ହିଞ୍ଜିଳିକାଟୁ,୧୪ :-ପରି
ଅର୍ଥାଭାବ ଯୋଗୁଁ ବସ କିମ୍ବା ଟ୍ରେନ ଯୋଗେ ନିଜ ନିଜ ଗାଁ କୁ ଫେରିବା ସେମାନଙ୍କ ପାଇଁ ସମ୍ଭବ ନ ଥିଲା।ଖଣ୍ଡେ ଖଣ୍ଡେ ସାଇକେଲ ଯୋଗାଡ଼ କରି ମଇ ୨ ତାରିଖରୁ ସୁରତ ସହରର ବେସ୍ତାନରୁ ଓଡ଼ିଶା ଅଭିମୁଖେ ସେମାନେ ଯାତ୍ରା ଆରମ୍ଭ କରିଥିଲେ।ସାଙ୍ଗରେ ଧରିଥିଲେ ଚାଉଳ ଓ ଡାଲି ସହ ମରାମତି ସାମଗ୍ରୀ।ଦୀର୍ଘ ୧୩ ଦିନ ଧରି ସଡକ ପଥରେ ସାଇକେଲ ଚଳାଇ ଗୁରୁବାର ଗଞ୍ଜାମ ଜିଲ୍ଲାରେ ପହଞ୍ଚି ଥିଲେ ୩ ଜଣ ସୁରତ ଫେରନ୍ତା ଯୁବକ। ସେମାନଙ୍କ ମଧ୍ୟରୁ ୨ ଜଣ ପୁରୁଷୋତ୍ତମ ବ୍ଲକର ହୋଇଥିବା ବେଳେ ଅନ୍ୟ ଜଣେ ହିଞ୍ଜିଳି ବ୍ଲକର ବୋଲି ଜଣାପଡ଼ିଛି।
ହିଞ୍ଜିଳି ବ୍ଲକକୁ ଫେରିଥିବା ପ୍ରବାସୀ ଜଣକ ଘରକୁ ଫେରି ନ ଥିଲେ।ବରଂ ନୋଡାଲ ଅଧିକାରୀ ସୁଶାନ୍ତ କୁମାର ପାତ୍ରଙ୍କୁ ସହଯୋଗ କରି ସଙ୍ଗରୋଧ କେନ୍ଦ୍କକୁ ଫେରିଥିଲେ। ସାଇକେଲ ଯୋଗେ ଓଡ଼ିଶାକୁ ଫେରିଥିବା ଅନ୍ୟ ୫ଜଣ ସୁରତ ଯୁବକ କଟକ ଓ ପୁରୀ ଜିଲ୍ଲା ଅଞ୍ଚଳର ବୋଲି ହିଞ୍ଜିଳି ପ୍ରବାସୀଙ୍କ ଠାରୁ ସୂଚନା ମିଳିଛି। ବହୁକଷ୍ଟ ଓ ଦୀର୍ଘ ୧୮୦୦ କିମି ରାସ୍ତା ଅତିକ୍ରମ କରି ଗାଁ ମାଟିରେ ପହଞ୍ଚିଲୁ ବୋଲି ଦୁଃଖରେ ନିଜ ପ୍ରତିକ୍ରିୟା ପ୍ରକାଶ କରିଥିଲେ।
