ବୋଲଗଡ଼:ତା୨୩/୦୨ : ବୋଲଗଡ ଥାନା ପରିସରରେ ଅବସ୍ଥାପିତ ତ୍ରିନାଥଦେବଙ୍କ ବାର୍ଷିକ ଉସôବ ମଙ୍ଗଳବାର ଅନୁଷ୍ଠିତ ହୋଇଯାଇଛି । ସୂଚନା ଥାଉକି ଖୋର୍ଦ୍ଧା ଜିଲ୍ଲାରେ ବୋଲଗଡ ଥାନା ତତ୍କାଳୀନ ବ୍ରିଟିଶ୍ ଶାସନ କାଳରୁ ସ୍ଥାପିତ ହୋଇ ବହୁପୁରାତନ ଥାନାଭାବେ ଜିଲ୍ଲାରେ ସୁନାମ ରହିଛି । ଓଡିଶାର ପୂର୍ବତନ ମୁଖ୍ୟମନ୍ତ୍ରୀ କଳିଙ୍ଗ ବୀର ସ୍ୱର୍ଗତ ବିଜୁ ପଟ୍ଟନାୟକଙ୍କ ମୁଖ୍ୟମନ୍ତ୍ରୀତ୍ୱ ସମୟରେ ଏହି ଥାନା ଅଞ୍ଚଳରେ ଦବ୍ଦବା ଥିବା କୁଖ୍ୟାତ ଡକାୟତ ମାନଙ୍କୁ ପ୍ରଭୁ ତ୍ରୀନାଥଦେବଙ୍କ ଚରଣରେ ସମର୍ପଣ କରାଇ ସମାଜର ମୁଖ୍ୟସ୍ରୋତରେ ସାମିଲ ହେବାର ନଜିର ସୃଷ୍ଟି କରିଥିଲା । ପ୍ରାତଃରୁ ତ୍ରିନାଥଠାକୁରଙ୍କର ପାରମ୍ପରିକ ଦେବନିତୀ କରାଯାଇ ପୂଜାଅର୍ଚ୍ଚନା କରାଯାଇଥିଲା । ବିଖା୍ୟତ ପଣ୍ଡିତମାନଙ୍କ ଦ୍ୱାରା ହୋମାଦି କାର୍ଯ୍ୟରେ ଥାନାର ସବ୍ଇନିସ୍ପେକ୍ଟର ପବିତ୍ର ମୋହନ ପ୍ରଧାନ ମୁଖ୍ୟକର୍ତ୍ତାଭାବରେ ଯୋଗଦେଇ ପୂର୍ଣ୍ଣାହୁତି ଦେଇଥିଲେ । ଏହି ବାର୍ଷିକ ଉସôବର ପୂଜାଅର୍ଚ୍ଚନା କାର୍ଯ୍ୟରେ ଖୋର୍ଦ୍ଧା ଏସଡିପିଓ ସୁଶୀଲ କୁମାର ମିଶ୍ର, ଥାନା ନିରୀକ୍ଷକ ଶେଖ୍ ଆକବରଅଲ୍ଲୀ,ବେଗୁନିଆ ଥାନା ଆଇଆଇସି ରଶ୍ମିରଞ୍ଜନ ସାହୁ,ବାଘମାରୀ ଥାନା ଆଇଆଇସି ପ୍ରଣତି ପଟ୍ଟନାୟକ ,ଜିଲ୍ଲା ଟାଉନ ଥାନା ଆଇଆଇସି ଉମାକାନ୍ତ ସିଂହ ଓ ବାଙ୍କୋଇ ପାଣ୍ଡି ଅଧିକାରୀ କୁମର ମୁଦୁଲି ପ୍ରମୁଖ ଯୋଗଦେଇଥିଲେ । ସେହିପରି ଏହି କାର୍ଯ୍ୟକ୍ରମରେ ଗଣମାଧ୍ୟମର ପ୍ରତିନିଧି ଦିଲ୍ଲୀପ କୁମାର ଚଉଧୁରୀ, ପ୍ରଫୁଲ କୁମାର ସିଂହ,ପ୍ରଦୀପ ପ୍ରଧାନ, ଗୁରୁକୃଷ୍ଣ ଦୁଃଖାନନ୍ଦ ସାମନ୍ତରାୟ, ସୁରେଶ ସାମନ୍ତରାୟ, ଦିପକ ପାହାଡସିଂହଙ୍କ ସମେତ ଥାନା ଅଞ୍ଚଳର ବହୁ ବରିଷ୍ଟ ନାଗରିକ, ବୁଦ୍ଧିଜିବୀ, ସାମାଜିକ କର୍ମିମାନେ ଯୋଗଦେଇ ପ୍ରସାଦ ସେବନ କରିଥିଲେ । ଏହିସମସ୍ତ କାର୍ଯ୍ୟକୁ ଥାନା ଏସଆଇ ସୁଜାତା ପଲେଇ ଏବଂ ସମସ୍ତ କର୍ମଚାରୀମାନେ ପରିଚାଳନା କରିଥିଲେ ।
