ବୈଶିଙ୍ଗା–୯/୧୦–ବୈଶିଙ୍ଗା ଥାନା ତରଫରୁ ବିଭିନ୍ନ ଗ୍ରାମରେ ସାଇବର ସଚେତନତାକୁ ନେଇ ଏକ ଜନ ସମ୍ପର୍କ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପୁଲିସ ବିଭାଗ ମିଶନ ଶକ୍ତି ମହିଳାଙ୍କୁ ନେଇ ଘରକୁ ଘର କ୍ୟାମ୍ପେନ କରି ସାଇବର ସଚେତନତା ବାର୍ତ୍ତା ବାଣ୍ଟିଥିଲେ l ସୋମବାର ବୈଶିଙ୍ଗା ଥାନା ଅଧିକାରୀ ତପନ ପ୍ରଧାନଙ୍କ ନିର୍ଦ୍ଦେଶକ୍ରମେ ଏସଆଇ ସୁମନ୍ତ ସେଠୀ ଓ ସୌମଲିନ ରାଉତଙ୍କ ତତ୍ତ୍ଵାବଧାନରେ ନିତ୍ୟାଂଶୁ ଦତ୍ତ, ଭବାନୀ ମିଶ୍ର, କମଳା ସୋରେନ ଓ ସନ୍ତୋଷ ଜେନାଙ୍କ ସମେତ ଶତାଧିକ ମିଶନ ଶକ୍ତି ମହିଳା ବୈଶିଙ୍ଗା ପଞ୍ଚାୟତ ର ବୈଶିଙ୍ଗା ଓ ଦୁର୍ଗାପୁର ଗ୍ରାମର ଘରକୁ ଘର ବୁଲି ପ୍ରଚାରପତ୍ର ବାଣ୍ଟିବା ସହିତ ସମାଜର ପ୍ରତ୍ୟେକ ବର୍ଗଙ୍କ ମଧ୍ୟରେ ସାଇବର ଅପରାଧ ସମ୍ପର୍କରେ ସଚେତନତା ସୃଷ୍ଟି କରିବା ସହିତ ସେମାନଙ୍କୁ ସାଇବର ସୁରକ୍ଷା ସମ୍ପର୍କରେ ବାର୍ତ୍ତା ପ୍ରଦାନ କରିଥିଲେ l
