ସୋର, ୧୯/୯- ସୋର ବ୍ଲକ ଜଡିଦା ପଞ୍ଚୟତ ଅଧୀନସ୍ଥ ନରସିଂହନଗର ଶ୍ରୀଅରବିନ୍ଦ ରିସର୍ଚ୍ଚ ଏଣ୍ଡ ଗାଇଡେନ୍ସ ଏକାଡେମୀ(ସରଗ)ପକ୍ଷରୁ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଜଡ଼ିଦା ପଞ୍ଚୟତର ସରପଞ୍ଚ ସୁଲୋଚନା ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଗଛ ଲଗାଇବା ସହିତ ବୃକ୍ଷର ମହତ୍ତ୍୍ୱ ଉପରେ ଆଲୋକପାତ କରିଥିଲେ । ସମାନିତ ଅତିଥି ଭାବେ ସମିତିସଭ୍ୟା ଗୌରୀମଣି ବେହେରା, ଯୁବ ସମାଜସେବୀ ପର୍ଶୁରାମ ବେହେରା,ବରିଷ୍ଠ ସମାଜସେବୀ ରମାକାନ୍ତ ବେହେରା , ପଞ୍ଚାୟତ ଅଫିସର ଶମ୍ଭୁନାଥ ସାହୁ ଏବଂ ଅରୁଣ କୁମାର ପାତ୍ର ଅତିଥି ଭାବେ ଯୋଗଦେଇ ଏହି ବୃକ୍ଷରୋପଣ କାର୍ଯ୍ୟକ୍ରମରେ ସାମିଲ ହୋଇଥିଲେ । ଏହି କାର୍ଯ୍ୟକ୍ରମକୁ ଅନୁଷ୍ଠାନର ମ୍ୟାନେଜିଂ ଟ୍ରଷ୍ଟିର ସଭାପତି କରୁଣାକର ବିଶ୍ୱାଳ ପରିଚାଳନା କରିଥିବା ବେଳେ ଲକ୍ଷ୍ମୀପ୍ରିୟା ବିଶ୍ୱାଳ, ଗାୟତ୍ରୀ ମହାପାତ୍ର, ଉଜ୍ଜ୍ୱଳ କୁମାର ବିଶ୍ୱାଳ ଏବଂ କ୍ରିଷ୍ଣା ମହାପାତ୍ର ସହଯୋଗ କରିଥିଲେ । ଅନ୍ନପୂର୍ଣା ବିଶ୍ୱାଳ ଧନ୍ୟବାଦ ଅର୍ପଣ କରିଥିଲେ ।
