ବୁଗୁଡ଼ା : ତା ୦୭/୧୦/୨୩ : ସ୍ଥାନୀୟ ନିଉ ଏରା ପବ୍ଲିକ ସ୍କୁଲ ପକ୍ଷରୁ ସ୍ବପରିସରରେ ୬୯ତମ ବନ୍ୟପ୍ରାଣୀ ସୁରକ୍ଷା ସପ୍ତାହ ପାଳିତ ହୋଇଯାଇଛି । ସ୍କୁଲ ଅଧ୍ଯକ୍ଷ ବୃଷକେତୁ ଦାଶଙ୍କ ପୌରହିତ୍ଯରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବୁଗୁଡ଼ା ବନପାଳ ଶୁଭାଙ୍ଗ ରଇତ , ମୁଖ୍ୟ ବକ୍ତା ଭାବେ ଅବସରପ୍ରାପ୍ତ ପ୍ରଧାନ ଶିକ୍ଷକ ଗୌରୀ ଶଙ୍କର ମିଶ୍ର , ସମ୍ମାନିତ ଅତିଥି ଭାବେ ଶଙ୍କର ନାୟକ ଓ ଗୌରୀ କୁମାର ମିଶ୍ର ଯୋଗ ଦେଇ ପରିବେଶର ଭାରସାମ୍ୟ ରକ୍ଷା ଦିଗରେ ବନ୍ଯପ୍ରାଣୀଙ୍କ ଭୂମିକା ଅତୀବ ଗୁରୁତ୍ୱପୂର୍ଣ୍ଣ ଏବଂ ବନ୍ଯପ୍ରାଣୀଙ୍କ ସୁରକ୍ଷା ମାନବର ମହାଦାୟିତ୍ବ ବୋଲି ମତ ବ୍ଯକ୍ତ କରିଥିଲେ । ଏ ଅବସରରେ ଶିକ୍ଷକ ରୁଦ୍ର ପ୍ରତାପ ପ୍ରଧାନଙ୍କ ନିର୍ଦ୍ଦେଶନାରେ ଛାତ୍ରଛାତ୍ରୀଙ୍କ ଦ୍ଵାରା ଏକ କ୍ଷୁଦ୍ର ନାଟକ “ବଣ ଅଦାଲତ” ପ୍ରଦର୍ଶିତ ହୋଇଥିଲା । କାର୍ଯ୍ୟକ୍ରମର ପ୍ରାରମ୍ଭରେ ଶିକ୍ଷକ ବୈଷ୍ଣବ ଚରଣ ଦାଶ ଅତିଥି ପରିଚୟ ପ୍ରଦାନ କରିଥିବା ବେଳେ ପରିଶେଷରେ ଶିକ୍ଷକ ଅନିରୁଦ୍ଧ ଗୌଡ଼ ଧନ୍ୟବାଦ ଅର୍ପଣ କରିଥିଲେ ।
