ଡାହାଣ ପଟ ଅଣ୍ଟା ଯନ୍ତ୍ରଣା ପଛରେ ରହିଛି ଏହି ୫ଟି କାରଣ, ସମୟ ଥାଉ ଥାଉ ଉପଚାର ନକଲେ ହୋଇ ପାରନ୍ତି ଗମ୍ଭୀର ସମସ୍ୟା ର ସମୁଖୀନ
ଅଣ୍ଟା ଯନ୍ତ୍ରଣା ଦ୍ୱାରା ଆଜିକାଲି ପ୍ରାୟ ସମସ୍ତେ କଷ୍ଟ ପାଉଛନ୍ତି l କିନ୍ତୁ ଗବେଷକ ମାନଙ୍କ ମତରେ ଏହାକୁ ହାଲୁକା ଭାବରେ ଗ୍ରହଣ କରିବା ଉଚିତ ନୁହେଁ l ଏହା ଏଥିପାଇଁ ଅଧିକାଂଶ ସମୟରେ ଅଣ୍ଟା ଯନ୍ତ୍ରଣା ହେବାର କିଛିନା କିଛି ବିଶେଷ କାରଣ ମଧ୍ୟ ରହିଥାଏ l ଆମ ଶରୀରର ଡାହାଣ ପାର୍ଶ୍ୱରେ ଆମର ଅନେକ ଗୁଡିଏ ଗୁରୁତ୍ୱପୂର୍ଣ ଅଙ୍ଗ ରହିଛି l ଯେପରିକି ଲିଭର, ଗଲବ୍ଲଡର, କିଡ୍ନୀ, କୋଲନ ଓ ଛୋଟ ଅନ୍ତନାଳୀ ଇତ୍ୟାଦି l ଯଦି ଏହି କୌଣସି ଅଙ୍ଗରେ କିଛିବି ସମସ୍ୟା ଦେଖାଦିଏ ତେବେ ଡାହାଣ ପଟ ଅଣ୍ଟାରେ ଯନ୍ତ୍ରଣା ଅନୁଭୂତ ହୋଇଥାଏ l
କାରଣ :-
– ଇଣ୍ଟରଭରଟେବ୍ରାଲ ଡିସ୍କ ଡିଜନରେସନ :
ଇଣ୍ଟରଭରଟେବ୍ରାଲ ଡିସ୍କ ଡିଜନରେସନ ଗୋଟିଏ ସାମାନ୍ୟ ସ୍ଥିତି ଅଟେ ଯେଉଁଥିରେ ମେରୁଦଣ୍ଡ କୁ ସାହାରା ଦେଉଥିବା ହାଡ଼ ଗୁଡିକ ନଷ୍ଟ ହୋଇ ଯାଇଥାଏ l ଏହି କାରଣରୁ କୋଷିକା ଗୁଡିକ ମଧ୍ୟରେ ସଂଘର୍ଷ ବଢି ଯାଇଥାଏ ଓ ଅଂଟା ର ଡାହାଣ ପାର୍ଶ୍ୱରେ ଯନ୍ତ୍ରଣା ଅନୁଭୂତ ହୋଇଥାଏ l ଏହି ସମୟ ରେ ପିଠି ର ତଳ ପାର୍ଶ୍ଵର ମାଂସପେଶୀ ଉତ୍ତେଜନାଗ୍ରସ୍ତ ହୋଇ ଯାଇଥାଏ, ଯେଉଁ କାରଣରୁ ଅଣ୍ଟା ଯନ୍ତ୍ରଣା ଅନୁଭୂତ ହୋଇଥାଏ l
– ମେରୁଦଣ୍ଡ ସହିତ ଯୋଡି ହୋଇଥିବା ସମସ୍ୟା :
ମେରୁଦଣ୍ଡର ହାଡ଼ ରେ ଯଦି କୌଣସି ସମସ୍ୟା ରହିଥାଏ ତେବେ ଡାହାଣ ପଟ ଅଂଟା ରେ ଯନ୍ତ୍ରଣା ଅନୁଭୂତ ହୋଇଥାଏ l ଯାହାକୁ ଭବିଷ୍ୟତ ରେ ଗୋଟିଏ ବଡ଼ ବିପଦର କାରଣ ହୋଇଥାଏ l
