ଜଗତସିଂହପୁର: ଦିର୍ଘ ଦିନ ହେବ ପୋଲିସ ଧୁଳି ଦେଇ ବାଇକ ଚୋରିରେ ମାତିଲେ ଜଗତସିଂହପୁର ସଦର ମହକୁମାର କିଛି ଯୁବକ ।ଲକ ଡାଉନ ସେମାନଙ୍କୁ ଏକ ପ୍ରକାର ସହୟତା କରିଥିବା ବେଳେ ଗୋଟିଏ ପରେ ଗୋଟିଏ ବାଇକ ବାଇକ ଚୋରି କରି ଯୁବକମାନଙ୍କୁ ବାଇକ ଚୋରି କରିବା ନିଶା ଘାରିଥିଲା ।
ମାତ୍ର ଜଗତସିଂହପୁର ଥାନା ଅଧିକାରୀ ରଜନୀକାନ୍ତ ମିଶ୍ର ବାଇକ ଚୋର ର୍ୟାକେଟକୁ ଧରିବା ପାଇଁ ବହୁ ଦିନରୁ ଜାଲ ବିଛାଇ ଥିଲେ ।ଗତ କିଛି ଦିନ ହେବ ଜିଲ୍ଲାର ସଦର ମହକୁମା ଓ ଅନ୍ୟ ଥାନା ଅଞ୍ଚଳରେ ବ୍ୟାପକ ବାଇକ ଚୋରି ହେବାକୁ ନେଇ ଏହି ର୍ୟାକେଟକୁ ଧରିବା ପାଇଁ ଏକ ସ୍ୱତନ୍ତ୍ର ଟିମ ଗଠନ କରିଥିଲେ ଥାନା ଅଧିକାରୀ ।ଗତକାଲି ରାତିରେ ଏହି ବାଇକ ଚୋର ର୍ୟାକେଟକୁ ଜଗତସିଂହପୁର ପୋଲିସ ଧରିବାରେ ସଫଳ ହେବା ସହିତ ସେମାନଙ୍କ ଠାରୁ ୮ଟି ବାଇକ ଜବତ କରିଛି ।
ଏହା ସହିତ ଏହି ଘଟଣାରେ ଜଡିତ ୪ଜଣଙ୍କୁ ଗିରଫ କରିଥିବା ବେଳେ ୨ ଜଣ ଫେରାର ଅଛନ୍ତି ।ଗିରଫ ଯୁବକମାନେ ହେଲେ ସଦର ଥାନା ମକୁନ୍ଦପୁର ଅଞ୍ଚଳ ପଣ୍ଡାସାହିର ଚିକୁ ଓରଫ ହାପୁ ଓରଫ ଅବିନାଶ ପଣ୍ଡା(୨୦),ଢିଅସାହିର ବିଜୟ କୁମାର ଓଝା(୨୩),ପାଣିସାଳିଆର ଆସିକ ଖାନ(୨୪),ସିଂହାରପୁର ପହଲି ସିଂହ(୩୨) ।ଏହି ର୍ୟାକେଟର ଅନ୍ୟ ଦୁଇ ଜଣ ସହଯୋଗୀ ଗୁମୁଟୁପୁରର ଜିତୁନା ଓରଫ ଜିତୁ ପାଢୀ ଓ ଗଉଡୁଣୀପଡିଆର ଚକରା ଓରଫ ଚକ୍ରଧର ନାଥ ଫେରାର ଅଛନ୍ତି ଫେରାର ଯୁବକଙ୍କୁ ଖୁବ ଶିଘ୍ର ଧରାଯିବ ବୋଲି ଜଗତସିଂହପୁର ଥାନା ଅଧିକାରୀ ରଜନୀକାନ୍ତ ମିଶ୍ର ସୁଚନା ଦେଇଛନ୍ତି ।
