ନୂଆପଡାରେ ନେତାଜୀ ଓ ବୀର ସୁରେନ୍ଦ୍ର ସାଏ ଜୟନ୍ତୀ ପାଳିତ , ଉଦଘାଟନ ହେଲା ନେତାଜୀ ଚୌକ, ସରସ୍ୱତୀ ଓ ମଧୁସୂଦନ ମାର୍ଗ 

ନୂଆପଡା,୨୩/୧( ସୁରେନ୍ଦ୍ର ତିୱାରୀ ) ଜିଲ୍ଲା ସଦର ମହକୁମା ସ୍ଥିତ ସରକାରୀ ବାଳିକା ହାଇ ସ୍କୁଲ ପରିସରରେ ନେତାଜୀ ସୁବାଷ ଚନ୍ଦ୍ର ବୋଷ ଏବଂ ବୀର ସୁରେନ୍ଦ୍ର ସାଏଙ୍କ ଜନ୍ମ ଜୟନ୍ତୀ ଉତ୍ସବ  ପାଳିତ ହୋଇଯାଇଛି | ଏହି ଅବସରରେ ଜିଲ୍ଲା ମୁଖ୍ୟ ଚିକିତ୍ସାଳୟ ନିକଟବର୍ତ୍ତୀ ଛକକୁ ନେତାଜୀ ଚୌକ ଏବଂ ସରସ୍ୱତୀ ଶିଶୁ ବିଦ୍ୟାମନ୍ଦିର ଓ ବାଳିକା ହାଇସ୍କୁଲ ମାର୍ଗକୁ ଯଥାକ୍ରମେ ସରସ୍ୱତୀ ଓ ମଧୁସୂଦନ ମାର୍ଗ ଭାବରେ ନାମିତ କରାଗଲା | ପୂର୍ବାହ୍ନ ସାଢେ ୧୦ଟାରେ ଆୟୋଜିତ କାର୍ଯ୍ୟକ୍ରମରେ ପ୍ରଥମେ ଜିଲ୍ଲାପାଳ ମଧୁସୂଦନ ଦାଶ ମୁଖ୍ୟ ଅତିଥି ଭାବେ ଯୋଗ ଦେଇ ଛକକୁ ଆନୁଷ୍ଠାନିକ ଭାବେ ନାମ ଫଳକ ଅନାବରଣ କରିଥିଲେ | ଛକରେ ଆୟୋଜିତ କାର୍ଯ୍ୟକ୍ରମରେ ସ୍ଥାନୀୟ ସରସ୍ବତୀ ଶିଶୁ ବିଦ୍ୟାମନ୍ଦିର ଏବଂ ବାଳିକା ହାଇସ୍କୁଲର  ଛାତ୍ରୀଛାତ୍ର ମାନଙ୍କର ଏକ ମାନବ ଶୃଙ୍ଖଳା ପ୍ରସ୍ତୁତ କରି ଜିଲ୍ଲାପାଳଙ୍କୁ ସ୍ୱାଗତ କରାଯାଇଥିଲା | କାର୍ଯ୍ୟକ୍ରମରେ ନେତାଜୀ ଜୟନ୍ତୀ ଉତ୍ସବ ପାଳନ କମିଟି ସାଙ୍ଗଠନିକ ସଂପାଦକ ଘନଶ୍ୟାମ ଭୋଇଙ୍କ ସଂଯୋଜନାରେ ଅନୁଷ୍ଠିତ କାର୍ଯ୍ୟକ୍ରମରେ ଆବାହକ ମଧୁସୂଦନ ସାହୁ, କାର୍ଯ୍ୟକାରୀ ସଭାପତି ବିନୋଦ ବିହାରୀ ଦାସ,ସରସ୍ୱତୀ ଶିଶୁ ବିଦ୍ୟାମନ୍ଦିର ପରିଚାଳନା କମିଟି ସଭାପତି ଚିନ୍ତାମଣି ପାଣିଗ୍ରାହୀ, ସଂପାଦକ ଶିବାଜୀ ପଣ୍ଡା, ପୂର୍ବତନ ଜିଲ୍ଲା ଓକିଲ ସଙ୍ଘ ସଭାପତି ପ୍ରସନ୍ନ କୁମାର