ବୁଗୁଡ଼ା : ୨୩/୦୬/୨୩ : ବୁଗୁଡ଼ା ବ୍ଲକ ପାଙ୍ଗିଡି ପଞ୍ଚାୟତ ଅନ୍ତର୍ଗତ ଟିକରପଡା ଗ୍ରାମ ନୂଆଁସାହିର ଜନୈକ ଚାଷୀ ବିଲରେ ଟଳି ପଡ଼ିବା ଏବଂ ମେଡିକାଲରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ବରଣ କରିବା କରିଥିବା ଜଣାଯାଇଛି । ମୃତ ଚାଷୀ ଜଣକ ହେଲେ ପଞ୍ଚାନନ ମହାରଣା ( ୪୫) । ପ୍ରକାଶ ଯେ ଗୁରୁବାର ଦିନ ପଞ୍ଚାନନ ବିଲରେ ଚାଷକାମ କରୁଥିବା ବେଳେ ହଠାତ୍ ଟଳି ପଡିଲେ । ଆଖପାଖରେ କାମ କରୁଥିବା ଲୋକେ ତାଙ୍କୁ ସେଠାରୁ ଅଚେତ ଅବସ୍ଥାରେ ଉଦ୍ଧାର କରି ବୁଗୁଡ଼ା ମେଡିକାଲକୁ ଆଣିଥିଲେ । ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁରକୁ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିବା ଜଣାଯାଇଛି ।
