ବାରିପଦା : ମୟୂରଭଞ୍ଜ ଜିଲ୍ଲାରେ ପୁଣି ୯ଜଣ ନୂଆ କରୋନା ଆକ୍ରାନ୍ତ ଚିହ୍ନଟ ହେବାପରେ ଜିଲ୍ଲାରେ କରୋନା ସଂଖ୍ୟା ୯୨କୁ ଛୁଇଁଛି । ଲଗାତାର ଭାବେ କରୋନା ଆକ୍ରାନ୍ତଙ୍କ ଚିହ୍ନଟ ସଂଖ୍ୟା ବୃଦ୍ଧି ପାଉଥିବାନେଇ ଜିଲ୍ଲାବାସୀ ଭୟଭୀତ ହୋଇପଡିଥିବାବେଳେ ଗୁରୁବାର ୪ଜଣ ସୁସ୍ଥ ହେବାପରେ ଜିଲ୍ଲାବାସୀଙ୍କୁ କିଛିଟା ଆଶ୍ୱସ୍ତୀ ମିଳିପାରିଛି । ମିଳିଥିବା ସୂଚନା ଅନୁଯାୟୀ ଶୁଳିଆପଦା ବ୍ଲକର ୪ଜଣ ଚିହ୍ନଟ ହୋଇଥିବାବେଳେ ବାଙ୍ଗିରିପୋଷି, ଉଦଳା, ଗୋପବନ୍ଧୁନଗର ବ୍ଲକର ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ଏବଂ ଚିହ୍ନଟ ହୋଇଥିବା ପ୍ରବାସୀମାନେ ହେଲେ ଦିଲ୍ଲୀର ୩ଜଣ, ପଶ୍ଚିମବଙ୍ଗ ୨ଜଣ, ମହାରାଷ୍ଟ୍ର, ହରିୟାଣା ଓ ତାମିଲନାଡୁର ଜଣେ ଲେଖାଏଁ ଫେରନ୍ତା ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି ।
ଅପରପକ୍ଷରେ ଚିହ୍ନଟ ହୋଇଥିବା ୯ଜଣ କରୋନା ଆକ୍ରାନ୍ତଙ୍କ ମଧ୍ୟରୁ ୮ଜଣ କ୍ୱାରାଣ୍ଟାଇନ୍ କେନ୍ଦ୍ରରେ ରହୁଥିବାବେଳେ ଅନ୍ୟଜଣେ କ୍ୱାରାଣ୍ଟାଇନ୍ କେନ୍ଦ୍ରରୁ ବାହାରି ହୋମ କ୍ୱାରାଣ୍ଟାଇନ୍ରେେ ରହୁଥିବା ଜଣାଯାଇଛି । ମୟୂରଭଞ୍ଜ ଜିଲ୍ଲାରେ ବର୍ତ୍ତମାନ ସୁଦ୍ଧା ୯୨ଜଣ କରୋନା ପଜିଟିଭ୍ ଚିହ୍ନଟ ହୋଇଥିବାବେଳେ ଏମାନଙ୍କ ମଧ୍ୟରୁ ୨୦ଜଣ ସୁସ୍ଥ ହୋଇ ଘରକୁ ଫେରିଛନ୍ତି । ମାତ୍ର ବର୍ତ୍ତମାନ ପର୍ଯ୍ୟନ୍ତ ୭୨ଜଣ କରୋନା ପଜିଟିଭ୍ ଚିକିସôିତ ହେଉଛନ୍ତି ।
