ନିଆଁ ଲାଗି ପୋଡିଗଲା ୮ବଖରା ଘର ନଷ୍ଟ ହେଲା ଲକ୍ଷାଧିକ ଟଙ୍କାର ସମ୍ପତ୍ତି, ଗାଁ କୁ ରାସ୍ତା ନଥିବାରୁ ପହଞ୍ଚି ପାରିଲା ନାହିଁ ଦମକଳ

କୋଣାର୍କ ୨୫/୩ :- କୋଣାର୍କ ଥାନା ଅନ୍ତର୍ଗତ କୁରୁଜଙ୍ଗ ପଞ୍ଚାୟତ ତାଳସୁଆଁ ଗାଁ ବାରିକ ସାହି ରେ ଗତକାଲି ବିଳମ୍ବିତ ରାତିରେ ସର୍ଟ ସର୍କିଟ ଯୋଗୁଁ ନିଆଁ ଲାଗି ୮ ବଖରା ଘର ଜଳିପୋଡି ଆତ୍ମସାତ ହୋଇଯାଇଛି।ମିଳିଥିବା ସୂଚନା ମୁତାବକ ତାଳସୁଆଁ ଗାଁ ବାରିକ ସାହି ର ବାବୁଲି ବାରିକ, ପ୍ରଶାନ୍ତ ବାରିକ ଓ ମନୋଜ ବାରିକ ତିନି ଭାଇ ଙ୍କ ଘରେ ବିଳମ୍ବିତ ରାତିରେ ନିଆଁ ଲାଗି ଲକ୍ଷାଧିକ ଟଙ୍କାର ବହୁମୂଲ୍ୟ ସମ୍ପତି, ଅସବାପତ୍ର, ନଗଦ ଟଙ୍କା, ସୁନା ଗହଣା ସହ ଅନେକ ଗୁଡିଏ ଜିନିଷ ପୋଡି ପାଉଁଶ ହୋଇଯାଇଛି।ତେବେ ଘର ର କୌଣସି ଲୋକଙ୍କ କିଛି କ୍ଷତି  ହୋଇନଥିଲେ ମଧ୍ୟ ଗ୍ରାମବାସୀ ଓ ପୂର୍ବତନ ସରପଞ୍ଚ ନିଗମାନନ୍ଦ ପରିଡା ଙ୍କ ସହଯୋଗ ରେ ତୁରନ୍ତ  ନିକଟସ୍ଥ ଚମ୍ପାହର ଅଗ୍ନିଶମ ବିଭାଗ କୁ ଡକାଇ ଥିଲେ ମଧ୍ୟ ଗାଁ କୁ ରାସ୍ତା ନଥିବା ଯୋଗୁଁ ଅଗ୍ନିଶମ ବିଭାଗ ଗାଡି ପ୍ରାୟ ଅଧ ଘଣ୍ଟା  ଧରି ଗାଁ ଦାଣ୍ଡ ରେ ଅଟକି ରହିଥିଲା ଫଳରେ ଗାଡି ପହଂଚିବା ବେଳକୁ ଘର ଜଳି ପାଉଁଶ ହୋଇ ଛାରଖାର ଯାଇଥିଲା।

ତେବେ କିଛି ସମୟ ବିଳମ୍ବ ରେ ଅଗ୍ନିଶମ ବିଭାଗ ର କର୍ମଚାରୀ ମାନେ ପହଞ୍ଚି ନିଆଁ କୁ ଆୟତ୍ତ କରିଥିଲେ।ପରେ ଖବର ପାଇ ଅଗ୍ନି ବିପନ୍ନ ଙ୍କ ପାଖରେ ସଖାଲୁ  କୁରୁଜଙ୍ଗ ପଂଚାୟତ ର ସରପଞ୍ଚ ରୂପାଲି କାଣ୍ଡି ପହଞ୍ଚି ଅଗ୍ନି ବିପନ୍ନ ଙ୍କ ସହ ଆଲୋଚନା ପରେ କାକଟପୁର ତହସିଲଦାର ଓ ବିଡ଼ିଓ ଙ୍କୁ ଖବର ଦେବାରେ ଅଧିକାରୀ ମାନେ ଆସି ଅଗ୍ନି ବିପନ୍ନ ଙ୍କ କ୍ଷୟକ୍ଷତି ଆକଳନ କରିବା ସହ ସହାୟତା ପାଇଁ ପ୍ରତିଶ୍ରୁତି ଦେଇଛନ୍ତି।ପରେ କାକଟପୁର ବ୍ଲକ ଅଧ୍ୟକ୍ଷ ଶ୍ରୀଧର ନାୟକ ଆସି ପହଞ୍ଚି ଅଗ୍ନୀ ବିପନ୍ନ ଙ୍କୁ ତୁରନ୍ତ ରନ୍ଧା ଖାଦ୍ୟ ଯୋଗାଇବା ପାଇଁ କିଛି ଆର୍ଥିକ ସହାୟତା ତୁରନ୍ତ କରିବା ସହ ଏକ ସପ୍ତାହ ରନ୍ଧା ଖାଦ୍ୟ ଯୋଗାଇଦେବା ପାଇଁ ବିଡିଓ ଙ୍କୁ ଅନୁରୋଧ କରିଥିଲେ ।ମୋ ସରକାର ର ଥିବା ସତ୍ତ୍ୱେ କୁରୁଜଙ୍ଗ ପଂଚାୟତ ର  ତାଳସୁଆଁ ଗ୍ରାମର ଏହି ବାରିକ ସାହି କୁ ସାମାନ୍ୟ ରାସ୍ତା ଟିଏ ହୋଇନପାରିବା କୁ ନେଇ ସରକାର ଙ୍କ ଅବହେଳା କୁ ନେଇ ସାଧାରଣ ରେ ବୁଦ୍ଧିଜୀବି ମାନେ ଘୋର ଅସନ୍ତୋଷ ପ୍ରକାଶ କରିଥିଲେ ।