ପୁରୀ: ଜିଲ୍ଲାର ବିଭିନ୍ନ ବିଜ୍ଞାପିତ ଅଞ୍ଚଳ ପରିଷଦ ପାଇଁ ଆଜି ଶାନ୍ତି ପୂର୍ଣ୍ଣ ଭାବେ ପୌର ନିର୍ବାଚନ ଶେଷ ହୋଇଛି। ଜିଲ୍ଲାର ପିପିଲି, ନିମାପଡା ଓ କୋଣାର୍କ ବିଜ୍ଞାପିତ ଅଞ୍ଚଳ ନିମନ୍ତେ ମତଦାନ ଅନୁଷ୍ଠିତ ହୋଇ ଥିଲା। ସକାଳ ୮ ଟାରୁ ମତଦାନ ଅନୁଷ୍ଠିତ ହୋଇ ସନ୍ଧ୍ୟା ୫ ଟା ପର୍ଯ୍ୟନ୍ତ ଚାଲି ଥିଲା। ସନ୍ଧ୍ୟା ୫ ଟା ସୁଦ୍ଧା ମୋଟା ମୋଟୀ ଭାବେ ୭୪ ପ୍ରତିଶତ ମତଦାନ ହୋଇଛି।
ପିପିଲିରେ ୭୧.୪୬ ପ୍ରତିଶତ, ନିମାପଡାରେ ୭୨.୩୫ ଓ କୋଣାର୍କରେ ୭୪.୫୫ ପ୍ରତିଶତ ମତଦାନ ହୋଇଛି । ବରିଷ୍ଠ ଅଧିକାରୀମାନେ ରହି ମତଦାନ ବ୍ୟବସ୍ଥା ସମୀକ୍ଷା କରିଥିଲେ । ପିପିଲିରେ ଭୂଅର୍ଜନ ଅଧିକାରୀ ଶ୍ରୀ କୈଳାଶ ଚନ୍ଦ୍ର ନାୟକ , ନିମାପଡାରେ ପିକେଡିଏ ସଚିବ ଶ୍ରୀ ଲଲାଟେନ୍ଦୁ ସାହୁ ଓ କୋଣାର୍କରେ ଅତିରିକ୍ତ ଜିଲ୍ଲାପାଳ (ରାଜସ୍ବ) ଶ୍ରୀ ସୁଭାଷ ଚନ୍ଦ୍ର ନାଥଶର୍ମା ଉପସ୍ଥିତ ରହି ସମସ୍ତ ବ୍ୟବସ୍ଥା ଉପରେ ନଜର ରଖିଥିଲେ । ଅତିରିକ୍ତ ଜିଲ୍ଲାପାଳ ଶ୍ରୀ ପ୍ରଦୀପ କୁମାର ସାହୁ ଏବଂ ଉପ ଜିଲ୍ଲାପାଳ ଶ୍ରୀ ଭବତାରଣ ସାହୁ ବିଭିନ୍ନ ମତଦାନ କେନ୍ଦ୍ର ବୁଲି ଦେଖିଥିଲେ । ଶାନ୍ତିଶୃଙ୍ଖଳା ନିମନ୍ତେ ଆବଶ୍ୟକୀୟ ପୋଲିସ ମୁତୟନ କରାଯାଇଥିଲା ।
