ପ୍ରତ୍ୟେକ ସମୟ ରେ ସୋସିଆଲ ମିଡିଆରେ କିଛି ନା କିଛି ଖାଇବା ଜିନିଷ କୁ ନେଇ ଏଭଳି ଟ୍ରେଣ୍ଡ ଚାଲିଥାଏ ଯାହାକୁ ଯୁବପିଢ଼ି ବେଶ ଅନୁସରଣ କରି ଥାଆନ୍ତି l ସେଥିମଧ୍ୟରୁ ଗୋଟିଏ ହେଉଛି ଅଙ୍କୁରିତ ମେଥି ବା ମେଥି ଗଜା ହେଉଛି ଗୋଟିଏ l ପୁରାତନ ଆୟୁର୍ବେଦ ରେ ମେଥି କୁ ସୁପର ଫୁଡ ବୋଲି କୁହାଯାଇଛି l ଯାହାକି ମଧୁମେହ ରୋଗୀଙ୍କ ପାଇଁ ରାମବାଣ ସଦୃଶ , କେବଳ ମଧୁମେହ ପାଇଁ ନୁହେଁ ଏଥି ସହିତ ବିଭିନ୍ନ ରୋଗ ପାଇଁ ମଧ୍ୟ ହିତକର l
– ସ୍ୱାସ୍ଥ୍ୟ ବିଶେଷଜ୍ଞ ଙ୍କ ମତରେ ଅଙ୍କୁରିତ ମେଥି ରେ ଅନେକ ଗୁଡିଏ ଭିଟାମିନ, ଖଣିଜ ଓ ଆଣ୍ଟି ଅକ୍ସିଡେଣ୍ଟ ରହିଛି l ଏଥିରେ ଭିଟାମିନ ସି ସହିତ ଭିଟାମିନ ଏ ଓ ବି ମଧ୍ୟ ରହିଛି l ଏହାଛଡା ଅଙ୍କୁରିତ ମେଥି ପ୍ରୋଟିନ, କ୍ୟାଲସିୟମ, ଫାଇବର ଓ ଅନ୍ୟ ପୋଷାକ ତତ୍ତ୍ୱରେ ଭରପୁର ଅଟେ l ତେଣୁ ଏହା କେବଳ ମଧୁମେହ ପାଇଁ ନୁହେଁ ଅନେକ ଗୁଡିଏ ରୋଗ ପାଇଁ ହିତକର l
– ଏଥିରେ ଥିବା ଫାଇବର ପେଟ କୁ ସୁସ୍ଥ ରଖିଥାଏ, ଏହାଛଡା ମେଟାବୋଲିଯିମ ବୁଷ୍ଟ ହୋଇଥାଏ ଓ ପାଚନ ସମସ୍ୟା ଦୂର ହୋଇଥାଏ l ନିୟମିତ ସେବନ କରିବା ଦ୍ୱାରା ଗ୍ୟାସ ସମସ୍ୟା ଦୂର ହୋଇଥାଏ ଏବଂ ପେଟ ସଫା ରୁହେ l
– ମେଥି ରେ ଆଣ୍ଟି ଇମ୍ଫ୍ଲମେଟ୍ରି ଗୁଣ ରହିଛି ଯାହାଦ୍ୱାରା ଶରୀର ଫୁଲିବାରୁ ଆରାମ ମିଳିଥାଏ , ଅର୍ଥାତ ଓଜନ ବୃଦ୍ଧି ଉପରେ ରୋକ ଲଗାଇଥାଏ ଅଙ୍କୁରିତ ମେଥି l ଅଙ୍କୁରିତ ମେଥି ଶରୀରର ବ୍ୟାଡ଼ କୋଲେଷ୍ଟ୍ରଲ କୁ ନିୟନ୍ତ୍ରିତ କରିଥାଏ ଯାହାଦ୍ୱାରା ବିପି ଓ ହାର୍ଟ ରୋଗ ର ବିପଦ କମ ହୋଇଥାଏ l
– ଅଙ୍କୁରିତ ମେଥିରେ କ୍ୟାଲୋରୀ କମ ରହିଥାଏ, ଏବଂ ଫାଇବର ଅଧିକ ରହିଥାଏ l ତେଣୁ ଓଜନ କଣ୍ଟ୍ରୋଲ କରିବାରେ ସାହାଯ୍ୟ କରିଥାଏ l ଏଥିରେ ଥିବା ଭିଟାମିନ ସି ଶରୀରର ଇମ୍ୟୁନ ସିଷ୍ଟମ କୁ ଷ୍ଟ୍ରଙ୍ଗ କରିଥାଏ l
– ଅଙ୍କୁରିତ ମେଥିର ଥିବା ଫାଇଟୋ ଏସ୍ଟ୍ରୋଜେନ ର ପ୍ରଭାବ ଉଭୟ ପୁରୁଷ ଓ ମହିଳାଙ୍କ ହର୍ମୋନ କୁ ସନ୍ତୁଳିତ ରଖିଥାଏ l ମେନୋପଜ ଓ ପିଏମଏସ ସମସ୍ୟା ସହିତ ଜଡିତ ମହିଳା ମାନଙ୍କ ପାଇଁ ଅଙ୍କୁରିତ ମେଥି ଖୁବ ଲାଭ ଦାୟକ l କ୍ୟାଲସିୟମ ରେ ଭରପୁର ଅଙ୍କୁରିତ ମେଥି ଦାନା ହାଡ଼କୁ ମଜବୁତ କରିବାରେ ସାହାଯ୍ୟ କରେ l
