ଓଡ଼ିଶାରାଜ୍ୟ ସଡ଼କ ନୀତି ପ୍ରସ୍ତୁତି ପାଇଁ ଉନ୍ନୟନ କମିଶନରଙ୍କ ଅଧ୍ୟକ୍ଷତାରେ ବୈଠକ ଅନୁଷ୍ଠିତ

ଭୁବନେଶ୍ୱର(Suvendra pattanaik) ରାଜ୍ୟରେ ପୂର୍ତ୍ତ, ଜଳ ସଂପଦ,ଗ୍ରାମ୍ୟ ଉନ୍ନୟନ,ନଗର ଉନ୍ନୟନ, ପଂଚାୟତିରାଜ ଓ ପାନୀୟ ଜଳ ବିଭାଗ ସମେତ ଜାତୀୟ ରାଜପଥ କର୍ତ୍ତୃପକ୍ଷଆଦି ଦ୍ୱାରା ନିର୍ମିତ ହୋଇଥିବା ଓ ନିର୍ମାଣ ହେବାକୁ ଥିବା ସଡକ ନେଟ୍ୱାର୍କର ସଫଳ କାର୍ୟ୍ୟ କାରିତା ସଂପର୍କରେ ଓଡ଼ିଶା ରାଜ୍ୟ ସଡ଼କ ନୀତି ପ୍ରସ୍ତୁତି କରାଯିବା ନେଇ ଗତ ଗୁରୁବାର ଅପରାହ୍ନରେ ଲୋକସେବାଭବନ ସ୍ଥିତ ସମ୍ମିଳନୀ କକ୍ଷରେ ଏକ ପ୍ରସ୍ତୁତି ବୈଠକ ଉନ୍ନୟନ କମିଶନର ତଥା ଅତିରିକ୍ତ ମୁଖ୍ୟ ଶାସନ ସଚିବ ଶ୍ରୀମତୀ ଅନୁଗର୍ଗଙ୍କ ଅଧ୍ୟକ୍ଷତାରେ ଅନୁଷ୍ଠିତହୋଇଥିଲା।
ଏହି ବୈଠକରେ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ପ୍ରମୁଖ ଶାସନ ସଚିବ ଶ୍ରୀ ସୁଶୀଲ କୁମାର ଲୋହାନୀ, ପୂର୍ତ୍ତ ବିଭାଗ ପ୍ରମୁଖ ଶାସନ ସଚିବ ଶ୍ରୀ ବୀର ବିକ୍ରମ ଯାଦବ, ଗ୍ରାମ୍ୟ ଉନ୍ନୟନ ବିଭାଗ ପ୍ରମୁଖ ଶାସନ ସଚିବ ଶ୍ରୀ ସଂଜ ୟକୁମାର ସିଂ ଙ୍କ ସମେତ ସଂପୃକ୍ତ ବିଭାଗର ସର୍ବୋଚ୍ଚଯନ୍ତ୍ରୀ, ବିଭାଗୀୟ ଉଚ୍ଚ ପଦାଧିକାରୀ ଏବଂ ଜାତୀୟ ରାଜପଥ କର୍ତ୍ତୃପକ୍ଷଙ୍କ ଆଞ୍ଚଳିକ ଅଧିକାରୀ ଯୋଗଦେଇ ଆଲୋଚନାରେ ଅଂଶଗ୍ରହଣ କରିଥିଲେ। ବୈଠକରେ ପୂର୍ତ୍ତ ବିଭାଗ ତରଫରୁ ଓଡ଼ିଶା ରାଜ୍ୟ ସଡ଼କ ନୀତି-୨୦୨୪ରେ ରହିଥିବା ବିଭିନ୍ନ ବିଷୟ ଉପରେ ଉପସ୍ଥାପନ କରାଯାଇଥିଲା ।

