ଠାକୁରମୁଣ୍ଡା -19/1 : ଠାକୁରମୁଣ୍ଡା ଥାନା ଅନ୍ତର୍ଗତ ଖଣ୍ଡବନ୍ଧ ଜଙ୍ଗଲରୁ ଆଜି ଜନୈକା ଯୁବତୀଙ୍କ ମୃତ ଦେହ ଉଦ୍ଧାର ହୋଇଛି l ଚପଲ ପଡ଼ିଥିବା ସ୍ଥାନରୁ ଘୋଷାରି ନେଇ 50 ଫୁଟ ଦୂରରେ ପକାଯାଇଛି l ବେକରେ ଦାଗ ଥିବାରୁ ଯୁବତୀଙ୍କୁ ହତ୍ୟା କରାଯାଇଥିବା ସନ୍ଦେହ କରାଯାଉଛି l ଘଟଣାସ୍ଥଳରେ ଏସଡ଼ିପିଓ ଏବଂ ଥାନାଧିକାରିଣୀ ପହଞ୍ଚି ଶବ ଜବଦ କରିବା ସହିତ ଅଧିକ ତଦନ୍ତ ଜାରି ରଖିଛନ୍ତି l ଯୁବତୀଙ୍କ ବୟସ 23 ରୁ 25 ହେବ ବୋଲି ଅନୁମାନ କରାଯାଉଛି l ଯୁବତୀଙ୍କ ପରିଚୟ ମିଳିପାରିନାହିଁ l ଅପରାହ୍ନରେ ଆଡିଶନାଲ ଏସପି ଏବଂ ସାଇଣ୍ଟିଫିକ ଟିମ ପହଞ୍ଚି ଅନୁଧ୍ୟାନ କରିଛନ୍ତି l ଶବ ବ୍ୟବଛେଦ ନିମନ୍ତେ କରଞ୍ଜିଆ ପଠାଯାଇଛି l ଯୁବତୀଙ୍କୁ ଘୋଷାରି ନେଇଥିବାର ଚି଼ହ୍ନ ଥିବାରୁ ଏହା ଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ସନ୍ଦେହଁ କରାଯାଉଛି l ଠାକୁରମୁଣ୍ଡା ଥାନାରେ ଅପମୃତ୍ୟୁ କେଶ ନଂ ୨ ରେ ମୋକଦ୍ଦମା ରୁଜ୍ଜୁ ହୋଇ ଅନୁସନ୍ଧାନ ଜାରି ରହିଛି l
