ନୂଆଦିଲ୍ଲୀ : ବହୁ ପୂର୍ବରୁ ବିଶ୍ଵ ଆର୍ଥିକ ମାନ୍ଦବସ୍ଥା ଦେଇ ଗତି କରୁଛି , କିନ୍ତୁ ଏଭଳି ସ୍ଥିତି ରେ ଋଷ ର ଗୋଟିଏ ଏଭଳି ନିଷ୍ପତି ସାମ୍ନାକୁ ଆସିଛି ଯାହା ବିଶ୍ଵ କୁ ଅନାଟନ ଆଡ଼କୁ ଟାଣିନେଇ ଯିବ । ଋଷ ପକ୍ଷରୁ ସୂଚନା ଦିଆଯାଇଛି ଯେ ‘ ଋଷ ସଂଯୁକ୍ତ ରାଷ୍ଟ୍ର ମଧ୍ୟସ୍ଥତା ରେ ହେଉଥିବା ଶସ୍ୟ ରପ୍ତାନି ଚୁକ୍ତି କୁ ତୁରନ୍ତ ନିଲମ୍ବିତ କରିବ । ଏହି ଚୁକ୍ତି ଅନୁସାରେ ୟୁକ୍ରେନ ରୁ ୯କୋଟି ଟନ ଅଧିକ ଶସ୍ୟ ରପ୍ତାନି ହୋଇଥିଲା ଓ ବିଶ୍ୱ ସ୍ତରରେ ଖାଦ୍ୟ ଅନାଟନ ର ଅସୁବିଧା ଦୁର ହୋଇଥିଲା । ଭାରତ ଭଳି ମିତ୍ର ଦେଶ ମଧ୍ୟ ଋଷ ର ଏହି ପଦକ୍ଷେପ ଦ୍ଵାରା ଅସନ୍ତୁଷ୍ଟ ହୋଇଛନ୍ତି ।
ଭାରତ ପକ୍ଷରୁ କୁହାଯାଇଛି ଯେ ସଂଯୁକ୍ତ ରାଷ୍ଟ୍ର ମଧ୍ୟସ୍ଥତା ରେ ହୋଇଥିବା ଖାଦ୍ୟ ରାଜିନାମା କୁ ନିଲମ୍ବିତ କରାଯିବା ଦ୍ଵାରା ବିଶ୍ଵ ସାମ୍ନାରେ ବର୍ତ୍ତମାନ୍ ସ୍ଥିତି ରେ ଖାଦ୍ୟ ସୁରକ୍ଷା , ଇନ୍ଧନ ଓ ସାର ସମ୍ବନ୍ଧୀୟ ଅସୁବିଧା ଦେଖାଯିବା ର ସମ୍ଭାବନା ରହିଛି । ଏହି ରାଜିନାମା ଅନୁସାରେ ୟୁକ୍ରେନ ରୁ ଖାଦ୍ୟ ସାମଗ୍ରୀ ରପ୍ତାନି କରାଯାଇ ଥିଲା । କିନ୍ତୁ ଋଷ ର ଏଭଳି ନିଷ୍ପତି ବିଶ୍ୱକୁ ସଙ୍କଟ ରେ ପକାଇ ପାରେ ।
ଆମେରିକା ରାଷ୍ଟ୍ରପତି ଯୋ ବାଇଡେନ କହିଛନ୍ତି ଯେ ୟୁକ୍ରେନ ରୁ ରପ୍ତାନି ହେଉଥିବା ଶସ୍ୟ କୁ ନିଲମ୍ବିତ କରି ଋଷ ବିଶ୍ଵ କୁ ଖାଦ୍ୟ ଅନାଟନ ଆଡ଼କୁ ଠେଲି ଦେଇଛି । ଏହା ଖୁବ୍ ଅପମାନ ଜନକ ଅଟେ । ୟୁକ୍ରେନ ରାଷ୍ଟ୍ରପତି ଜେଲେନ୍ସ୍କି କହିଛନ୍ତି ଋଷ ଜାଣିଶୁଣି ସେପ୍ଟେମ୍ବର ମାସରୁ ବିଶ୍ବରେ ଖାଦ୍ୟ ସଙ୍କଟ ବଢ଼ାଉଥିଲା । ବର୍ତ୍ତମାନ୍ ପ୍ରାୟ ଶସ୍ୟ ପୂର୍ଣ୍ଣ ହୋଇଥିବା ୧୭୬ ଜାହାଜ ଙ୍କୁ ୟୁକ୍ରେନ ର ବିଭିନ୍ନ ବନ୍ଦର ରେ ଅଟକାଇ ରଖା ଯାଇଛି ।
