କେନ୍ଦୁଝର , ରବି ରାଜ: କେନ୍ଦୁଝର ଜିଲ୍ଲାର ୬ଟି ଟ୍ରକ ମାଲିକ ସଂଘ, କେନ୍ଦୁଝର ଜିଲ୍ଲା ଟ୍ରକ ମାଲିକ ସଂଘ, ଗୁଆଲି ମା’ ତାରିଣୀ ଟ୍ରକ ମାଲିକ ସଂଘ, ଯୋଡ଼ା ଟ୍ରକ ମାଲିକ ସଂଘ, ବାମେବାରୀ ଆଞ୍ଚଳିକ ଟ୍ରକ ମାଲିକ ସଂଘ, ବଡ଼ବିଲ ଟ୍ରକ ମାଲିକ ଓ ଭଦ୍ରାସାହି ଟ୍ରକ ମାଲିକ ସଂଘର କର୍ମକର୍ତ୍ତା ଆଜି ଜିଲ୍ଲାପାଳଙ୍କୁ ଭେଟି କେନ୍ଦୁଝର ଜିଲ୍ଲାବାସିଙ୍କ ଟ୍ରକ ଚଳାଚଳ ସ୍ବାଭାବିକ କରିବା ଉପରେ ଆଲୋଚନା କରିଥିଲେ। ଜିଲ୍ଲାପାଳ ମଧ୍ୟ ସଂଘର କର୍ମକର୍ତ୍ତାଙ୍କୁ ନିର୍ଭର ପ୍ରତିଶ୍ରୁତି ଦେଇଛନ୍ତି। ଜାନୁଆରୀ ମାସରେ ଆଲୋଚନା କରାଯାଇ ଲୋଡିଂରେ କେନ୍ଦୁଝର ଜିଲ୍ଲା ବାସିଙ୍କ ଟ୍ରକଙ୍କୁ ଅଗ୍ରାଧିକାର ଦିଆଯିବା ର ବ୍ୟବସ୍ଥା କରାଯିବ ବୋଲି ଜିଲ୍ଲାପାଳ ପ୍ରତିଶ୍ରୁତି ଦେଇଥିବା କର୍ମକର୍ତ୍ତାମାନେ ପ୍ରକାଶ କରିଛନ୍ତି। ଜିଲ୍ଲା ଟ୍ରକ ମାଲିକ ସଂଘମାନଙ୍କର କହିବା କଥା ହେଲା ଯେ, କେନ୍ଦୁଝର ଜିଲ୍ଲାର ଟ୍ରକ ଛିଡ଼ା ହୋଇଥିବା ବେଳେ ବାହାର ରାଜ୍ୟର ହଜାର ହଜାର ଟ୍ରେଲର ଲୁହାପଥର ପରିବହନ ଚାଲିଛି। ଫଳରେ କେନ୍ଦୁଝର ଜିଲ୍ଲାର ଶିକ୍ଷିତ ବେପାରୀ ମାନେ ଚାକିରୀ ନପାଇ ନିଜର ପରିବାର ଗୁଜୁରାଣ ମେଣ୍ଟାଇବା ପାଇ ରୁଣରେ ଟ୍ରକ ଆଣି ବ୍ୟବସାୟ କରୁଛନ୍ତି।୬ମାସରୁ ଅଧିକ ହେଲାଣି ଯୋଡା ଖଣି ଅଞ୍ଚଳରୁ କେନ୍ଦୁଝର ଜିଲ୍ଲା ଟ୍ରକ ଲୋଡିଂ ପାରୁନଥିବାରୁ ଛିଡ଼ା ହୋଇଛନ୍ତି। ଫଳରେ ରୁଣରେ ଆଣିଥିବା ଯୁବକମାନେ ସେମାନଙ୍କ ମାସିକିଆ କିସ୍ତି ଏବଂ ବି ଦାଖଲ କରିପାରୁ ନାହାନ୍ତି।
