ତୈଳ ଦର ବୃଦ୍ଧି ପ୍ରତିବାଦରେ ଗଣ ବିକ୍ଷୋଭ

ରାଜନଗର୧୬|୧୨ :ପେଟ୍ରୋଲ,ଡିଜେଲ ଓ ରନ୍ଧନଗ୍ଯାସ ର ଦର ବୃଦ୍ଧି ପ୍ରତିବାଦରେ ଯୁବ କଂଗ୍ରେସ ପକ୍ଷରୁ ବୁଧବାର ତ୍ରୀନାଥ ବଜାର ଛକରେ ଗଣ ବିକ୍ଷୋଭ କରାଯାଇଥିଲା । କେନ୍ଦ୍ରସରକାରଙ୍କ ବିରୁଦ୍ଧରେ ବିଭିନ୍ନ ପ୍ରକାର ନାରାବାଜି କରିବା ସହ କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ କୁଶପୁତଳିକା ଦାହ କରାଯାଇଥିଲା । ଯୁବ କଂଗ୍ରେସ ସଭାପତି ବିମଳ କୁମାର ବିଶ୍ବାଳଙ୍କ ନେତୃତ୍ବରେ ଗଣ ବିକ୍ଷୋଭ ଅନୁଷ୍ଠିତ ହୋଇଥିଲା ।

ଏହି ଗଣ ବିକ୍ଷୋଭରେ ଛାତ୍ର କଂଗ୍ରେସ ସଭାପତି ପ୍ରଭାତ ରାଉଳ ଓ ଜିଲ୍ଲା ଯୁବ କଂଗ୍ରେସ ସଭାପତି ସତ୍ୟପ୍ରୀୟ ସାମଲ ପ୍ରମୁଖ ସାମିଲ ହୋଇଥିଲେ । ରାଜ୍ୟସରକାର ଓ କେନ୍ଦ୍ରସରକାର ଅହେତୁକ ତୈଳ ଦର ବୃଦ୍ଧି ଉପରେ ଯଦି ଆଗାମୀ ଦିନରେ ରୋକ ନଲଗାନ୍ତି ତେବେ ଏହାକୁ ଜିଲ୍ଲା ବ୍ୟାପି ଗଣ ବିକ୍ଷୋଭ କରାଯିବ ବୋଲି ଜିଲ୍ଲା ଯୁବ କଂଗ୍ରେସ ସଭାପତି ସୂଚନା ଦେଇଛନ୍ତି ।