କାକଟପୁର 2/5କାକଟପୁର ବ୍ଲକ ଅନ୍ତର୍ଗତ ଓଥକା ଗ୍ରାମରେ ଓଡିଶା ପଶୁ ଚିକିତ୍ସା ବିଜ୍ଞାନ ଓ ପଶୁ ପାଳନ ମହାବିଦ୍ୟାଳୟ ଭୁବନେଶ୍ୱର ଆନୁକୂଲ୍ୟରେ ଗୋପାଳନ ପ୍ରଶିକ୍ଷଣ ଏବଂ ପଶୁ ଚିକିତ୍ସା ଶିବିର (2022) ଅନୁଷ୍ଠିତ ହୋଇଯାଇଛି l ଏଠାରେ ଶତାଧିକ ଛଡା ଓ ଗାଈ ଙ୍କର ଗୋବନ୍ଧ୍ୟା ନିରାକରଣ, ଜଟିଳ ହରମୋନ୍ ଏବଂ ଅନାନ୍ୟ ଖାଦ୍ୟସାର ଜନିତ ଚିକିତ୍ସା କରାଯାଇଥିଲା l ଏହି ଅବସରରେ (60) ଜଣ ଗୋପାଳକ ଙ୍କୁ ଗୋପାଳନ ପ୍ରଶିକ୍ଷଣ ଦିଆ ଯାଇଥିଲା l
ସମସ୍ତ ଚାଷୀଙ୍କୁ ଧାତବ ଲବଣ, ବାଇପାସ ଖାଦ୍ୟସାର ଓ ପଶୁପାଳନ ସମ୍ବଦ୍ଧିୟ ପୁସ୍ତକ ବିତରଣ କରାଯାଇଥିଲା l ଆୟୋଜିତ ଶିବିର ରେ ପଶୁପାଳନ ଓ ପଶୁ ଚିକିତ୍ସା ମହାବିଦ୍ୟାଳୟ ର ଅଧ୍ୟକ୍ଷ ଡ଼ଃ ସୁରେଶ କୁମାର ପଣ୍ଡା, ପ୍ରକଳ୍ପ ଅଧିକାରୀ ଡ଼ଃ ପୂର୍ଣ୍ଣ ଚନ୍ଦ୍ର ମିଶ୍ର, ସ୍ଥାନୀୟ ପଶୁ ଚିକିତ୍ସା ଅଧିକାରୀ ଡ଼ଃ ରାଜେଶ କୁମାର ପାଣିଗ୍ରାହୀ ଓ ଅନାନ୍ୟ ପଶୁ ବିଷାରଦ ମାନେ ଦୀକ୍ଷାନ୍ତ ଭାଷଣ ଦେଇ ଗୋପାଳକ ମାନଙ୍କୁ ଉତ୍ସାହିତ କରିଥିଲେ l
ଏହି ଅବସରରେ ନିଜ ନିଜ ର କର୍ମ କ୍ଷେତ୍ର ରେ ଖ୍ୟାତି ଅର୍ଜନ କରିଥିବା ଡ଼ଃ ଶରତ କୁମାର ପାଳ, ଡ଼ଃ ବିଦ୍ୟାଧର ଶତପଥି, ଡି, ଏକ ସିଂହ ଓ ନୃସିଂହ ଚରଣ ପଣ୍ଡା ଙ୍କୁ ସମ୍ବର୍ଦ୍ଧିତ କରାଯାଇଥିଲା l ଓଥକା ର ସଫଳ ଗୋପାଳକ ରୂପେ ଅକ୍ଷୟ କୁମାର କାଣ୍ଡି ଓ ବିଭୁଦତ୍ତ ସ୍ୱାଇଁ ଙ୍କୁ ପୁରସ୍କୃତ କରାଯାଇଥିଲା l ପ୍ରାଣୀ ଚିକିତ୍ସା ବିଭାଗ ଓଡିଶା, ପ୍ରାଣୀ ପ୍ରସୂତି ବିଜ୍ଞାନ ସଙ୍ଘ(ଓଡିଶା ଶାଖା) ପଶୁ ଚିକିତ୍ସା ବିଜ୍ଞାନ ଓ ପଶୁପାଳନ ମହାବିଦ୍ୟାଳୟ ର ଏହି ଶିବିର ଅନୁଷ୍ଠିତ ହୋଇଥିବାରୁ ଓଥକା ଓ କାକଟପୁର ଅଞ୍ଚଳର ଗୋପାଳକ ଚାଷୀ ମାନେ ବିଶେଷ ଆନନ୍ଦିତ ହୋଇଥିଲେ l