ଘରୋଇ ଅର୍ଥ ଲଗାଣକାରୀ ସଂସ୍ଥା ଟ୍ରକ ଜବତ କରିବା ପାଇଁ ଚାରିଆଡ଼େ ବୁଲିବା ଆରମ୍ଭ କରିଦେଇଛନ୍ତି। ହଜାର ଯୁବ ବ୍ୟବସାୟଙ୍କ ଭବିଷ୍ୟତ ଅନ୍ଧକାରମୟ ହେବ ବୋଲି ଯୁବ ଟ୍ରକ ବ୍ୟବସାୟ ମୃତ୍ୟୁଞ୍ଜୟ ମହାନ୍ତି କହିଛନ୍ତି। ଟ୍ରକ ମାଲିକ ସଂଘର କର୍ମକର୍ତ୍ତାଙ୍କ କହିବା। ଅନୁଯାୟୀ, ବାହାର ରାଜ୍ୟର ଟ୍ରେଲର ମାଧ୍ୟମରେ ପରିବହନ ବନ୍ଦ କରିବା ସହ ୨୦୧୨ ମସିହାରେ ପ୍ରଶାସନ ଉପସ୍ଥିତିରେ ରେଳ ତଥା ସଡକ ପଥରେ ପରିବହନ ସମ୍ବନ୍ଧରେ ପରିବହନ ଅନୁପାତକୁ ନେଇ ଚୁକ୍ତିନାମା ଲାଗୁ କରିବା, ଟ୍ରକର ବୈଷୟିକ ଦୃଷ୍ଟିରେ ରଖି ସରକାର ଉଚିତ୍ ପରିବହନ ମୂଲ୍ୟ ନିର୍ଦ୍ଧାରଣ କରିବା ଏବଂ ଲୋଡିଂ କ୍ଷେତ୍ରରେ କେନ୍ଦୁଝର ଜିଲ୍ଲାର ଟ୍ରକ ଗୁଡ଼ିକୁ ଅଗ୍ରାଧିକା ଭିତ୍ତିରେ ସୁଯୋଗ ଦେବାକୁ ଦାବି କରିଛନ୍ତି। ଜିଲ୍ଲାପାଳଙ୍କ ସହିତ କେନ୍ଦୁଝର ଜିଲ୍ଲା ଟ୍ରକ ମାଲିକ ସଂଘର ସଭାପତି ରମାକାନ୍ତ ନାୟକ, ସାଧାରଣ ସମ୍ପାଦକ ସୂର୍ଯ୍ୟ ନାରାୟଣ କର, ଉପସଭାପତି ଦିଲ୍ଲୀପ କୁମାର ପଣ୍ଡା, ଯୁଗ୍ମ ସମ୍ପାଦକ ଦେବାଶିଷ ପଟ୍ଟନାୟକ, ଯୋଡା ଟ୍ରକ ମାଲିକ ସଂଘର ସୁଶାନ୍ତ ବାରିକ,ମାଇନିଂ ଏରିଆଟ୍ରକ ମାଲିକ ସଂଘର ସମ୍ପାଦକ ଚନ୍ଦ୍ରପ୍ରସାଦଗୁପ୍ତା, ଆଞ୍ଚଳିକ ଟ୍ରକ ମାଲିକ ସଂଘ କାଳିମାଟିର ସଭାପତି ମନୋଜ ମହାନ୍ତ, ସମ୍ପାଦକ ରାଜେନ୍ଦ୍ର ବାରିକ, ଉପଦେଷ୍ଟା ଜୟନ୍ତ ବେହେରା ମଦ୍ରାସାହି ଟ୍ରକ ମାଲିକ ସଂଘର ସଭାପି ସୁନିଲ ଦତ୍ତ,ମା ତାରିଣୀ ଟ୍ରକ ମାଲିକ ସଂଘ ଗୁଆଲିର ସମ୍ପାଦକ ହରେକୃଷ୍ଣ ଆପାଟ, ବଡ଼ବିଲ ଟ୍ରକ ମାଲିକ ସଂଘର ସଭାପତି ବିକାଶ ସୋରୋଗୀ ଅଲ୍ ଇଣ୍ଡିଆ ଟ୍ରକ ମାଲିକ ସଂଘର ଓଡ଼ିଶାଜୋନର ସମ୍ପାଦକ ଗୁଲାବ ମହାପାତ୍ରଙ୍କ ସମେତ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ଥିଲେ।
