ସାଲେପୁର,୧୦/୮:-ନଈକୁ ଶୌଚ ହେବା ପାଇଁ ଯିବାବେଳେ ୭ବର୍ଷ ର ନାବାଳିକା ପାଣିରେ ବୁଡି ମୃତ୍ୟୁ ବରଣ କରିଥିବା ଜଣାପଡ଼ିଛି।ଘଟଣାରୁ ପ୍ରକାଶ ସାଲେପୁର ଥାନା ଅନ୍ତର୍ଗତ ଜପକୂଦ ଫାଣ୍ଡି ଅଧିନ ବାଲିସମେଳା ଗ୍ରାମର ସନ୍ତୋଷ କୁମାର ସାହୁ ଙ୍କ ସାତ ବର୍ଷ ର ଝିଅ ପ୍ରିୟାନ୍ସି ସାହୁ ଆଜି ଦିନରେ ନିକଟସ୍ଥ ଶୁକୁ ନଈକୁ ଶୌଚ ହେବାକୁ ଯାଇ ଫେରି ନଥିଲେ। ଫେରିବାକୁ ଡେରି ହେବାରୁ ଘରଲୋକ ଏବଂ ଗ୍ରାମବାସୀ ବହୁ ଖୋଜାଖୋଜି କରିବା ସମୟରେ ନଦୀ ପାଣିରେ ଭାସୁଥିବା ଦେଖି ଲୋକଙ୍କ ସହାୟତାରେ ଝିଅକୁ ଉଦ୍ଧାର କରି ସାଲେପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ଆଣିଥିଲେ।ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।ସାଲେପୁର ପୋଲିସ ଡାକ୍ତରଖାନାରେ ପହଞ୍ଚି ଶବକୁ ଜବତ କରିବା ସହିତ ଏକ ଅପମୃତ୍ୟୁ ମାମଲା ରୁଜୁ କରି ପୋଷ୍ଟମର୍ଟମ ପାଇଁ କଟକ ବଡ ମେଡ଼ିକାଲ ପଠାଇଥିବା ଜଣାପଡ଼ିଛି।
