ସାଲେପୁର ୨୪ ।୮- ଆଜି ସାଲେପୁର ସାପ୍ତାହିକ ହାଟରୁ ଜଣେ ବ୍ୟକ୍ତିଙ୍କ ପକେଟ୍ରୁ ମୋବାଇଲ୍ ଚୋରି କରୁଥିବାବେଳେ ଜଣେ ନାବାଳକ ମୋବାଇଲ୍ ନେଇ ଖସି ପଳାଇଯିବାକୁ ଉଦ୍ୟମ କରୁଥିବାବେଳେ ସ୍ଥାନୀୟ ଲୋକେ ତାକୁ ଧରି ପୁଲିସ ଜିମା ଦେଇଥିବା ଜଣାଯାଇଛି । ପରେ ଚୋରିକରିଥିବା ମୋବାଇଲ୍କୁ ପୁଲିସ ସଂପୃକ୍ତ ନାବାଳକ ଠାରୁ ଜବତ କରି ନାବାଳକକୁ ଛାଡିଦେଇଥିବା ସାଲେପୁର ଆଇ.ଆଇ.ସି. ଦେବେନ୍ଦ୍ର ନାଥ ମଲ୍ଲିକ ପ୍ରକାଶ କରିଛନ୍ତି ।
ପ୍ରକାଶ ଯେ ସାଲେପୁର ସାପ୍ତାହିକ ହାଟରୁ ନିୟମିତ ମୋବାଇଲ୍ ଚୋରି ର୍ୟାକେଟ୍ ହାଟକୁ ପନିପରିବା କ୍ରୟ କରିବାକୁ ଆସୁଥିବା ଲୋକମାନଙ୍କ ଠାରୁ କୌଶଳ କ୍ରମେ ଲୁଟି ନେଇ ବାହାର ରାଜ୍ୟକୁ ସପ୍ଲାଏ କରୁଥିବା ନଜିର ମଧ୍ୟ ରହିଛି । ଏହା ପୂର୍ବରୁ ଏହି ମୋବାଇଲ୍ ଚୋର ର୍ୟାକେଟ୍ର କିଛି ସଦସ୍ୟଙ୍କୁ ପୁଲିସ ଗିରଫ ମଧ୍ୟ କରିଥିଲା । କିଛିଦିନ ଏହି ହାଟରେ ମୋବାଇଲ୍ ଚୋରି ବନ୍ଦ ହୋଇଥିବାବେଳେ ଲକ୍ଡାଉନ୍ ଯୋଗୁ ଏବେ ଏହି ମୋବାଇଲ୍ ଚୋରି ବୃଦ୍ଧି ପାଇଛି ।
