କୋଦଳା : (ରିପୋର୍ଟ : ସୁଶାନ୍ତ କୁମାର ପଟ୍ଟନାୟକ ।) ଗଂଜାମ ଜିଲ୍ଲା କୋଦଳା ଥାନା ଅନ୍ତର୍ଗତ ସାନ ଉସ୍ତାପଡା ପଞ୍ଚାୟତର କିରାଖାଇ ନିକଟସ୍ଥ ଜଗତା ନଦୀରେ ଭାସିଯାଇ ଜଣେ ଦଶମ ଶ୍ରେଣୀର ଛାତ୍ର ନିଖୋଜ ହୋଇଥିବା ଜଣାପଡିଛି। ସୂଚନାନୁସାରେ ରବିବାର ସକାଳ ୧୦ ଟା ବେଳେ ୪ ଜଣ ପିଲା ଉକ୍ତ ନଦୀକୁ ଗାଧୋଇବାକୁ ଯାଇଥିଲେ। ତେବେ ଉକ୍ତ ନଦୀରେ ଲଗାଣ ବର୍ଷା ଯୋଗୁଁ ଜଳସ୍ତର ବୃଦ୍ଧି ପାଇଥିଲା। ତେବେ ୪ ଜଣ ଛାତ୍ର ଗାଧୋଉଥିବା ବେଳେ ନଦୀର ପ୍ରଖର ସ୍ରୋତରେ ଆକାଶ ନାହାକ ନାମକ ଦଶମ ଶ୍ରେଣୀର ଛାତ୍ର ଭାସି ଯାଇଥିଲେ। ତୁରନ୍ତ ଅନ୍ୟ ୩ ଛାତ୍ର ଖୋଜିବା ପରେ ଆକାଶକଂ ଘରେ ଖବର ଦେଇଥିଲେ। ଏହାପରେ ଆକାଶକଂ ପରିବାର ଓ ସ୍ଥାନୀୟ ଲୋକେ ଖୋଜିବାକୁ ଯାଇ ପାଇ ନଥିଲେ। ଖବର ପାଇ କୋଦଳା ଦମକଳବାହିନୀ ପହଞ୍ଚି ନଦୀରେ ଖୋଜାଖୋଜି ଆରମ୍ଭ କରିଥିଲେ ମଧ୍ୟ ଆକାଶକୁଂ ଖୋଜିବା ସମ୍ଭବ ହୋଇ ପାରି ନାହିଁ। ସ୍ଥାନୀୟ ରାଜସ୍ବ ନିରୀକ୍ଷକ ମଧ୍ୟ ଘଟଣା ସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି। ତେବେ ଦୀର୍ଘ ସମୟ ଧରି ନଦୀରେ ଦମକଳବାହିନୀ ଖୋଜୁଥିଲେ ମଧ୍ୟ ଆକାଶର ପତ୍ତା ମିଳି ପାରି ନାହିଁ। ଯାହାକୁ ନେଇ ସ୍ଥାନୀୟ ହରିଜନ ସାହିରେ ଶୋକାକୁଳ ପରିବେଶ ସୃଷ୍ଟି ହୋଇଛି।