ପାଢ଼ୀ, ଦୁଲ୍ଳଭ ଚରଣ ବେହେରା ପ୍ରମୁଖ ଯୋଗ ଦେଇଥିଲେ | ଦୁଇ ଗୋଟି ବିଦ୍ୟାଳୟ ତରଫରୁ ବାଜା ବଜାଇ ଭଵ୍ୟ ସ୍ୱାଗତ କରାଯାଇଥିଲା | ଏହା ପରେ ଜିଲ୍ଲାପାଳଙ୍କୁ ଫୁଲ ଚନ୍ଦନ ଦେଇ ସରକାରୀ ବାଳିକା ହାଇସ୍କୁଲ ସ୍ଥିତ ସଭା ମଞ୍ଚକୁ ପାଛୋଟି ନେଇଥିଲେ | ସେଠାରେ ମଧୁସୂଦନ ସାହୁଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ଜିଲ୍ଲାପାଳ ଦାଶ ମୁଖ୍ୟ ଅତିଥି,ବରିଷ୍ଠ ନାଗରିକ ସଙ୍ଘ ସଭାପତି କ୍ଷୀରୋଦ ନିବାସ ପଣ୍ଡା ମୁଖ୍ୟ ଵକ୍ତା, ନୂଆପଡା ଏନଏସି ଅଧ୍ୟକ୍ଷ ଆଦମ ଖାନ, କାର୍ଯ୍ୟ ନିର୍ବାହୀ ଅଧିକାରୀ ଚନ୍ଦନ ସତପଥି,ପ୍ରସନ୍ନ ପାଢ଼ୀ, ଅଭିନନ୍ଦନ ପଣ୍ଡା ପ୍ରମୁଖ ସମ୍ମାନୀତ ଅତିଥି ଭାବେ ଯୋଗ ଦେଇଥିଲେ | ଏହି ଅବସରରେ ବରିଷ୍ଠ ଶିକ୍ଷକ ସଂକର୍ଷଣ ପୁରୋହିତ, ପ୍ରଜ୍ଞା ପରମିତା ବିଶ୍ୱାଳ ମଞ୍ଚ ପରିଚାଳନା କରିଥିଲେ | ଏହି ଅବସରରେ ଏନଏସିର କାଉନସିଳର, ଶିକ୍ଷକ, ସାମ୍ବାଦିକ, ସମାଜ ସେବୀ ମାନଙ୍କୁ ସମ୍ବର୍ଦ୍ଧିତ କରାଗଲା |  ଛାତ୍ରୀ ମାନଙ୍କ ଦ୍ୱାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ମାନ ପରିବେଷଣ କରାଯାଇଥିଲା | କାର୍ଯ୍ୟକ୍ରମ ଶେଷରେ ଶରତ କୁମାର ପଣ୍ଡା ଧନ୍ୟବାଦ ଜ୍ଞାପନ କରିଥିଲେ | କାର୍ଯ୍ୟକ୍ରମ ପରିଚାଳନାରେ ସରସ୍ବତୀ ଶବର,କିଶୋର କୁମାର ପରିଡା, ଜିତେନ୍ଦ୍ର ଖମାରୀ, ନୀତେନ୍ଦ୍ର ସାହୁ, ଯାଜ୍ଞସେନି ମହାପାତ୍ର, ଯୋଗେନ୍ଦ୍ର ବେହେରାଙ୍କ ସମେତ ବାଳିକା ହାଇସ୍କୁଲ ଏବଂ ସରସ୍ବତୀ ଶିଶୁ ବିଦ୍ୟାମନ୍ଦିରର ସମସ୍ତ ଶିକ୍ଷଜ ଶିକ୍ଷୟିତ୍ରୀଙ୍କ ସହଯୋଗ ରେ କାର୍ଯ୍ୟକ୍ରମ ସଫଳ ହୋଇଥିଲା |