ବ୍ରହ୍ମପୁର: ସ୍ଥାନୀୟ ବ୍ରହ୍ମପୁର ସୁରଜ ବିହାର ଖେଳ ପଡିଆ ଠାରେ ଗଞ୍ଜାମ ମୁସିଲିମ କଳଚର ଆସୋସିଏସନ (GMCA ) ପକ୍ଷରୁ ୩ୟ ଖାଜା ଷ୍ଟ୍ରିଟ ଲିଗ ପ୍ରିମିୟର ଟେନିସ ବଲ କ୍ରିକେଟ ଟୁର୍ନାମେଣ୍ଟ ଉଦଘାଟିତ ହୋଇ ଯାଇଛି l ଏହି ଟୁର୍ନାମେଣ୍ଟରେ ୮ ଟି ଦଳ ଭାଗ ନେଇଥିବା ବେଳେ ୨୩ ନଭେମ୍ବର ତାରିଖ ଠାରୁ ଆରମ୍ଭ ହୋଇ ୧ ଡ଼ିସେମ୍ବର ପଯ୍ୟନ୍ତ ଖେଳ ଚାଲୁ ରହିବ l ଆଜିର ଉଦଯାପିତ ଉତ୍ସବରେ ମୁଖ୍ୟଅତିଥି ଭାବେ ଅର୍ବାନ ବ୍ୟାଙ୍କ ସଭାପତି ଆର ମୁରଲୀ ମୋହନ, ଡ଼. ଶେସଷ୍କର ରାଓ, ଦ୍ୱୀପ ପ୍ରଜ୍ୱଳନ କରି ମ୍ୟାଚକୁ ଆରମ୍ଭ କରିଥିଲେ l ଅନ୍ୟମାନଙ୍କ ମଧ୍ୟରେ ସି ଏସ ଗିରି, ଅଜୁର୍ନ ସାମନ୍ତରାୟ, ସେକ ଫାୟାଜ, ହାଜି ହୁସେନ ସଲିମ, ସମୀର, ମୁନା ଭାଇ ପ୍ରମୁଖ ଉପସ୍ଥିତ ଥିଲେ l ଆଜିର ପ୍ରଥମ ମ୍ୟାଚ ରୟଲ ଷ୍ଟ୍ରାଇକେଶ ବନାମ ଉସମାନ ରାଇଜିଙ୍ଗ ଷ୍ଟାର ମଧ୍ୟରେ ଅନୁଷ୍ଠିତ ହୋଇଥିଲା l ରୟଲ ଷ୍ଟ୍ରାଇକେଶ ଟସ ଜିତି ପ୍ରଥମେ ବୋଲିଙ୍ଗର ନିଷ୍ପତି ନେଇଥିଲେ l ରାଇଜିଙ୍ଗ ଷ୍ଟାର ନିଜର ବ୍ୟାଟିଙ୍ଗ ଆରମ୍ଭ କରି ନିର୍ଦ୍ଧାରିତ ୧୨ ଓଭର ମ୍ୟାଚ ଖେଳି ୨ ଗୋଟି ବିନିମୟରେ ୧୫୯ ରନ କରିଥିଲେ l ଦଳ ପକ୍ଷରୁ ଖାଜା ମୌସୁନି ୪୩ ବଲ ରେ ଧୂଆଁଧାର ୧00 ରନ କରିଥିଲେ l ଜବାବରେ ରୟଲ ଷ୍ଟ୍ରାଇକେଶ ୧୨ ଓଭର ଖେଳି ୯ ଗୋଟି ଉଇକେଟ ବିନିମୟରେ ୧୫୮ ରନ କରିଲେ l ଦଳ ପକ୍ଷରୁ ସତ୍ୟବ୍ରତ ମିଶ୍ରା ୧୭ ବଲ ଖେଳି ୪୪ ରନ,ଶେଖ ରେହେମନ ୧୪ ବଲ ଖେଳି ୩୭ ଓ ସନ୍ତୋଷ କୁମାର ହୋତା ୧୧ ବଲ ୨୬ ରନ କରିଲେ l ରାଇଜିଙ୍ଗ ଷ୍ଟାର ପକ୍ଷରୁ ବୋଲିଙ୍ଗରେ ଶେଖ ରିଆଜ ୩ ଓଭର ପକାଇ ୩୯ ରନ ଦେଇ ୪ ଗୋଟି ଉଇକେଟ ଅକ୍ତିହାର କରିଥିଲେ l ଏହି ମ୍ୟାଚକୁ ରାଇଜିଙ୍ଗ ଷ୍ଟାର ୧ ରନରେ ମ୍ୟାଚ ଜିତିନେଲା l ଆଜିର ମ୍ୟାଚ ଏମ୍ପାୟାର ଭାବେ ମହମ୍ମଦ ୟୁସୁପ ଓ ଶେଖର ଖେଳକୁ ପରିଚଳନା କରିଥିବା ବେଳେ ସ୍କୋରର ଭାବେ ଖାଜା ମୋସୁନି,କମେଣ୍ଟ୍ରି ଭାବେ ମହମ୍ମଦ ଆସିଫ ସହଯୋଗ କରିଥିଲେ l ଆଜିର ଦ୍ୱିତୀୟ ମ୍ୟାଚ ଶୁଭାନ ସୁଲତlନ ବନାମ ଶବିର ୱାରୀୟରସ ମଧ୍ୟରେ ଅନୁଷ୍ଠିତ ହୋଇଥିଲା l
