ଭୁବନେଶ୍ୱର, ୨୩ ଜାନୁଆରୀ ୨୦୨୬: ପୂର୍ବତଟ ରେଳପଥ ଏହାର ସବୁଠାରୁ ଦ୍ରୁତତମ ₹୨୩,୦୦୦ କୋଟି ଟଙ୍କାର ପଣ୍ୟ ପରିବହନ ଆୟ ରେକର୍ଡ କରି ଏକ ଐତିହାସିକ ମାଇଲଖୁଣ୍ଟ ହାସଲ କରିଛି, ଯାହା ପଣ୍ୟ ପରିବହନ କ୍ଷେତ୍ରରେ ଭାରତୀୟ ରେଳବାଇର ଶ୍ରେଷ୍ଠ ପ୍ରଦର୍ଶନକାରୀ ଜୋନ ମଧ୍ୟରୁ ଗୋଟିଏ ଭାବରେ ଏହାର ସ୍ଥିତିକୁ ସୁଦୃଢ଼ କରିଛି।
ଚଳିତ ଆର୍ଥିକ ବର୍ଷ ୨୦୨୫-୨୬ ରେ ପୂର୍ବତଟ ରେଳପଥ ୧୯ ଜାନୁଆରୀ ୨୦୨୬ ସୁଦ୍ଧା ରେକର୍ଡ ୨୯୪ ଦିନରେ ଏହି ମାଇଲଖୁଣ୍ଟ ହାସଲ କରିଛି, ଯାହା ପୂର୍ବ ଆର୍ଥିକ ବର୍ଷ ୨୦୨୪-୨୫ ତୁଳନାରେ ୨୭ ଦିନ ପୂର୍ବରୁ, ଅର୍ଥାତ ୩୨୧ ଦିନରେ ଏହି ସଫଳତା ହାସଲ କରାଯାଇଥିଲା। ଏହି ଉଲ୍ଲେଖନୀୟ ପ୍ରଦର୍ଶନ ଜୋନର ନିରନ୍ତର ଅଭିବୃଦ୍ଧି ଏବଂ କାର୍ଯ୍ୟକ୍ଷମ ଦକ୍ଷତାକୁ ପ୍ରତିଫଳିତ କରୁଛି ।
ପ୍ରାରମ୍ଭିକ ଆୟ ପ୍ରଦର୍ଶନ (ଡିସେମ୍ବର ୨୦୨୫ ସୁଦ୍ଧା):
ପୂର୍ବ ତଟ ରେଳପଥର ମୋଟ ମୂଳ ଆୟ ୨୦୨୪-୨୫ ରେ ₹୨୧,୫୪୩ କୋଟିରୁ ୨୦୨୫-୨୬ ଆର୍ଥିକ ବର୍ଷରେ ₹୨୩,୯୫୯ କୋଟିକୁ ବୃଦ୍ଧି ପାଇଛି, ଯାହା ସାମଗ୍ରିକ ଭାବରେ ୧୧.୨୧% ବୃଦ୍ଧି ପାଇଛି।
* ଯାତ୍ରୀ ଆୟ ୨୦୨୪-୨୫ ରେ ₹୧,୭୬୪.୩୨ କୋଟିରୁ ୨୦୨୫-୨୬ ରେ ₹୧,୮୩୫.୯୧ କୋଟିକୁ ବୃଦ୍ଧି ପାଇଛି।
* ସାମଗ୍ରୀ (ପଣ୍ୟ ପରିବହନ) ଆୟ ₹୧୯,୪୮୨.୬୩ କୋଟିରୁ ₹୨୧,୭୪୯.୩୮ କୋଟିକୁ ଏକ ଗୁରୁତ୍ୱପୂର୍ଣ୍ଣ ବୃଦ୍ଧି ପାଇଛି, ଯାହା ଜୋନର ଦୃଢ଼ ମାଲ ପରିବହନ ଆଧାରକୁ ରେଖାଙ୍କିତ କରୁଅଛି ।
* ବିଭିନ୍ନ କ୍ଷେତ୍ରରେ ଆୟ ₹୧୫୫.୯୫ କୋଟିରୁ ₹୨୩୯.୧୫ କୋଟିକୁ ଯଥେଷ୍ଟ ବୃଦ୍ଧି ପାଇଛି, ଯାହା ବିବିଧତା ଏବଂ ଉନ୍ନତ ସହାୟକ ରାଜସ୍ୱ ପ୍ରବାହକୁ ସୂଚିତ କରିଥାଏ।
