ସ୍ବଦେଶ ପ୍ରେମର କବି ମହାପୁରୁଷ ଶ୍ରୀଅରବିନ୍ଦଙ୍କ ମହାପ୍ରୟାଣ ଦିବସ ପାଳିତ 

ଭଞ୍ଜନଗର(ଭଞ୍ଜନଗର ରୁ ଅମରେନ୍ଦ୍ର କୁମାର ପଟ୍ଟନାୟକ)  ଭଞ୍ଜନଗର ସହର ତଳି ଅଞ୍ଚଳ ଶ୍ରୀରାମ ନଗର ଠାରେ ପ୍ରତିଷ୍ଠିତ ଶ୍ରୀ ଅରବିନ୍ଦ ଶକ୍ତି ପୀଠ ଠାରେ  ପରମ ପ୍ରଭୁ ଶ୍ରୀ ଅରବିନ୍ଦଙ୍କ 74 ତମ ମହାପ୍ରୟାଣ ଦିବସ ପାଳିତ ହୋଇ ଯାଇଛି l ଏଥିନିମିତ୍ତ ଶକ୍ତିପୀଠ ଠାରେ ପାଞ୍ଚ ତାରିଖ ପୂର୍ବାହ୍ନ 6 ଘଣ୍ଟା ଠାରୁ 6.30 ମିନିଟ ଯାଏ ସମୂହ ଧ୍ୟାନ ଓ ଅପରାହ୍ନ 5 ଘଣ୍ଟା ଠାରୁ 6.30 ମିନିଟ ଯାଏ ଆଲୋଚନା ଚକ୍ର ସହ ନୀରବ ଧ୍ୟାନ କରାଯାଇଥଲା l

ମହିଳାପାଠ ଚକ୍ରର ବରିଷ୍ଠ ସଦସ୍ୟ ରତ୍ନମଞ୍ଜରୀ ପାଢୀ, ଓ ଶିକ୍ଷକେନ୍ଦ୍ର ସଭାପତି ପ୍ରାକ୍ତନ କଲେଜ ଅଧକ୍ଷ ପ୍ରଫେସର କୃତ୍ତିବାସ ବିଶ୍ୱାଳ ଅତିଥି ଭାବରେ ଯୋଗଦାନ କରି ଶ୍ରୀ ଅରବିନ୍ଦଙ୍କ ବହୁମୁଖୀ ପ୍ରତିଭା ସମ୍ପର୍କରେ ଆଲୋଚନା କରିଥିଲେ l ସ୍ବଦେଶ ପ୍ରେମର ରୂପକାର, ମହାନ ଯୋଗୀ, ଆନ୍ତର୍ଜାତୀୟ ଖ୍ୟାତି ସମ୍ପର୍ଣ୍ଣ ଦାର୍ଶନିକ  ତଥା ସ୍ୱାଧୀନତା ସଂଗ୍ରାମର ତେଜସ୍ୱୀ ପ୍ରବକ୍ତା ମହାପୁରୁଷ ଶ୍ରୀଅରବିନ୍ଦଙ୍କ ସମ୍ପର୍କରେ ସେମାନଙ୍କ ଆଲୋଚନରେ ଉଲ୍ଲେଖ କରିଥିଲେ l ବିଡ଼ିପୁର ଶିକ୍ଷା କେନ୍ଦ୍ରର ପ୍ରତିଷ୍ଠାତା ବିଦେଶୀ ସାହୁ,ରମେଶ ବେହେରା,ଦୀନେଶ ବିଶ୍ୱାଳ ପ୍ରମୁଖ ସଭାକାର୍ଯ୍ୟ ପରିଚାଳନରେ ପ୍ରମୁଖ ଭୂମିକା ଗ୍ରହଣ କରିଥିଲେ l ସୁନନ୍ଦା ବେହେରା ମାତୃ ସଂଗୀତ ଗାନ କରିଥିଲେ l