଜଳ ଛତ୍ରର ଆୟୋଜନ କରାଯାଇଥିଲା। ଏହି ମହତ ଅନୁଷ୍ଠାନଟିକୁ ବେତନଟୀ ପୋଲିସ ଉପଖଣ୍ଡ ଅଧିକାରୀ ସୁଦର୍ଶନ ଦାଶ ଯୋଗ ଦେଇ ଆନୁଷ୍ଠାନିକ ଭାବେ ଉଦଘାଟିତ କରିଥିଲେ। ତାଙ୍କ ସହିତ ବୈଶିଙ୍ଗା ଥାନାଧିକାରୀ ପ୍ରଭାଂଶୁ ଶେଖର ମିଶ୍ର, ଲକ୍ଷ୍ମଣ ମୁର୍ମୁ, ସୁମନ୍ତ ସେଠୀ, ଅନୀତା ସ୍ଵାଇଁ, ପ୍ରଦୀପ ରାଉତ, ଭାବଗ୍ରାହୀ ମହାନ୍ତ ଓ ଅନ୍ୟମାନେ ଉପସ୍ଥିତ ଥିଲେ। ପ୍ରଥମ ଦିନରେ ଦୁଇହଜାରରୁ ଅଧିକ ଲୋକଙ୍କ ପାଇଁ ଦହି ସରବତର ବ୍ୟବସ୍ଥା କରାଯାଇଥିଲା। ଆନନ୍ଦର ସହିତ ଲୋକମାନେ ଏହି ଜଳଛତ୍ର ନିକଟରେ ପହଞ୍ଚି ସରବତ ପିଇବା ସହିତ ଥାନାଧିକାରୀ ଙ୍କ ଏଭଳି ମହତ କାର୍ଯ୍ୟକୁ ପ୍ରଶଂସା କରିଥିଲେ।