ସମସ୍ତ କ୍ଷେତ୍ରରେ ଏହି ସ୍ଥିର ଅଭିବୃଦ୍ଧି ଭାରତୀୟ ରେଳପଥର ସାମଗ୍ରିକ ରାଜସ୍ୱ ଉତ୍ପାଦନରେ ପୂର୍ବ ତଟ ରେଳପଥର ଗୁରୁତ୍ୱପୂର୍ଣ୍ଣ ଅବଦାନକୁ ଉଲ୍ଲେଖ କରୁଅଛି ।
ପଣ୍ୟ ପରିବହନ କାର୍ଯ୍ୟଦକ୍ଷତା (ଡିସେମ୍ବର 2025 ପର୍ଯ୍ୟନ୍ତ):
ପୂର୍ବ ତଟ ରେଳପଥ ମଧ୍ୟ ପଣ୍ୟ ପରିବହନ କ୍ଷେତ୍ରରେ ଏକ ଉତ୍କୃଷ୍ଟ ପ୍ରଦର୍ଶନ ଜାରି ରଖିଛି ଏବଂ ଡିସେମ୍ବର ୨୦୨୫ ପର୍ଯ୍ୟନ୍ତ ଭାରତୀୟ ରେଳବାଇରେ ଏକ ନମ୍ବର ଜୋନ୍ ଭାବରେ ଉଭା ହୋଇଛି।
* ଡିସେମ୍ବର ୨୦୨୫ପର୍ଯ୍ୟନ୍ତ ହାସଲ ହୋଇଥିବା ପଣ୍ୟ ପରିବହନ ୨୦୯.୯୭ ନିୟୁତ ଟନ୍ (MT) ଥିଲା।
* ପୂର୍ବ ବର୍ଷର ୧୮୮.୬୪ ନିୟୁତ ଟନ୍ ପରିବହନ ତୁଳନାରେ, ଜୋନ୍ ୨୧.୩୩ ନିୟୁତ ଟନ୍ ପରିବହନ କରି ରେକର୍ଡ କରିଛି।
* ପୂର୍ବ ବର୍ଷ ତୁଳନାରେ ଏହି ଆର୍ଥିକ ବର୍ଷରେ ୧୧ .୩୧% ଅଭିବୃଦ୍ଧି ହାସଲ କରିଛି ।
ମାଲ ପରିବହନରେ ଏହି ଉଲ୍ଲେଖନୀୟ ପ୍ରଦର୍ଶନ ଦେଶର ଅର୍ଥନୀତିକୁ ସୁଦୃଢ଼ କରିବା ଏବଂ ଏହାର ଆଭ୍ୟନ୍ତରୀଣ ଅଞ୍ଚଳରେ ଶିଳ୍ପ ଅଭିବୃଦ୍ଧିକୁ ସମର୍ଥନ କରିବାରେ ପୂର୍ବତଟ ରେଳପଥର ଗୁରୁତ୍ୱପୂର୍ଣ୍ଣ ଭୂମିକାକୁ ସ୍ପଷ୍ଟ କରେ। ନିରନ୍ତର ତଦାରଖ, ଅଭିନବ କାର୍ଯ୍ୟକ୍ଷମ ଅଭ୍ୟାସ ଏବଂ ରେଳ କର୍ମଚାରୀଙ୍କ ଉତ୍ସର୍ଗୀକୃତ ପ୍ରୟାସ ନିର୍ଦ୍ଧାରିତ ସମୟ ପୂର୍ବରୁ ଏହି ମାଇଲଖୁଣ୍ଟ ହାସଲ କରିବାରେ ଏକ ପ୍ରମୁଖ ଭୂମିକା ଗ୍ରହଣ କରିଛି।
ପୂର୍ବ ତଟ ରେଳପଥ ପଣ୍ୟ ପରିବହନ ସେବାରେ ଆହୁରି ଉନ୍ନତି ଆଣିବା, କ୍ଷମତା ବୃଦ୍ଧି କରିବା ଏବଂ ଭାରତୀୟ ରେଳବାଇର ଅଭିବୃଦ୍ଧି ଏବଂ ସ୍ଥିରତା ଲକ୍ଷ୍ୟରେ ଗୁରୁତ୍ୱପୂର୍ଣ୍ଣ ଯୋଗଦାନ ଦେବା ପାଇଁ ପ୍ରତିଶୃତିବଦ୍ଧ ।
