ବାରିପଦା : ପ୍ରଧାନମନ୍ତ୍ରୀ ଦେଶକୁ ଆତ୍ମନିର୍ଭରଶୀଳ କରିବାପାଇଁ ଦେଶୀୟ ଦ୍ରବ୍ୟକୁ ବ୍ୟବହାର ନିମନ୍ତେ ଦେଶବାସୀଙ୍କୁ ଆହ୍ୱାନ ଦେଇଛନ୍ତି । ମାତ୍ର ମୟୂରଭଞ୍ଜ ଜିଲ୍ଲାର ବିଦୁ୍ୟତ୍ ବିଭାଗ ପକ୍ଷରୁ ବିଦୁ୍ୟତ୍ ଗ୍ରାହକମାନଙ୍କର ବିଦୁ୍ୟତ୍ ବିଲ୍ ହିସାବ ପାଇଁ ଚାଇନା ରିଡିଂ ମିଟର ଲଗାଯାଇଛି । ଚାଇନାର ବିଭିନ୍ନ ଦ୍ରବ୍ୟକୁ ଭାରତରେ ବ୍ୟବହାର ନ କରିବା ପାଇଁ ମଧ୍ୟ ଦେଶବାସୀ ଦୃଢ ନିଷ୍ପତ୍ତି ନେଇଛନ୍ତି ଏବଂ ଏହା ଏକ ଗଣଆନେ୍ଦାଳନରେ ପରିଣତ ହେଲାଣୀ ।
ଏଣୁ ଜିଲ୍ଲାରେ ବିଦୁ୍ୟତ୍ ବିଭାଗ ଦ୍ୱାରା ବ୍ୟବହାର ହେଉଥିବା ଚାଇନା ରିଡିଂ ମିଟରଗୁଡିକ ଅବିଲମ୍ବେ ପରିବର୍ତ୍ତନ କରିବା ପାଇଁ ୟୁଭା ସମାଜ ପକ୍ଷରୁ ନିବେଦନ କରାଯିବା ସହ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରାଯାଇଛି । ସେହିପରି ବାରିପଦା ସହରର ବହୁ ପୁରାତନ ବଡପୋଖରୀ, ଚାପଲପୋଖରୀ, ହେମ୍ସାଗର ପୋଖରୀ, ଝିଞ୍ଜିରିବନ୍ଧ, ଷ୍ଟେସନବନ୍ଧ ଜଳ ଦୂଷିତ ହୋଇଥିବାରୁ ଏହି ଜଳାଶୟଗୁଡିକ ମନୁଷ୍ୟ ଉପଯୋଗୀ ନ ହେବା ସହିତ ଏହାର ଦୁର୍ଗନ୍ଧରେ ଅଞ୍ଚଳବାସୀ ଅତିଷ୍ଠ ହେଲେଣୀ ।
ଏ ସମ୍ପର୍କରେ ବିଭିନ୍ନ ସମୟରେ ଜିଲ୍ଲାପାଳ ଓ ପୌରପରିଷଦର ନିର୍ହାହୀ ଅଧିକାରୀଙ୍କୁ ବାରମ୍ବାର ଅବଗତ କରାଉଥିଲେ ମଧ୍ୟ କୌଣସି ସୁଫଳ ମିଳୁନାହିଁ । ତେଣୁ ବାରିପଦାବାସୀଙ୍କ ସ୍ୱାସ୍ଥ୍ୟର ସୁରକ୍ଷା କରିବା ଅବିଲମ୍ବେ ଏ ଜଳାଶୟଗୁଡିକରୁ ଦଳ ନିଷ୍କାସନ ସହିତ ଜଳାଶୟଗୁଡିକର ଜଳକୁ ମାନବ ଉପଯୋଗୀ କରିବା ପାଇଁ ପଦକ୍ଷେପ ନେବା ନିମନ୍ତେ ୟୁଭା ସମାଜ ପକ୍ଷରୁ ନିବେଦନ କରାଯାଇଛି । ଏହି କାର୍ଯ୍ୟକ୍ରମରେ ଅରୁଣ ବେହେରା, ସମିତ କୁମାର ଦାସ, ପୃଥୀରାଜ ସାହୁ, ଶୁକ୍ଦେବ ନାୟକ, ସାମଲ ରାଜପୁତ୍, ଶ୍ରୀକାନ୍ତ ରଥ, ସଞ୍ଜିବ ଚାନ୍ଦ, ପପୁ ଦାସ ଓ ଦିପୁ ପୃଷ୍ଟି ପ୍ରମୁଖ ଉପସ୍ଥିତ ଥିଲେ ।
