କୋଣାର୍କ:- ୨୧/୩ ସୋମବାର ସନ୍ଧ୍ୟାରେ କୋଣାର୍କ ସୂର୍ଯ୍ୟ ମନ୍ଦିର ବୁଲିବାକୁ ଆସିଥିଲେ ଭାରତ ର ବିଖ୍ୟାତ କମେଡି ସୁପର ଷ୍ଟାର କପିଲ ଶର୍ମା।କୋଣାର୍କ ରେ ସନ୍ଧ୍ୟା ୬ ଘଣ୍ଟିକାରେ ପହଞ୍ଚି କଡା ସୁରକ୍ଷା ବଳୟ ମଧ୍ୟରେ କୋଣାର୍କ ସୂର୍ଯ୍ୟ ମନ୍ଦିର ର ସୁକ୍ଷ୍ମ କାରୁକାର୍ଯ୍ୟ ବୁଲି ଦେଖିଥିଲେ କପିଲ ଶର୍ମା।ଦୀର୍ଘ ୨୦ ମିନଟ ରୁ ଅଧିକ ସମୟ ସେ ସୂର୍ଯ୍ୟ ମନ୍ଦିର ପରିସରରେ ଅତିବାହିତ କରିଥିବା ବେଳେ ପର୍ଯ୍ୟଟକ ଙ୍କ ସହ ସେଲ୍ଫି ମଧ୍ୟ ନେଇଥିଲେ। ୧୯୮୧ ଏପ୍ରିଲ ୨ ରେ ପଞ୍ଜାବ ର ଅମୃତସର ରେ ଜନ୍ମ ଗ୍ରହଣ କରିଥିବା କପିଲ ନିଜ ର କ୍ୟାରିଅର ଷ୍ଟାଣ୍ଡଅପ କମେଡିଆନ ଭାବେ ଆରମ୍ଭ କରିଥିଲେ।
ପ୍ରଥମେ ଏକ ପ୍ରସିଦ୍ଧ ଟିଭି ସୋ କମେଡି ସର୍କସ ରେ ଅଭିନୟ କରି ନିଜ କମେଡି ର ଯାଦୁ ରେ ଲୋକଙ୍କୁ ହସାଇ ହସାଇ ବେଦମ କରୁଥିବା କପିଲ ସେହି ସୋ ର ବିଜେତା ମଧ୍ୟ ହୋଇଥିଲେ ପରେ ନିଜର ଏକ ସୋ” ଦି କପିଲ ଶର୍ମା ସୋ ” ଜରିଆରେ ସେ ଦର୍ଶକଙ୍କ ଦ୍ୱାରା ଆଦୃତ ହୋଇପାରି ବନି ଯାଇଥିଲେ ସୁପରଷ୍ଟାର କପିଲ।ଗତ କିଛି ଦିନ ତଳେ ଓଡିଶା କୁ ନିର୍ଦେଶୀକା ନନ୍ଦିତା ଦାସ ଙ୍କ ଏକ ଫିଲ୍ମ ରେ ଲିଡ଼ ରୋଲ ପାଇଁ ସୁଟିଂ ରେ ଆସିଛନ୍ତି କପିଲ,ଭୁବନେଶ୍ୱର ରହଣି ମଧ୍ୟରେ ସେ ବିଭିନ୍ନ ସ୍ଥାନ ବୁଲିବା ପରେ ଗତ ୧୭ ତାରିଖରେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଙ୍କୁ ମଧ୍ୟ ଭେଟିଥିଲେ କପିଲ।ଏହା ପରେ ଆଜି ସୂର୍ଯ୍ୟ ମନ୍ଦିର ବୁଲିବା ସହ ସନ୍ଧ୍ୟା ରେ ଭୁବନେଶ୍ୱର ଫେରି ଯାଇଥିଲେ କପିଲ।କୋଣାର୍କ ଥାନା ପକ୍ଷରୁ ଥାନାଧିକାରୀ ଶ୍ରୀ ରଞ୍ଜନ କୁମାର ମଲ୍ଲିକ ଙ୍କ ପକ୍ଷରୁ ସମସ୍ତ ନିରାପତ୍ତା ଯୋଗାଇଦିଆଯାଇଥିଲା ।
