ଅନେକ ଲୋକେ ଏଭଳି ଅଛନ୍ତି ଯେଉଁମାନେ କି ରାତିସାରା ଅନିଦ୍ରା ହୋଇ ଦିନ ସମୟରେ ଅଧିକ ଶୋଇ ଥାଆନ୍ତି । ଆଜିକାଲି ମଧ୍ୟ ଦେଖିବାକୁ ମିଳୁଛି ପରୀକ୍ଷା ଆସିବା ମାତ୍ରକେ ପିଲାମାନେ ରାତିସାରା ପାଠ ପଢି ଦିନସାରା ସୋଇ ରହୁଛନ୍ତି । ଆହୁରି ମଧ୍ୟ କିଛି ଲୋକ ଙ୍କୁ ରାତି ଅନିଦ୍ରା ହେବାର ଅଭ୍ୟାସ ମଧ୍ୟ ରହିଥାଏ , ଯେପରିକି ରାତିସାରା ମୋବାଇଲ୍ ଓ ଟିଭି ଦେଖିବାରେ କିମ୍ବା ଲାପଟପ୍ ରେ କାମ କରିବାରେ ବ୍ୟସ୍ତ ରହିବେ ଓ ସକାଳ ହେବା ମାତ୍ରକେ ଶୋଇବେ । ତେଣୁ ଏହା ଶରୀର ପକ୍ଷରେ ଠିକ୍ ନୁହେଁ । ଗବେଷଣା କହୁଛି ଯେ ରାତି ଅନିଦ୍ରା ହେବା ଦ୍ଵାରା ଅନେକ ପ୍ରକାର ରୋଗ ଦ୍ଵାରା ଆପଣ ଆକ୍ରାନ୍ତ ହୋଇ ପାରନ୍ତି, ଯାହାକୁ ସାଇଲେଣ୍ଟ କିଲର୍ ବୋଲି କୁହାଯାଇ ଥାଏ ।
* ଅନେକ ଗୁଡ଼ିଏ ଅଧ୍ୟୟନ ଅନୁସାରେ ଯେଉଁ ଲୋକ ମାନଙ୍କ ର ରାତି ଅନିଦ୍ରା ହେବାର ଅଭ୍ୟାସ ରହିଥାଏ , ତେବେ ସେମାନଙ୍କ ମଧ୍ୟରେ ହୃଦଘାତ ସମସ୍ୟା ଦେଖା ଦେଇପାରେ । ଏହା ଏଥିପାଇଁ ହୋଇଥାଏ କାହିଁକି ନା ଶୋଇବା ଓ ଉଠିବା ଜୀବନ ଚକ୍ର ଆପଣଙ୍କ ହୃତପିଣ୍ଡ ଓ ବ୍ଲଡ ଭାସେଲସ୍ ର କାର୍ଯ୍ୟକୁ ନିୟନ୍ତ୍ରଣ କରିବାକୁ ଲାଗିଥାଏ । ହେଲ୍ଥ ଟେକ୍ କମ୍ପାନୀ ହୁମା ର ତଥ୍ୟ ଅନୁସାରେ ଯେଉଁ ଲୋକ ମାନେ ରାତି ୧୧ ଟା ପରେ ଶୋଇ ଥାଆନ୍ତି ସେମାନଙ୍କ ମଧ୍ୟରେ ଷ୍ଟ୍ରୋକ ହେବାର ବିପଦ ୨୫ ପ୍ରତିଶତ ବୃଦ୍ଧି ପାଇଥାଏ ।
* ବୈଜ୍ଞାନିକ ମାନଙ୍କ ସୂଚନା ଅନୁସାରେ ରାତିରେ ଶୀଘ୍ର ଶୋଇବା ବ୍ୟକ୍ତି ଙ୍କ ତୁଳନା ରେ ରାତିରେ ଅନିଦ୍ରା ହେବା ଲୋକ ଙ୍କ ନିକଟରେ ଟାଇପ୍ 2 ମଧୁମେହ ହେବାର ସମ୍ଭାବନା ଅଧିକ ଦେଖା ଯାଇଥାଏ । ଏହାଛଡା ଯେଉଁ ବ୍ୟକ୍ତି ମାନେ ରାତିରେ ଅଧିକ ସମୟ ଅନିଦ୍ରା ରହି ଥାଆନ୍ତି ସେମାନେ ଦିନରେ କାମ କରିବା ପାଇଁ ସକ୍ଷମ ହୋଇ ନଥାଆନ୍ତି । ଶୋଇବାର ଭୁଲ ପ୍ରଣାଳୀ ଯୋଗୁଁ ମଧୁମେହ ସମ୍ଭାବନା ଅଧିକ ଦେଖିବାକୁ ମିଳିଥାଏ ।
* ଦ ସନ୍ ର ରିପୋର୍ଟ ଅନୁସାରେ ଯେଉଁ ବ୍ୟକ୍ତି ମାନେ ରାତିରେ ନ ଶୋଇ ସକାଳୁ ସୋଇ ଥାଆନ୍ତି ସେମାନଙ୍କ ନିକଟରେ ଡିପ୍ରେସନ୍ ସମସ୍ୟା ଦେଖା ଦେଇଥାଏ । କାହିଁକି ନା ଏହା ଆମର ମାନସିକ ସ୍ଥିତି କୁ ପ୍ରଭାବିତ କରିଥାଏ । ଏହାଦ୍ବାରା ଆମେ ଡିପ୍ରେସନ୍ ର ଶିକାର ହୋଇଥାଉ । ଏହାଛଡା ସୂର୍ଯ୍ୟଙ୍କ ଆଲୋକ ଜୀବନ ରୁ ନକାରାତ୍ମକ ଶକ୍ତି କୁ ଦୂର କରିଥାଏ ।
* ଶୀଘ୍ର ଉଠିବା ମହିଳା ଙ୍କ ତୁଳନାରେ ଯେଉଁ ମହିଳା ମାନେ ରାତିରେ ଡେରିରେ ଶୋଇ ସକାଳୁ ଡେରିରେ ଉଠି ଥାଆନ୍ତି ସେମାନେ ଅଧିକ ବ୍ରେଷ୍ଟ କ୍ୟାନ୍ସର ଦ୍ଵାରା ପ୍ରଭାବିତ ହୋଇ ଥାଆନ୍ତି । ରିସର୍ଚ୍ଚ ରୁ ମିଳିଛି ଯେ ମଣିଷ ର ଶୋଇବା ର ଅଭ୍ୟାସ କ୍ୟାନ୍ସର କୁ ବଢାଇବା ର କାରଣ ହୋଇଥାଏ ।
