କେନ୍ଦ୍ରାପଡା : ଜିଲ୍ଲା ଯୋଗାଣ ବିଭାଗ ପକ୍ଷରୁ ଶୁକ୍ରବାର କେନ୍ଦ୍ରାପଡା ଟାଉନ ଓ ଆଖ ପାଖରେ ଥିବା ଗ୍ୟାସ ଏଜେନ୍ସି, ପେଟ୍ରୋଲ ପମ୍ପ, ସରକାରୀ ଗୋଦାମ ଉପରେ ଚଢାଉ କରାଯାଇ ଗଚ୍ଛିତ ସାମଗ୍ରୀ ଓ କାଗଜପତ୍ର ଯାଂଚ କରାଯାଇଥିବା ଜଣା ପଡିଛି । ସହକାରୀ ଜିଲ୍ଲାପାଳ ଅକ୍ଷୟ ସୁନିଲ ଅଗ୍ରୱାଲ, ଜିଲ୍ଲା ଯୋଗାଣ ଅଧିକାରୀ ରଜନୀକାନ୍ତ ଦାସ, ସହକାରୀ ଯୋଗାଣ ଅଧିକାରୀ ରଶ୍ମିତା ସାହୁ ପ୍ରମୁଖ ଏକ ଟିମ୍ ଏହି ପ୍ରତିଷ୍ଠାନ ଗୁଡିକ ଉପରେ ଚଢାଉ କରିଥିଲେ ।
ପ୍ରେଟ୍ରୋଲର ମାନ ଓ ପରିମାଣ ଗ୍ୟାସର ପରିମାଣ ସମ୍ବନ୍ଧୀୟ ଅଭିଯୋଗ ଜିଲ୍ଲା ପ୍ରଶାସନ ନିକଟରେ ପହଁଚିବା ପରେ ଏଭଳି ଚଢାଉ କରା ଯାଇଥିଲା । ପେଟ୍ରୋଲ ପମ୍ପ୍ ଗୁଡିକରେ କମ୍ ପରିମାଣର ଏବଂ ଅପମିଶ୍ରିତ ପେଟ୍ରୋଲ ମିଳୁଥିବା ଅଭିଯୋଗ ହୋଇଥିଲା । ଏହି ଆଧାରରେ ଶୁକ୍ରବାର ଏହି ଟିମ କଜଳା ଛକ, ତିନିମୁହାଣୀ, ଦୁହୁରିଆ, ଇଛାପୁର, ଗୋପ ରେ ଥିବା ପେଟ୍ରୋଲ ପମ୍ପ୍, ଛଘରିଆ ରେ ଥିବା ସରକାରୀ ଚାଉଳ ଗୋଦାମର ରେକର୍ଡ ପତ୍ର ଯାଂଚ କରିଥିଲେ । ଏ ସମ୍ବନ୍ଧୀୟ ରିପୋର୍ଟ ଜିଲ୍ଲାପାଳ ସମର୍ଥ ବାର୍ମାଙ୍କୁ ପ୍ରଦାନ କରାଯାଇଥିଲେ ମଧ୍ୟ ଏହାର ଫଳାଫଲ ଜଣା ପଡିନାହିଁ ।
