ଦୂରସଂଚାର ବିଭାଗ ପକ୍ଷରୁ ଓଡ଼ିଶାରେ ୨୬ ଗିଗାହର୍ଜ ଓ ୩୩୦୦ ମେଗାହର୍ଜ ବ୍ୟାଣ୍ଡ୍ରେ ରିଲାଏନ୍ସ ଜିଓର ୫ଜି ନେଟ୍ୱର୍କର ପରୀକ୍ଷଣ
ଭୁବନେଶ୍ୱର: ଓଡ଼ିଶାରେ ଦ୍ରୁତ ଗତିରେ ୫ଜି ସେବାର ସମ୍ପ୍ରସାରଣ ଜାରି ରହିଥିବା ବେଳେ ଭାରତ ସରକାରଙ୍କ ଦୂରସଂଚାର ବିଭାଗ, ଓଡ଼ିଶା ଲାଇସେନ୍ସ ସର୍ଭିସ୍ ଅଂଚଳ (ଏଲ୍ଏସ୍ଏ) ପକ୍ଷରୁ ରାଜ୍ୟରେ ୨୬ ଗିଗାହର୍ଜ ଓ ୩୩୦୦ ମେଗାହର୍ଜ ବ୍ୟାଣ୍ଡ୍ରେ ରିଲାଏନ୍ସ ଜିଓର ୫ଜି ସାଇଟ୍ରେ ପ୍ରଥମ ପର୍ଯ୍ୟାୟ ସେବା ପରୀକ୍ଷଣ କରାଯାଇଛି । ଓଡ଼ିଶା ଏଲ୍ଏସ୍ଏର ଡେପୁଟି ଡାଇରେକ୍ଟର ଜେନେରାଲ୍ ଅନିଲ କୁମାର ସୁବୁଦ୍ଧି, ନିର୍ଦ୍ଦେଶକ ଚନ୍ଦ୍ର ପ୍ରକାଶ ଯାଦବ ଓ ଏଡିଜି ଚିତରଂଜନ ଦେବତାଙ୍କ ସମେତ ଟେଲିକମ୍ ବିଭାଗର ବରିଷ୍ଠ ଅଧିକାରୀଙ୍କ ଏକ ଟିମ୍ ଦ୍ଵାରା ଏହି ପରୀକ୍ଷଣ କରାଯାଇଥିଲା ।
ଏହି ପରୀକ୍ଷଣର ଅଂଶ ସ୍ୱରୂପ ୨୦୨୩ ଅଗଷ୍ଟ ୯ରେ ଭୁବନେଶ୍ୱରଠାରେ ରିଲାଏନ୍ସ ଜିଓକୁ ଆବଂଟନ କରାଯାଇଥିବା ୨୬ ଗିଗାହର୍ଜ ବ୍ୟାଣ୍ଡ୍ରେ ୫ଜି ସାଇଟ୍ର ପ୍ରଥମ ପର୍ଯ୍ୟାୟ ସେବା ପରୀକ୍ଷଣ କରାଯାଇଥିବା ନେଇ ଟେଲିକମ ବିଭାଗ ଓଡ଼ିଶା ଏଲ୍ଏସ୍ଏ ପକ୍ଷରୁ ଟୁଇଟ୍ ଜରିଆରେ ସୂଚିତ କରାଯାଇଛି । ୨୬ ଗିଗାହର୍ଜରେ ଜିଓ ନେଟ୍ୱର୍କରେ ପରୀକ୍ଷଣ ସମୟରେ ସର୍ବାଧିକ ୫ଜି ସ୍ପିଡ୍ ୧.୨ ଜିବିପିଏସ୍ ରହିଥିଲା । https://twitter.com/LsaOdisha/status/1689195126940377088?s=20
