ନିରାକାରପୁର,୩/୮:– ଖୋର୍ଦ୍ଧା ଜିଲ୍ଲା ଟାଙ୍ଗୀ ବ୍ଲକ ରେ ଆଜି ଚାଷୀ ମାନଙ୍କ ପଞ୍ଜିକରଣ ପାଇଁ ଏକ ସଚେତନତା ପ୍ରଚାର କରାଯାଇଛି । ଜିଲ୍ଲା ଯୋଗାଣ ବିଭାଗ ପକ୍ଷରୁ ଏହି ସଚେତନତା କାର୍ଯ୍ୟକ୍ରମ କରାଯାଇଥିବା ସୁଚନା ମିଳିଛି। ଟାଙ୍ଗୀ ବ୍ଲକ ରେ ଥିବା ସମସ୍ତ ସେବା ସମବାୟ ସମିତି ଗୁଡିକରେ ୨୦୨୩/୨୪ ପାଇଁ ଚାଷୀମାନେ ଧାନ ବିକ୍ରି ର ପଞ୍ଜିକରଣ ଚଳିତ ମାସ ୧୫ ତାରିଖ ପର୍ଯ୍ୟନ୍ତ ଧାର୍ଯ୍ୟ ହୋଇଛି। ବ୍ଳକ୍ ରେ ଥିବା ସମସ୍ତ ସେବା ସମବାୟ ସମିତି ଗୁଡିକରେ ୧୦ ଦିନ ହେଲା ଚାଷୀ ମାନେ ପଞ୍ଜିକରଣ କରୁଥିବା ଦେଖିବାକୁ ମିଳିଥିବା ବେଳେ ଜିଲ୍ଲା ପ୍ରଶାସନ ର ଏହି ପ୍ରଚାର କାର୍ଯ୍ୟକୁ ଚାଷୀ ମାନେ ପ୍ରଶଂସା କରିଛନ୍ତି। ରାଜ୍ୟ ସରକାର ଙ୍କ ଲକ୍ଷ୍ୟ କୌଣସି ବି ଜଣେ ଚାଷୀ ଉକ୍ତ ପଞ୍ଜିକରଣ ରୁ ବାଦ ପଡ଼ିବେ ନାହିଁ ବୋଲି ଏହି ସଚେତନତା ପ୍ରଚାର କରାଯାଉଥିବା ଜଣେ ଅଧିକାରୀ ସୂଚନା ଦେଇଛନ୍ତି।
