ପୁରୀ,୧୦ା୫ :ଅଳିଆ ଆବର୍ଜନା ସଫା କରି ସହରର ସ୍ୱଚ୍ଛତା ରକ୍ଷାରେ ପ୍ରମୁଖ ଭୂମିକା ଗ୍ରହଣ କରୁଥିବା ୬୦ଜଣ ପରିମଳ ସେବାକାରୀଙ୍କୁ ବଡଦାଣ୍ଡସ୍ଥିତ ମୁ୍ୟନସିପାଲ ମାର୍କେଟ ଛକ ଯାନବାହନ ପାର୍କିଂ ସ୍ଥଳରେ ଆରଏସ୍ଏସ୍ କାର୍ଯ୍ୟକର୍ତ୍ତାମାନେ ଫୁଲ ଓ ଚନ୍ଦନ ପ୍ରଦାନ ପୂର୍ବକ ସମ୍ବର୍ଦ୍ଧିତ କରିଛନ୍ତି । ପରିମଳ କର୍ମଚାରୀମାନଙ୍କୁ ମାସ୍କ ଓ ଖାଦ୍ୟ ସାମଗ୍ରୀ ଥିବା ଗୋଟିଏ ଲେଖାଏଁ ଥଳି ଆରଏସଏସ ପକ୍ଷରୁ ପ୍ରଦାନ କରାଯାଇଥିଲା ।
ରାଷ୍ଟ୍ରିୟ ସ୍ୱୟଂ ସେବକ ସଂଘ ନଗର କାର୍ଯ୍ୟବାହ ସର୍ବେଶ୍ୱର ବିଶୋଇ, ଜିଲ୍ଲା ବ୍ୟବସ୍ଥା ପ୍ରମୁଖ ବାମଦେବ ନାୟକ, ଜିଲ୍ଲା ପ୍ରଚାରକ ରଞ୍ଜନ ନାୟକ, ଶାରିରୀକ ପ୍ରମୁଖ ସୁକାନ୍ତ ଦଳେଇ, ଲୋକନାଥ ମହାପାତ୍ର, ବିକାଶ ଦତ୍ତ, ଅଜୟ ମହାରଣା, ଲକ୍ଷ୍ମୀକାନ୍ତ ନନ୍ଦ, ସତ୍ୟ ନାରାୟଣ ଦାସ, ପ୍ରିୟରଞ୍ଜନ ଜେନା ଓ ହୃଷିକେଶ ନାୟକ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମ ପରିଚାଳନା କରିଥିଲେ ।
ସୂଚନାଯୋଗ୍ୟଯେ,ମହାମାରୀ କରୋନା ସଂକ୍ରମଣ ଜନିତ ରାଷ୍ଟ୍ରିୟ ବିପତ୍ତି ସମୟରେ ରାଷ୍ଟ୍ରିୟ ସ୍ୱୟଂ ସେବକ ସଂଘ ପକ୍ଷରୁ ବିଭିନ୍ନ ସଚେତନତା ଓ ସେବାମୂଳକ କାର୍ଯ୍ୟ କରାଯାଉଛି ।
