ଧର୍ମଶାଳା : ଯାଜପୁର ଓ ଧର୍ମଶାଳା ଅବକାରୀ ବିଭାଗ ପକ୍ଷରୁ ବୁଧବାର ମିଳିତ ଭାବେ ଚଢାଉ କରାଯାଇ ୧୦୦ଲିଟର ଦେଶୀ ମଦ ଜବତ କରିଯିବା ସହ ୩ ଜଣଙ୍କୁ ଗିରଫ କରାଯାଇଛି । ବିଭାଗ ପକ୍ଷରୁ ଆଜି ଧର୍ମଶଳା ବ୍ଲକର ନାକପୋଲ ଠାରେ ଚଢାଉ କରାଯାଇ ୨୦ ଲିଟରଦେଶୀ ମଦ ଜବତ କରିବା ସହ ମଦ ବିକ୍ରି ଅଭିଯୋଗରେ ସେଠାରୁ ମଞ୍ଜୁଲତା ଦାସକୁ ଗିରଫ କରାଯାଇଛି । ସେହିପରି ମଣିନାଥପୁର ଗ୍ରମରୁ ନିକାଶ ମଳିକଙ୍କ ଠାରୁ ୧୦ ଲିଟର ଦେଶୀମଦ ଓ ଜାଲଶୁଖା ଗ୍ରାମରୁ ରୁପା ଦାସଙ୍କ ଠାରୁ ୧୦ ଲିଟର ଦେଶୀମଦ ଜବତ କରିବା ସହ ଉଭୟଙ୍କୁ ଗିରଫ କରାଯାଇଛି । ଅନ୍ୟପଟେ ହାରିଦାସପୁର ଓ ନେଉପୁର ଗ୍ରାମରେ ଚଢାଉ କରି ୬୦ ଲିଟର ଦେଶୀ ମଦ ଜବତ କରିଥିଲେ ହେଁ ଅଭିଯୁକ୍ତମାନଙ୍କୁ ଗିରଫ କରିବାରେ ବିଫଳ ହୋଇଛନ୍ତି । ଆଜି ଗିରଫ ହୋଇଥିବା ୩ ଜଣଙ୍କ ବିରୁଦ୍ଧରେ ୩ ଗୋଟି ମାମଲା ରୁଜୁ କରାଯାଇ କୋର୍ଟ ଚାଲାଣ କରାଯାଇଛି ବୋଲି ଜିଲ୍ଲା ଅବକାରୀ ଇନ୍ସପେକଟର ସ୍ପପ୍ନାରାଣୀ ସାହୁ ସୂଚନା ଦେଇଛନ୍ତି । ଶ୍ରିମତି ସାହୁଙ୍କ ନେତୃତ୍ୱରେ ଚଢାଉ କରାଯାଇଥିବା ଏହି ଟିମରେ ଅବକାରୀ ବିଭାଗର ସବ ଇନ୍ସପେକଟର ବିଜୟଲକ୍ଷ୍ମୀ ଦାସ,ସରୋଜ ବେହେରା, କ୍ଷୀରୋଦ ସାହୁ, ବିଶ୍ୱନାଥ ଜେନା ଓ ସଂଗ୍ରାମ କୁଅଁର ପ୍ରମୁଖ ସାମିଲ ହୋଇଥିଲେ । ଆଗକୁ ଏହି ଚଢାଉ ଯୋରଦାର କରାଯିବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି ।
