କୁଆଖିଆ ୮/୫ : ରସୁଲପୁର ବ୍ଲକ ଅନ୍ତର୍ଗତ ଶ୍ରୀବନ୍ତପୁର ପଂଚାୟତ ଭଗିରଥ ପୁର ଗ୍ରାମରେ ଗତ କାଲି ରାତି ଆଠଟାରେ ଛେପ ପକାକୁ ନେଇ କଥା କଟାକଟି ପରେ ଗୋଷ୍ଠି ସଂଘର୍ଷ ହୋଇଥିଲା । ପ୍ରକାଶଯେ ଭଗିରଥପୁର ଗ୍ରାମର ଜଗବନ୍ଦୁ ତରାଇଙ୍କ ଘରପାଖରେ ପଡୋଶି ପପୁନା ପରିଡା ଛେପ ପକାଇବାରୁ ତାକୁ ଜଗବନ୍ଦୁ ଝିଅ ଲିଳାବତି ତରାଇ ଓ ପଡିଶା ଘର ଲୋକେ ବିରୋଧ କରିଥିଲେ ।
ଫଳରେ ଉଭୟଙ୍କ ମଧ୍ୟରେ ଯୁକ୍ତି ତର୍କ ହେଉଥିବା ବେଳେ ଉଭୟ ପକ୍ଷର ପରିବାର ଲୋକେ ଖବର ପାଇ ମାଡି ଆସିଥିଲେ ଏହା ପରେ ଉଭୟ ଗୋଷ୍ଠି ମଧ୍ୟରେ ମାଡପିଟ ଘଟି ମୁଣ୍ଡ ଫାଟିଥିଲା କୁଆଖିଆ ପୁଲିସ ଅଧୀକାରୀ ମନୋଜ କୁମାର ସ୍ୱାଇଁ ଘଟଣା ସ୍ଥଳରେ ପହଁଚି ପରିସ୍ତିତକୁ ନିୟନ୍ତ୍ରଣାଧିନକରିଥିଲେ । କୁଆଖିଆ ପୁଲିସ କେସ ନଂ-୧୪୫ରେ ମାମଲା ରୁଜୁକରି ଭଗିରଥପୁର ଗ୍ରାମରୁ ୯ଜଣଙ୍କୁ ଅଟକ ରଖି ପଚରାଉଚରା କରୁଛି ।
