ଭୋଗରାଇ : ଏବେବି ଚିଟଫଣ୍ଡ ସଂସ୍ଥା ସକ୍ରୀୟ ରହିଛି । ଲୋକମାନଙ୍କୁ ଲୋଭନୀୟ ପ୍ରତିଶୃତି ଦେଇ ସେମାନଙ୍କ ଟଙ୍କା ୨ଗୁଣା କରାଇଦେବା କହି ବହୁ ସଂସ୍ଥା ଏବେବି ଲୁଟ୍ କରି ଚାଲିଛନ୍ତି । ମିଳିଥିବା ସୂଚନା ଅନୁଯାୟୀ ଭୋଗରାଇ ଥାନା ପାଳୁସିଆ ଗ୍ରାମର ଜନୈକ ଯୁବକ ୨୦୦୭ ମସିହାରୁ ଗାଁରେ ସାଇଗଣେଶ ଯୁବସଂଘ ନାମରେ ଏକ ଚିଟ୍ଫଣ୍ଡ ସଂସ୍ଥା ଖୋଲି ଆଖପାଖ ଗ୍ରାମରୁ ୪ଶହରୁ ଉଦ୍ଧ୍ୱର୍ ଲୋକଙ୍କଠାରୁ ବିପୁଳ ପରିମାଣ ଟଙ୍କା ଉଠାଇ ନେଇଥିଲା । ସମ୍ପୃକ୍ତ ଯୁବକ ଜଣଙ୍କ ଲୋକମାନଙ୍କୁ ପ୍ରତିମାସରେ କିଛି କିଛି ଟଙ୍କା ଫେରାଇବେବୋଲି ମଧ୍ୟ ପ୍ରତିଶୃତି ଦେଇଥିଲା ।
ଲୋକମାନେ ମଧ୍ୟ ତାଙ୍କ ଉପରେ ଭରସା କରି ଟଙ୍କା ଜମାକରି ·ଲିଥିଲେ । ଯେତେବେଳେ ଯୁବକଙ୍କ ହାତକୁ ବିପୁଳ ପରିମାଣ ଟଙ୍କା ଆସିଗଲା ସେତେବେଳେ ସେ ଫେରାର ହୋଇଯାଇଥିଲା । ଜମାକାରୀମାନେ ସେମାନଙ୍କ ଟଙ୍କା ଫେରି ନପାଇ ସମ୍ପୃକ୍ତ ଯୁବକଙ୍କ ନାମରେ ଭୋଗରାଇ ଥାନାରେ ଅଭିଯୋଗ କରିଛନ୍ତି । ହେଲେ ପୋଲିସ ଘଟଣା ସମ୍ପର୍କରେ କୌଣସି ପଦକ୍ଷେପ ନେଉ ନଥିବା ଅଭିଯୋଗ ହେଉଛି । କୁହାଯାଏ ସମ୍ପୃକ୍ତ ଯୁବକ ଜଣଙ୍କ ଆଖପାଖ ୧୧ଟି ଗାଁରୁ ପ୍ରାୟ ୩କୋଟି ଟଙ୍କାରୁ ଉଦ୍ଧ୍ୱର୍ ଅର୍ଥ ନେଇ ପଳାଇଛି । ଏଦିଗରେ ପ୍ରଶାସନର ନଜର ପଡ଼ି ବିହୀତ ପଦକ୍ଷେପ ନିଆଯିବାକୁ ଜମାକାରୀମାନେ ଦାବି କରିଛନ୍ତି ।
Comments are closed.