ବାଲେଶ୍ବର : ବାଲେଶ୍ବର ଜିଲ୍ଲା ସୋର ପୌରପାଳିକା ରାଉତରାୟପୁର ଗ୍ରାମରେ ହୋଇଥିବା ଏକ ହତ୍ୟାକାଣ୍ଡାର ଅଭିଯୁକ୍ତକୁ ୫ବର୍ଷ ପରେ ଧରିବା ସଫଳ ହୋଇଛି ପୋଲିସ । ସୁଚନା ଅନୁସାରେ ୨୦୧୫ ମସିହାରେ ରାଉତରାୟପୁର ଗ୍ରାମର ଲକ୍ଷ୍ମିଧର ମହାନ୍ତିଙ୍କ ବଡ ପୁଅ ସୁଦିପ୍ତଙ୍କ ମୃତ ଦେହକୁ ଏକ ପରିତ୍ୟକ୍ତ କୁଅରୁ ଉଦ୍ଧାର ହୋଇଥିଲା ।
ପ୍ରଥମେ ପୋଲିସ ଏହାକୁ ଏକ ଆତ୍ମହତ୍ଯା ବୋଲି ଭାବି ତଦନ୍ତ କରୁଥିବା ବେଳେ ଶବ ବ୍ୟବଛେଦ ରିପୋର୍ଟ ଆସିବା ପରେ ଏହା ଏକ ସୁଚିନ୍ତିତ ହତ୍ୟାକାଣ୍ଡ ବୋଲି ଜାଣିବା ପରେ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲେ । ତଦନ୍ତରେ ସୁଦିପ୍ତଙ୍କ ହତ୍ୟାକାରି ତାଙ୍କ ସାନ ଭାଇ ସଞୀବ ପ୍ରମାଣ ପାଇବା ପରେ ପୋଲିସ ସଞୀବକୁ ଗିରଫ କରିବାରେ ସଫଳ ହୋଇନଥିଲା । ତେବେ ସୁଦିପ୍ତଙ୍କ ପତ୍ନି ସସ୍ମିତା ନୁଆ କରି ସୋର ଥାନାରେ ଯୋଗ ଦେଇଥିବା ମଧୁମିତା ମହାନ୍ତିଙ୍କୁ ଦେଖା କରି ସଞୀବ ସୋରରେ ଥିଲେ ମଧ୍ୟ ପୋଲିସ ତାକୁ ଜାଣି ଶୁଣି ଫେରାର ଦର୍ଶାଇଥିବା ଅଭିଯୋଗ କରିବାପରେ ଆଇଆଇସି ମଧୁମିତା ମହାନ୍ତି ପୁରୁଣା ଫାଇଲ ଖୋଲି ଅଭିଯୁକ୍ତ ସଞୀବକୁ ଧରିବା ପାଇଁ ଜାଲ ବିଛାଇଥିଲେ । ସଞୀବ ପରିବା କିଣିବାକୁ ବଜାରକୁ ଆସିଥିବା ବେଳେ ପୋଲିସ ତାକୁ କାବୁ କରିଥିଲା ।
ତେବେ ସଞୀବ ଖୋଲା ଖୋଲି ବୁଲୁଥିବା ବେଳେ ପୋଲିସ ଆଗରୁ କାହିଁକି ଫେରାର ଥିବା ଦର୍ଶାଇ ଚୁପ୍ ବସିଥିଲା ସାଧାରଣରେ ପ୍ରଶ୍ନବାଚି ସୃଷ୍ଟି କରିଛି । ଏ ନେଇ ସସ୍ମିତା ପୋଲିସ ବିଭାଗର ବଡ ବଡ ଉଚ୍ଚପଦସ୍ଥ ଅଫିସର ଓ ରାଜ୍ୟପାଳଙ୍କୁ ଭେଟିଥିଲେ ମଧ୍ୟ ଦୀର୍ଘ ୫ ବର୍ଷ ବିତି ଯାଇଥିଲେ କୌଣସି କାର୍ଯ୍ୟାନୁଷ୍ଠାନ ହୋଇ ନଥିଲା । ତେବେ ପୋଲିସ ସସ୍ମିତାଙ୍କ ସ୍ବମୀଙ୍କ ହତ୍ୟାକରୀକୁ ଗିରଫ କରିଥିବାରୁ ବିଳମ୍ବରେ ହେଲେ ମଧ୍ୟ ନ୍ୟାୟ ପାଇବା ନେଇ ଆଶା ରଖିଛନ୍ତି ।