ରାଜ୍ୟରେ ଥିବା ସଡ଼କ ଭିତ୍ତି ଭୂମିର ସୁଦୃଢ଼ୀ କରଣ ଓ ଟ୍ରାଫିକ୍ ଦୃଷ୍ଟିରୁ କ୍ଷମତା ବୃଦ୍ଧି କରିବା, ଟ୍ରାଫିକ୍ ପରିଚାଳନା ଦୃଷ୍ଟିରୁ ଯୋଗୁଁ ଗୋଟିଏ ବିଭାଗ ଦ୍ୱାରା ନିର୍ମିତ ଓ ପରିଚାଳିତ ରାସ୍ତା ଅନ୍ୟ ବିଭାଗକୁ ହସ୍ତାନ୍ତର କରାଯିବା ନିମନ୍ତେ ଆନ୍ତଃ ବିଭାଗୀୟ ସଡ଼କ ସ୍ଥାନାନ୍ତର ବ୍ୟବସ୍ଥା, ସଡ଼କ ରକ୍ଷଣା ବେକ୍ଷଣ ପାଇଁ ନିରନ୍ତରତା ଭିତ୍ତିରେ ପାଣ୍ଠି ଉପଲବ୍ଧ ହେବା, ସଡ଼କ ସୁରକ୍ଷାକୁ ନିଶ୍ଚିତ କରିବା ଦୃଷ୍ଟିରୁ ଏହି ନୀତି ପ୍ରସ୍ତୁତିର ଆବଶ୍ୟକତା ସଂପର୍କରେ ବୈଠକରେ ଆଲୋଚନା କରାଯାଇଥିଲା । ଏଥିପାଇଁ ଆନ୍ତଃ ବିଭାଗୀୟ ସଡ଼କ ସ୍ଥାନାନ୍ତର ନିମନ୍ତେ ମାର୍ଗଦର୍ଶିକା (ଏସଓପି) ରହିବା ସଂପର୍କରେ ମଧ୍ୟ ସବିଶେଷ ଆଲୋଚନା କରାଯାଇଛି ।
ସଡ଼କ କ୍ଷେତ୍ରରେ ସଂସ୍ଥାଗତ କ୍ଷମତା ବୃଦ୍ଧି, ସଡକ ଉନ୍ନତି କରଣରେ ଆବଶ୍ୟକ ସ୍ଥଳେ ବେସରକାରୀ କ୍ଷେତ୍ରର ଅଂଶ ଗ୍ରହଣ,ସଡ଼କ ବିକାଶରେ ନିରନ୍ତରତା ଏହି ନୀତିର ଆଭିମୁଖ୍ୟ ରହିଛି।ସଡ଼କ ନିର୍ମାଣ କ୍ଷେତ୍ରରେ ଆଧୁନିକ ଜ୍ଞାନ କୌଶଳର ପ୍ରୟୋଗ ସହ ଗୁଣାତ୍ମକ ମାନକୁ ନିଶ୍ଚିତ କରାଯିବ।
ଆଇ.ଆର୍.ସିନିର୍ଦ୍ଧାରିତ ମାନଦଣ୍ଡ ଅନୁସାରେ ସହରାଞ୍ଚଳ ଓ ଗ୍ରାମାଞ୍ଚଳ ରାସ୍ତା ନିର୍ମାଣ ଶୈଳୀର ପ୍ରକାର ଭେଦ କିପରି ରହିବ, ସେ ସଂପର୍କରେ ଆଲୋଚନା କରାଯାଇଥିଲା । ଏବେ ପୂର୍ତ୍ତ ବିଭାଗ ପକ୍ଷରୁ ସଡ଼କ ନେଟୱାର୍କ ଓ ସଡ଼କ ସମ୍ପତ୍ତିର ଜିଆଇଏସ୍-ରେଫରେନ୍ସିଂ ପାଇଁଓଡ଼ିଶା ରୋଡ୍ ଆସେଟ୍ ମ୍ୟାନେଜମେଣ୍ଟ ସିଷ୍ଟମ (ଓଆରଏଏମଏସ୍) ଭଳି ୱେବ୍-ଜିଆଇଏସ୍ ଭିତ୍ତିକ କଷ୍ଟମ-ବିଲ୍ଟ ଆପ୍ଲିକେସନ୍ କୁ ବ୍ୟବହାର କରାଯାଉଥିବା ବେଳେ ଗ୍ରାମ୍ୟ ଉନ୍ନୟନ ବିଭାଗ ପକ୍ଷରୁ ବିଭାଗୀୟ ରାସ୍ତା ଗୁଡ଼ିକର ଜିଆଇଏସ୍-ରେଫରେନ୍ସିଂ ପାଇଁ ଏକ ମୋବାଇଲ୍ ଆପ୍ଲିକେସନ୍ ମଧ୍ୟ ବ୍ୟବହାର କରାଯାଉଛି। ବିଭିନ୍ନ ବିଭାଗ ଦ୍ୱାରା ନିର୍ମାଣ ହେଉଥିବା ସମସ୍ତ ରାସ୍ତାକୁ ଜିଆଇଏସ୍-ରେଫରେନ୍ସ ଆଧାରରେ ଏକ କେନ୍ଦ୍ରୀୟ ଡାଟାବେସ୍ ଜରିଆରେ ପରିଚାଳନା କରାଯିବା ସଂପର୍କରେ ବୈଠକରେ ଆଲୋଚନା କରାଯାଇଥିଲା ।
