ବୋଲଗଡ : ବୋଲଗଡ ଥାନା ଅନ୍ତର୍ଗତ ଖଉରୁଣି ଗ୍ରାମର ବାଙ୍କନିଧି ପ୍ରଧାନଙ୍କ ପୁଅ ପଙ୍କଜ ପ୍ରଧାନର ଗୋଟିଏ ମୋବାଇଲି ଓ ଧ୍ରୁବ ଚରଣ ଦଳବେହେରାଙ୍କ ପୁଅ ଜ୍ଞାନେନ୍ଦ୍ର ଦଳବେହେରାର ଗୋଟିଏ ମୋବାଇଲି ଗତ ରାତିରେ ଚୋରି ହୋଇଥିଲା । ରୋଳସିଂହ ଗ୍ରାମର ଅଭିମନୁ୍ୟ ଜୟସିଂହଙ୍କ ପୁଅ ଅମରେନ୍ଦ୍ର ଜୟସିଂହ (୨୦) ଏହି ୨ଟି ମୋବାଇଲିକୁ ଗତ ରାତିରେ ଚୋରକରିି ନେଇ ଯାଇଥିଲା ।
ବୋଲଗଡ ଥାନାର ଏସଆଇ ପବିତ୍ର ମୋହନ ପ୍ରଧାନ, ଏଏସଆଇ ଉମାକାନ୍ତ ମଲ୍ଲିକ,କନେଷ୍ଟବଳ ପ୍ରତାପ କୁମାର ପାହାଡସିଂହ, ସ୍ୱପ୍ନେଶ୍ୱର ଭୁଜବଳ ଗତକାଲି ରାତିରେ ପାଟ୍ରୋଲିଂ କରୁଥିବା ସମୟରେ ରାଜସୁନାଖଳା ନିକଟସ୍ତ ହଡାନଦୀ ଠାରେ ଇତସ୍ତତ ଭାବରେ ଅମରେନ୍ଦ୍ର ବୁଲୁଥିବା ସମୟରେ ତାକୁ ଧରି ଥାନାକୁ ଆଣିଥିଲେ । ଥାନାକୁ ଆଣି ପଚରାଉଚରା କରିବାରୁ ୨ଟି ମୋବାଇଲି ଚୋରି କରିଛି ବୋଲି ସ୍ୱିକାର କରିଥିଲା । ଆଜି ତା ବିରୁଦ୍ଧରେ କେସ ନଂ.୮୯/୨୦୨୦ ରୁଜୁ କରାଯାଇ ଖୋର୍ଦ୍ଧା କୋର୍ଟକୁ ଚାଲଣ କରାଯାଇଛି । ଚୋରି ହୋଇଥିବା ୨ଟି ମୋବାଇଲି ପଙ୍କଜ ଓ ଜ୍ଞାନେନ୍ଦ୍ରକୁ ଫେରସ୍ତ କରାଯାଇଥିବା ସୂଚନା ରହିଛି ।