ଅନ୍ୟ ଏକ ଟୁଇଟ୍ରେ ଟେଲିକମ୍ ବିଭାଗର ଓଡ଼ିଶା ଏଲ୍ଏସ୍ଏ ପକ୍ଷରୁ ସୂଚନା ଦିଆଯାଇଛି ଯେ ରିଲାଏନ୍ସ ଜିଓକୁ ଆବଂଟନ କରାଯାଇଥିବା ୩୩୦୦ ମେଗାହର୍ଜ ବ୍ୟାଣ୍ଡ୍ରେ ୫ଜି ସାଇଟ୍ର ପ୍ରଥମ ପର୍ଯ୍ୟାୟ ପରୀକ୍ଷଣ ୨୦୨୩ ଅଗଷ୍ଟ ୮ରେ ଓଡ଼ିଶାର ପୁରୀ ଜିଲ୍ଲାର ପିପିଲିଠାରେ କରାଯାଇଥିଲା । ଏହି ପରୀକ୍ଷଣ ବେଳେ ୩୩୦୦ ମେଗାହର୍ଜ ବ୍ୟାଣ୍ଡ୍ରେ ୫ଜି ନେଟ୍ୱର୍କର ସ୍ପିଡ୍ ୮୨୦ ଏମ୍ବିପିଏସ୍ ରହିଥିଲା ।
https://twitter.com/LsaOdisha/status/1688902093619466240?s=20
ରିଲାଏନ୍ସ ଜିଓ ଦ୍ରୁତ ଗତିରେ ସାରା ଓଡ଼ିଶାରେ ୫ଜି ନେଟ୍ୱର୍କର ସମ୍ପ୍ରସାରଣ କରୁଛି ଏବଂ ଏହା ହେଉଛି ଏକମାତ୍ର ଟେଲିକମ୍ ଅପରେଟର ଯାହାର ଓଡ଼ିଶାର ସମସ୍ତ ଜିଲ୍ଲାରେ ୫ଜି ନେଟ୍ୱର୍କ ଉପଲବ୍ଧ ରହିଛି । ଜିଓ ହେଉଛି ଏକମାତ୍ର ଟେଲିକମ୍ ସେବା ପ୍ରଦାନକାରୀ ଯାହା ପାଖରେ ପ୍ରିମିୟମ୍ ୭୦୦ ମେଗାହର୍ଜ ବ୍ୟାଣ୍ଡ୍ ସ୍ପେକ୍ଟ୍ରମ୍ ରହିଛି ଯାହାକୁ ୫ଜି ନେଟ୍ୱର୍କ ମୂତୟନ ପାଇଁ ସବୁଠୁ ଉପଯୁକ୍ତ ବିବେଚନା କରାଯାଉଛି । ଜିଓ ୱେଲ୍କମ୍ ଅଫର ମାଧ୍ୟମରେ ବ୍ୟବହାରକାରୀମାନେ ଏବେ ବିନା କୌଣସି ଅତିରିକ୍ତ ଖର୍ଚ୍ଚରେ ୧ ଜିବିପିଏ୍ରୁ ଅଧିକ ସ୍ପିଡ୍ ପର୍ଯ୍ୟନ୍ତ ଅସୀମିତ ଡାଟାର ଅନୁଭୂତି ପାଉଛନ୍ତି ।
ନିକଟରେ ସଂସଦରେ ଟେଲିକମ୍ ବିଭାଗ ପକ୍ଷରୁ ପ୍ରଦାନ କରାଯାଇଥିବା ଉତ୍ତରରେ ଉଲ୍ଲେଖ କରାଯାଇଥିଲା ଯେ ଓଡ଼ିଶା ସମେତ ସାରା ଦେଶରେ ୫ଜି ନେଟ୍ୱର୍କ ସ୍ଥାପନ କରିବାରେ ରିଲାଏନ୍ସ ଜିଓ ବହୁ ଆଗରେ ରହିଛି । ଟେଲିକମ୍ ବିଭାଗ ପ୍ରଦାନ କରିଥିବା ଜିଲ୍ଲା ହିସାବରେ ତଥ୍ୟ ଅନୁସାରେ ଓଡ଼ିଶାରେ ସ୍ଥାପନ କରାଯାଇଥିବା ମୋଟ ୭୭୫୬ଟି ୫ଜି ବିଟିଏସ୍ ମଧ୍ୟରୁ ଜିଓ ସର୍ବାଧିକ ୬୩୪୫ଟି ୫ଜି ବିଟିଏସ୍ ସ୍ଥାପନ କରିଛି । ଏହାର ନିକଟତମ ପ୍ରତିଦ୍ୱନ୍ଦ୍ୱୀ ଏୟାରଟେଲ୍ ମାତ୍ର ୧୪୧୧ଟି ୫ଜି ବିଟିଏସ୍ ସ୍ଥାପନ କରିଥିବା ସୂଚନା ଦିଆଯାଇଥିଲା । ଜିଲ୍ଲାଗୁଡ଼ିକ ମଧ୍ୟରୁ ଖୋର୍ଦ୍ଧା ଜିଲ୍ଲାରେ ସର୍ବାଧିକ ୧୩୫୬ଟି ୫ଜି ବିଟିଏସ୍ ସ୍ଥାପନ କରାଯାଇଥିବା ବେଳେ ସେଥିରୁ ୧୧୨୪ଟି ଜିଓ ସ୍ଥାପନ କରିଛି । ସେହିପରି କଟକର ମୋଟ ୭୯୨ଟି ୫ଜି ବିଟିଏସ୍ ମଧ୍ୟରୁ ଜିଓ ୭୧୦ଟି ୫ଜି ବିଟିଏସ୍ ସ୍ଥାପନ କରିଛି । ଜିଓ ପକ୍ଷରୁ ଗଂଜାମ ଜିଲ୍ଲାରେ ୪୨୦, ସୁନ୍ଦରଗଡ଼ରେ ୪୪୮ଟି ୫ଜି ବିଟିଏସ୍ ସ୍ଥାପନ କରାଯାଇଥିବା ବେଳେ ଏହି ଦୁଇ ଜିଲ୍ଲାରେ ଏୟାରଟେଲ୍ ଯଥାକ୍ରମେ ୧୨୨ ଓ ୬୬ଟି ୫ଜି ବିଟିଏସ୍ ସ୍ଥାପନ କରିଛି । ବାଲେଶ୍ୱରରେ ୪୪୪ଟି ୫ଜି ବିଟିଏସ୍ ସ୍ଥାପନ କରାଯାଇଥିବା ବେଳେ ଜିଓ ୩୫୬ଟି ଓ ଏୟାରଟେଲ୍ ୮୮ଟି ୫ଜି ବିଟିଏସ୍ ସ୍ଥାପନ କରିଛି ।
ଜିଓ ପାଖରେ ରହିଥିବା ତିନି ସୂତ୍ରୀ ଲାଭ ଏହାକୁ ଭାରତର ଏକମାତ୍ର ଟ୍ରୁ-୫ଜି ନେଟ୍ୱର୍କରେ ପରିଣତ କରିଛି । ଏହା ମଧ୍ୟରେ ସାମିଲ ରହିଛି ଷ୍ଟାଣ୍ଡ୍-ଏଲୋନ୍ ୫ଜି ଢାଂଚା ସହିତ ୪ଜି ଉପରେ ଶୂନ ନିର୍ଭରଶୀଳ ଥିବା ଉନ୍ନତ ୫ଜି ନେଟୱର୍କ, ୭୦୦ ମେଗାହର୍ଜ, ୩୫୦୦ ମେଗାହର୍ଜ ଓ ୨୬ ଗିଗାହର୍ଜ ବ୍ୟାଣ୍ଡ୍ର ସର୍ବବୃହତ ଓ ଶ୍ରେଷ୍ଠ ୫ଜି ସ୍ପେକ୍ଟ୍ରମ୍ ମିଶ୍ରଣ ଏବଂ କ୍ୟାରିୟର ଏଗ୍ରିଗ୍ରେସନ ଯାହା ଉନ୍ନତ କ୍ୟାରିୟର ଏଗ୍ରିଗ୍ରେସନ ନାମକ ପ୍ରଯୁକ୍ତିକୁ ବ୍ୟବହାର କରି ନିରବଚ୍ଛିନ୍ନ ଭାବେ ୫ଜି ଫ୍ରିକୁଏନ୍ସିକୁ ଗୋଟିଏ ଦୃଢ଼ “ଡାଟା ହାଇୱେ’ରେ ପରିଣତ କରୁଛି ।