ଏହି ନୀତିରେ ପ୍ରମୁଖ କୋରରୋଡନେଟ୍ ଓ୍ୱାର୍କ ମଧ୍ୟରେ ରହିଛି ;ରାଜ୍ୟ ରାଜପଥ ଅତିକମ୍ ରେ୪ଲେନ୍ ବିଶିଷ୍ଟ ହେବା, ପ୍ରମୁଖ ଜିଲ୍ଲା ରାସ୍ତା ଏବଂ ଅନ୍ୟ ଜିଲ୍ଲା ରାସ୍ତା ୨ ଲେନ୍ ବିଶିଷ୍ଟ ହେବା, ଖଣି ଓ ଶିଳ୍ପଅଂଚଳରେ ୬ ଲେନ୍ ବିଶିଷ୍ଟ ରାସ୍ତା ସହିତ ଅତିରିକ୍ତ ୨ ଲେନ୍ ସର୍ଭିସ୍ ରୋଡ୍ ଏବଂ ତତ୍ ସହିତ ଡ୍ରେନ୍, ଟେଲିଫୋନ୍ ଲାଇନ ଆଦି ଭୂତଳ ସଂଯୋଗୀକରଣ ପାଇଁ ଅତିରିକ୍ତ ୟୁଟିଲିଟି କରିଡର ରହିବ । ଜିଲ୍ଲାସଦର ମହକୁମା, ବ୍ଲକସଦରମହକୁମା, ପର୍ୟ୍ୟଟନଦୃଷ୍ଟିକୋଣରୁଗୁରୁତ୍ୱପୂର୍ଣ୍ଣରହୁଥିବା ରାସ୍ତା, ଶିଳ୍ପ, ଖଣିଜଅଂଚଳ, ପୌରାଞ୍ଚଳ ଏବଂ ଷ୍ଟେସନ ରାସ୍ତା ଆଦିର ନିର୍ମାଣ ଢାଞ୍ଚା କିପରି ହେବ, ସେ ସଂପର୍କରେ ବିସ୍ତୃତ ଭାବେ ଆଲୋଚନା କରାଯାଇଥିଲା ।ଏହିସଡ଼କନୀତି ପ୍ରସ୍ତୁତି ସମୟରେ ଏବଂ ଓ ଅନୁମୋଦନ ପରେ ଏହାର କାର୍ୟ୍ୟ କାରିତା ଏକ କମିଟି ଦ୍ୱାରା ନିୟମିତ ବ୍ୟବଧାନରେ ଏବଂ ଆବଶ୍ୟକତା ଅନୁସାରେ ତଦାରଖ କରାଯିବ ।

ବୈଠକରେସଂପୃକ୍ତ ସମସ୍ତ ବିଭାଗର ସଚିବ, ସର୍ବୋଚ୍ଚ ଯନ୍ତ୍ରୀ ଓ ପଦାଧିକାରୀ ମାନେ ଆଲୋଚନାରେ ଅଂଶଗ୍ରହଣ କରି ମତ ରଖିଥିଲେ ।ଏହି ଚିଠା ସଡ଼କ ନୀତି ପ୍ରସ୍ତୁତି ପରେ ସଂପୃକ୍ତ ସବୁ ବିଭାଗକୁ ଅବଗତ କରାଯିବା ସହ ସମସ୍ତ ଜିଲ୍ଲାପାଳ ମାନଙ୍କୁ ମଧ୍ୟ ଆବଶ୍ୟକ ଅନୁଧ୍ୟାନ ଓ ମତାମତ ପାଇଁ ପ୍ରେରଣ କରାଯିବାକୁ ବୈଠକରେ ପ୍ରସ୍ତାବ ଦିଆଯାଇଥିଲା ।
ଉନ୍ନୟନ କମିଶନର ଶ୍ରୀମତୀ ଗର୍ଗ ପ୍ରସ୍ତାବିତ ଓଡ଼ିଶା ରାଜ୍ୟ ସଡ଼କ ନୀତି ଯେପରି ଗମନା ଗମନ, ପ୍ରୟୋଗାତ୍ମକ ଦୃଷ୍ଟିରୁ ଅଧିକ ବଳିଷ୍ଠହୋଇପାରିବ, ସେଥିପାଇଁ ଅଧିକ ଆଲୋଚନା ସହିତ ବିଶେଷଜ୍ଞ ମାନଙ୍କ ମତାମତ ନିଆଯିବାକୁ ମତ ରଖିଥିଲେ।