ଡାଇଜେସନ ସମସ୍ୟାକୁ ଦୂର କରିବା ସହ କୋଷ୍ଠ କାଠିନ୍ୟ ସମସ୍ୟା ମଧ୍ୟ ହୋଇଥାଏ ଦୂର, ଖାଇ ସାରିବା ପରେ ଆପଣାନ୍ତୁ ଏହି ଉପାୟ

ଖାଇ ସାରିବା ପରେ ପେଟ ଅସହଜ ଲାଗିଥାଏ, ପେଟ ଫାମ୍ପିବା, ଗ୍ୟାସ ହୋଇଯିବା, ପେଟ ଓଜନ ଲାଗି ବ୍ୟସ୍ତ ଲାଗିବା ଏହି ସମସ୍ତ ଲକ୍ଷଣ ହେଉଛି ଆପଣଙ୍କ ପାଚନ ପ୍ରକ୍ରିୟା ଠିକ ଭାବରେ ହେଉନାହିଁ l ପାଚନ ତନ୍ତ୍ର ଖୁବ ଧୀରେ କାର୍ଯ୍ୟ କରୁଛି l ଏଠାରେ ଆପଣ ଏପରି କିଛି ଘରୋଇ ଓ ହର୍ବାଲ ଉପାୟ ବିଷୟରେ କହୁଛୁ ଯାହାଦ୍ୱାରା ଆପଣଙ୍କ ପାଚନ ତନ୍ତ୍ର ସମସ୍ୟା ଦୂର ହୋଇ ପାରିବ l

– ନିୟମିତ ଜୁଆଣି ଖାଆନ୍ତୁ –
ଭୋଜନ କରିବା ପରେ ପ୍ରତିଦିନ ଗୋଟିଏ ଚାମଚ ରେ ଏକ ଚତୁର୍ଥାଂଶ ଜୁଆଣି ନେଇ ଚୋବାଇ ଖାଆନ୍ତୁ ଏହାପରେ ସାମାନ୍ୟ ଉଷୁମ ପାଣି ସେବନ କରନ୍ତୁ l ଏହାପରେ ୧୦ ରୁ ୧୫ ମିନିଟ ପର୍ଯ୍ୟନ୍ତ ସାମାନ୍ୟ ଚାଲନ୍ତୁ l ଏହାପରେ ଗ୍ୟାସ ପାସ ହୋଇ ଆରାମ ଲାଗିବ l

– ପାନମଧୁରୀ ଓ ମିଶ୍ରି ସେବନ କରନ୍ତୁ –
ଭୋଜନ ପରେ ନିୟମିତ ପାନମଧୁରୀ ଓ ମିଶ୍ରି ସେବନ କରିବା ସର୍ବଦା ପାଚନ ସମ୍ବନ୍ଧୀୟ ସମସ୍ୟା ପାଇଁ ହିତକର l ପାନମଧୁରୀ ଓ ମିଶ୍ରି ପାଚନ ଗତିକୁ ଦ୍ବିଗୁଣିତ କରି ବଢ଼ାଇ ଥାଆନ୍ତି l

– ବଜ୍ରlସନ ରେ ବସାନ୍ତୁ –
ଭୋଜନ ସାରିବା ପରେ ନିୟମିତ ୧୦ ରୁ ୧୫ ମିନିଟ ପର୍ଯ୍ୟନ୍ତ ବଜ୍ରlସନ ରେ ବସନ୍ତୁ, ଯାହା ଆପଣଙ୍କ ପାଇଁ ଖୁବ ହିତକର l ଏହି ଆସନରେ ନିୟମିତ ବସିବା ଦ୍ୱାରା ଗ୍ୟାସ ସମସ୍ୟା ଦୂର ହୋଇଥାଏ ଓ ପେଟ ମଧ୍ୟ ଠିକ ରହିଥାଏ l

– ଭୋଜନ ପରେ ଚାଲିବା ଉଚିତ –
ପାଚନ ସମସ୍ୟାକୁ ଠିକ ରଖିବା ପାଇଁ ଓ ସକାଳୁ ପେଟ ସଫା ରହିବା ପାଇଁ ନିୟମିତ ରାତ୍ରୀ ଭୋଜନ ପରେ ସାମାନ୍ୟ ଚାଲିବା ଅଭ୍ୟାସ କରନ୍ତୁ l ଏହାଦ୍ୱାରା ଓଜନ ହ୍ରାସ ହେବ, ଗ୍ୟାସ ସମସ୍ୟା ଦୂର ହେବ, ଶରୀରକୁ ଶକ୍ତି ମିଳିବ l