ସାକ୍ଷୀଗୋପାଳ : ଖୁବ ଶୀଘ୍ର ଆରମ୍ଭ ହେବ ଭୁବନେଶ୍ୱର ପୁରୀ ମଧ୍ୟରେ ମେଟ୍ରୋ ସେବା ଆରମ୍ଭ କରାଯିବ ବୋଲି ଜଣାପଡିଛି l ପୁରୀ ଭୁବନେଶ୍ୱର 316 ନମ୍ବର ଜାତୀୟ ରାଜ ପଥ ରେ ମେଟ୍ରୋ ପାଇଁ ସ୍ଥାନ ନିରୀକ୍ଷଣ କାର୍ଯ୍ୟ ଆରମ୍ଭ ହୋଇଅଛି l ପୁରୀ ଭୁବନେଶ୍ୱର ଜାତୀୟ ରାଜପଥର ଉଭୟ ପାର୍ଶ୍ୱରେ ରାଜପଥ ଉପରେ ଏକ ଚିହ୍ନ ଦିଆ ଯାଇଅଛି l ଚିହ୍ନଟ ହୋଇଥିବା ସ୍ଥାନରୁ ରାଜପଥର ଉଭୟ ପାର୍ଶ୍ୱରେ 200 ମିଟର ଦୂରତାରେ ମଧ୍ୟ ଆଉ ଏକ ଚିହ୍ନ ଦିଆ ଯାଇଅଛି l ଏକ ଘରୋଇ କମ୍ପାନୀର 25 ଜଣିଆ ଟିମ ସୀମା ଚିହ୍ନଟ କାର୍ଯ୍ୟ କରୁଛନ୍ତି l ଏହି ସୀମା ମଧ୍ୟରେ ଅନେକ ଗ୍ରାମ ରହିଅଛି l ସ୍ଥାନୀୟ ଜନସାଧାରଣ ଏ ସମ୍ପର୍କରେ କୌଣସି ସୂଚନା ପାଇ ନାହାନ୍ତି l ସମସ୍ତଙ୍କ ମଧ୍ୟରେ ପୁନର୍ବାର ଉଚ୍ଛେଦ କରାଯିବ ବୋଲି ଆଲୋଚନା ହେଉଅଛି l ରାଜପଥ ପାର୍ଶ୍ଵରେ ଥିବା ଦୋକାନୀଙ୍କ ସମେତ ଘର କରିଥିବା ଲୋକେ ଭୟଭୀତ ହୋଇ ପଡିଛନ୍ତି l କର୍ମଚାରୀ ମାନେ ଭୁବନେଶ୍ୱର ପୁରୀ ରାଜପଥ ଉପରେ ମାପ ଚୁପ ଧଳା ରଙ୍ଗ ର ଚି଼ହ୍ନ ଦେଇ ନିରୂପଣ କରୁଛନ୍ତି l ଏ ସମ୍ପର୍କରେ ଚି଼ହ୍ନ ଦେଉଥିବା ଜନୈକ କର୍ମଚାରୀଙ୍କ ସହିତ ଯୋଗାଯୋଗ କରିବାରୁ ସେ କହିଥିଲେ, ମେଟ୍ରୋ ପ୍ରକଳ୍ପ ର ପ୍ରଥମ ପର୍ଯ୍ୟାୟ ସ୍ଥାନ ନିରୂପଣ ପାଇଁ ଆମକୁ ନିର୍ଦ୍ଦେଶ ମିଳିଅଛି l ସେଥିପାଇଁ ଆମେ ରାଜପଥର ଉଭୟ ପାର୍ଶ୍ୱରେ 200 ମିଟର ପର୍ଯ୍ୟନ୍ତ ମାପି ଚି଼ହ୍ନ ନିରୂପଣ କରୁଅଛୁ l ଏହାକୁ ଭିତ୍ତି କରି ଆଗାମୀ ଦିନରେ ଏହି ମେଟ୍ରୋ ପ୍ରକଳ୍ପ ଉପରେ ବିଚାର କରାଯିବ l ସ୍ଥାନୀୟ ଲୋକେ ଓ ବ୍ୟବସାୟୀ ଏହି ନୂତନ ମେଟ୍ରୋ ପ୍ରକଳ୍ପ କଥା ଶୁଣି ଉଚ୍ଛେଦ ଓ ଜମି ହରାଇବା ଭୟରେ ଭୟଭୀତ ହୋଇ ପଡିଛନ୍ତି l ଅନେକ ଲୋକେ ଖୁସି ଅଛନ୍ତି କି ଭବିଷ୍ୟତ ରେ ଭୁବନେଶ୍ୱର ପୁରୀ ମେଟ୍ରୋ ସେବା ଆରମ୍ଭ ହେଲେ ରାଜପଥ ପାର୍ଶ୍ଵର ହଜାର ହଜାର ଜନସାଧାରଣ ଉପକୃତ ହୋଇପାରିବେ
