ପେଟ ଯନ୍ତ୍ରଣା କୁ ସହଜ ରେ ନିଅନ୍ତୁ ନାହିଁ l ଏହା ବେଳେବେଳେ ଏତେ ସାଙ୍ଘାତିକ ହୋଇଥାଏ ଯେ ଯାହାକୁ ସହ୍ୟ କରିବା ଆମ ପକ୍ଷରେ କଠିନ ହୋଇ ଥାଏ l ଯଦି ଏପରି ହେଉଛି ତେବେ ଏହା ଆପେଣ୍ଡିକ୍ସ ସାଇଟ୍ସ ହୋଇପାରେ l ଆପେଣ୍ଡିକ୍ସ ସାଇଟ୍ସ ମହିଳା ମାନଙ୍କ ତୁଳନାରେ ପୁରୁଷ ମାନଙ୍କ ନିକଟରେ ଅଧିକ ଦେଖା ଯାଇଥାଏ l ଏହା ବିଶେଷ ଭାବରେ ୧୦ ରୁ ୩୦ ବର୍ଷ ଆୟୁ ମଧ୍ୟରେ ଅଧିକ ଦେଖିବାକୁ ମିଳିଥାଏ l
ଯଦି ସମୟ ଥାଉ ଥାଉ ଆପେଣ୍ଡିକ୍ସ ସାଇଟ୍ସ ର ଉପଚାର କରାଯାଏ ନାହିଁ ତେବେ ଜୀବନ ମଧ୍ୟ ହରାଇବାକୁ ପଡିଥାଏ l ବେଳେବେଳେ ଏପରି ସ୍ଥିତି ହୋଇଯାଏ ଯେ ଅପରେସନ ମଧ୍ୟ କରିବାକୁ ପଡିଥାଏ l ଯଦି ଅପରେସନ କରାଯାଏ ନାହିଁ ତେବେ ଆପେଣ୍ଡିକ୍ସ ଫାଟି ସଂକ୍ରମଣ ସମଗ୍ର ପେଟ ରେ ହୋଇଯାଏ l
ଆପେଣ୍ଡିକ୍ସ ସାଇଟ୍ସ ର କାରଣ –
ବିଶେଷଜ୍ଞ ଙ୍କ କହିବା ଅନୁସାରେ ଯଦି ଆପେଣ୍ଡିକ୍ସ ରେ କୌଣସି ପ୍ରକାରର ବାଧା ହୋଇଥାଏ ତେବେ ଆପେଣ୍ଡିକ୍ସ ସାଇଟ୍ସ ର ଜନ୍ମ ହୋଇଥାଏ l ବିଶେଷ ଭାବରେ ପେଟ ସଫା ନହେଲେ ଯେପରିକି ମଳ ଯଦି ସଫା ହୋଇନଥାଏ ତେବେ ଆପେଣ୍ଡିକ୍ସ ସାଇଟ୍ସ ବାହାରିବାର ଆଶଙ୍କା ରହିଥାଏ l ଏହାଛଡା ପେଟରେ ଟ୍ୟୁମର, କୌଣସି ପ୍ରକାରର ଆଘାତ, ବହୁଳ ମାତ୍ରାରେ ରାଗ ମସଲା ଇତ୍ୟାଦି ଖାଇବା କିମ୍ବା ପେଟରେ ଅନ୍ୟ କୌଣସି ସଂକ୍ରମଣ ଦୀର୍ଘଦିନ ଧରି ରହିବା ହେଉଛି ଆପେଣ୍ଡିକ୍ସ ସାଇଟ୍ସ ର କାରଣ l
ଆପେଣ୍ଡିକ୍ସ ସାଇଟ୍ସ ର ଲକ୍ଷଣ –
– ନାଭିର ଉପରି ପାର୍ଶ୍ୱରେ ଯନ୍ତ୍ରଣା ହୋଇଥାଏ ଓ ଧୀରେ ଧୀରେ ଏହି ଯନ୍ତ୍ରଣା ନାଭିର ଚତୁରପାର୍ଶ୍ୱରେ ଦେଖିବାକୁ ମିଳିଥାଏ l
– ତା ସହିତ ପ୍ରବଳ ବାନ୍ତି ମଧ୍ୟ ହୋଇଥାଏ l
– ଅଧିକ ସଂକ୍ରମଣ ହେବା ଦ୍ୱାରା ଜ୍ୱର ମଧ୍ୟ ରହିଥାଏ l
– ଭୋକ ନଲାଗିବା, ତରଳ ଝାଡା ନିୟମିତ ହେବା, ଗ୍ୟାସ ପାସ ନହୋଇ ଯନ୍ତ୍ରଣା ଅନୁଭବ ହୋଇଥାଏ l
ଚିକିତ୍ସା :-
– ଏମିତିରେ ଦେଖିବାକୁ ଗଲେ ଆପେଣ୍ଡିକ୍ସ ସାଇଟ୍ସ ଯନ୍ତ୍ରଣା ଅସହ୍ୟ ହେବା ଦ୍ୱାରା ଡାକ୍ତରଙ୍କୁ ପରାମର୍ଶ କରି ଅପରେସନ କରାଇବା ଉଚିତ l
– ଏହାଛଡା ଆପେଣ୍ଡିକ୍ସ ସାଇଟ୍ସ ଆରମ୍ଭରୁ ଯଦି ଲକ୍ଷଣ ଅନୁଭବ କରୁଛନ୍ତି ତେବେ ମେଥି ଦାନା କୁ ରାତିରେ ପାଣିରେ ବତୁରାଈ ସକାଳୁ ସେହି ପାଣିକୁ ଖାଲି ପେଟରେ ପିଅନ୍ତୁ l – ଶରୀରରେ ଇମ୍ୟୁନିଟି ବୃଦ୍ଧି କରିବା ପାଇଁ ଭିଟାମିନ ସି ଯୁକ୍ତ ଆହାର ନିହାତି ଖାଇବା ଉଚିତ l