– ସାଇଟିକା :
ନର୍ଭ ଠିକ ଭାବରେ ଫଙ୍କସନ ନ କରିବାରୁ ମଧ୍ୟ ସାଇଟିକା ର କାରଣ ହୋଇଥାଏ l ଏହା ସେହି ତନ୍ତ୍ରୀକା ଗୁଡିକ ଯାହା ଅଂଟା ଠାରୁ ଗୋଡ଼ ର ପଛ ପାର୍ଶ୍ୱ ଦେଇ ଯାଇଥାଏ l ଯାହାକୁ ଆମେ ଅଣଦେଖା କରିବା ଦ୍ୱାରା ଭବିଷ୍ୟତ ରେ ଅନେକ ପ୍ରକାର ଅସୁବିଧାର ଭୋଗ କରିବାକୁ ପଡିଥାଏ l ସାଇଟିକା ବିଶେଷ ଭାବରେ ଶରୀରର ଗୋଟିଏ ପାର୍ଶ୍ୱକୁ ପ୍ରଭାବିତ କରିଥାଏ l ଏହି ସମସ୍ୟା ଦେଖା ଗଲେ ଉଠିବା,ବସିବା,ଶୋଇବା ସବୁ କିଛିରେ ଅସୁବିଧା ଭୋଗ କରିବାକୁ ପଡିଥାଏ l
– ହାର୍ନିୟେଟେଡ଼ ଡିସ୍କ :
ଏହି ସମସ୍ୟା ସେତେବେଳେ ଦେଖା ଯାଇଥାଏ ଯେତେବେଳେ ଆପଣଙ୍କ କୋଷିକା ଗୁଡିକୁ ଅଚାନକ ଭାବରେ ଆଘାତ ଲାଗିଥାଏ l ହାର୍ନିୟେଟେଡ଼ ଡିସ୍କ ମଧ୍ୟ ସାଇଟିକା ର ଗୋଟିଏ କାରଣ ଅଟେ l ଯେପରି ବୟସ ବଢି ବଢି ଚାଲିଥାଏ ସେପରି ଏହି ସମସ୍ୟା ଅଧିକ ରୁ ଅଧିକ ଦେଖା ଦେଇଥାଏ l କାହିଁକି ନା ଡିସ୍କ ସ୍ୱାଭାବିକ ଭାବରେ ଖରାପ ହେବାକୁ ଲାଗିଥାଏ l
– କିଛିଟା ଗମ୍ଭୀର ରୋଗ କାରଣରୁ :
ନଚେତ କିଡ୍ନୀ ଷ୍ଟୋନ, ପେନକ୍ରିୟାଜ ସହିତ ଯୋଡି ହୋଇଥିବା ସମସ୍ୟା କିମ୍ବା ବ୍ଲାଡର ର କିଛି ସଂକ୍ରମଣ ଥିଲେ ଅଂଟା ଯନ୍ତ୍ରଣା ଦେଖା ଦେଇଥାଏ l
ଉପଚାର :-
* ଏପରି ସ୍ଥିତି ରେ ଚଲାଚଲି କମ କରିବା ଉଚିତ l
* ଏହି ସମୟ ରେ ଗରମ ସେକ ନେବା ଉଚିତ l ଗରମ ସେକ ରକ୍ତ ସଂଚାଳନ କୁ ବଢ଼ାଇ ଦେଇଥାଏ l
* ଏପରି ସ୍ଥିତିରେ ପୋଲାଙ୍ଗ ତେଲ ର ମାଲିସ କରିବା ଉଚିତ l
* ଯଥାଶୀଘ୍ର ଡାକ୍ତରଙ୍କୁ ପରାମର୍ଶ କରି ଆରାମ ପାଇବା ଉଚିତ l
