ନୂଆଦିଲ୍ଲୀ : କରୋନା ମହାମାରୀ ସମୟରେ ପୋଲିସ ମାଷ୍କ ପିନ୍ଧିବା ଓ ସାମାଜିକ ଦୂରତା ରଖିବା ଉପରେ ଅନେକ ନିୟମ ଦେଖାଇ ଅଧିକାଂଶ ସମୟରେ ଚାଲାଣ ମଧ୍ୟ କଟି ଦେଇଛି ।କିନ୍ତୁ ମଦ ଭାଟି ନିକଟରେ ମଦୁଆଙ୍କୁ ସାମାଜିକ ଦୂରତା ଶିଖାଇବା ପୋଲିସକୁ ମାହାଙ୍ଗା ପଡ଼ିଲା । କାନପୁରର ଘାଟମପୁର ଅଞ୍ଚଳରେ ମଦ ଭାଟିରେ ଥିବା କିଛି ଲୋକଙ୍କୁ ପୋଲିସ ମାଷ୍କ୍ ନପିନ୍ଧିଲେ ଚାଲାଣ କଟା ଯିବାର ଚେତାବନୀ ଦେଉଥିଲା। ଆଉ ତାପରେ ଯାହା ଘଟିଗଲା ତାହାର କୌଣସି ବର୍ଣ୍ଣନା କରିହେବ ନାହିଁ । ମଦୁଆ ମାନେ ମିଳିତ ଭାବରେ ଥାନା ଅଧିକାରୀ ଓ ହାବିଲଦାର ମାନଙ୍କୁ ଗୋଡ଼ାଇ ଗୋଡ଼ାଇ ପିଟିିଲେ।
ପୋଲିସ ମାନେ ମାଡ ଖାଉଥିବା ଘଟଣା ଶୁଣି ଗ୍ରାମବାସୀ ମାନେ ମଧ୍ୟ ନିକଟତମ ଗ୍ରାମରୁ ଆସି ମଦୁଆଙ୍କ ସହିତ ମିଶି ପୋଲିସଙ୍କୁ ମାରିବାକୁ ଲାଗିଲେ ।ଏହାପରେ ସେହି ଅଞ୍ଚଳରେ ପୋଲିସ ବାହିନୀ ମାନଙ୍କର ଲମ୍ବା ଧାଡ଼ି ଲାଗିଗଲା । ଧୀରେ ଧୀରେ ଘଟଣା ନିୟନ୍ତ୍ରିତ ହେବା ପରେ ଗ୍ରାମ ମୁଖିଆଙ୍କ ପୁଅ ସହିତ ଅନ୍ୟ ୫୦ ଜଣ ଲୋକଙ୍କ ଉପରେ ବିଭିନ୍ନ ଧାରାରେ ମାମଲା ରୁଜୁ ହେଲା ।
କାନପୁରର ଏହି ଘଟଣା ମଦୁଆ ଓ ମଦ ତସ୍କରଙ୍କ ପାଇଁ ପୋଲିସକୁ ମାହାଙ୍ଗା ପଡ଼ିଛି । ଲୋକମାନେ ମଦୁଆ ତାସ୍କରଙ୍କ ସହିତ ମିଶି ପୋଲିସକୁ ବାଡେଇବା ସହିତ ଅଶିଳ ବ୍ୟବହାର କରିଥିଲେ । ମଦ ବିକ୍ରି କରୁଥିବା ମହିଳା ମାନେ ମଧ୍ୟ ପୋଲିସକୁ ବାଡ଼େଇବାକୁ ପଛେଇ ନଥିଲେ । ସେଠାରେ ଦେଖିବାକୁ ମିଳିଥିଲା ମହିଳା ମାନେ ଗଣ୍ଡଗୋଳ ସମୟରେ ମଦ ବୋହି ନେଇ ଘରକୁ ଯାଉଥିଲେ ।ପୋଲିସ ମୂକ ଦର୍ଶକ ଭାବରେ ଦେଖି ରହୁଥିଲା । କିନ୍ତୁ ଯେତେବେଳେ ସାମାଜିକ ଦୂରତା ଶିଖାଇଲା ସେତେବେଳେ ତାଙ୍କ ଆକ୍ରୋଶର ଶିକାର ହେଲା ।ବର୍ତ୍ତମାନ ଏହି ଘଟଣାକୁ ନେଇ ତଦନ୍ତ ଚାଲିଛି ।
Comments are closed.