ଵ୍ରହ୍ମପୁର , ୨୯/୧୨- ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ୍ ବିଭାଗ ଗଞ୍ଜାମ ଜିଲ୍ଲା ଦିଗପହଣ୍ଡି ଗ୍ରାମ୍ୟ ଉନ୍ନୟନ ବିଭାଗ ସେକ୍ସନ୍-୧ କନିଷ୍ଠ ଯନ୍ତ୍ରୀ ବଂଶୀଧର ସେଠୀଙ୍କୁ ଗିରଫ କରିଛି। ବ୍ରହ୍ମପୁର ଭିଜିଲାନ୍ସ କେସ୍ ନମ୍ବର ୨୦/୨୧ରେ ଜେଇ ସେଠୀଙ୍କୁ ଗିରଫ କରି କୋର୍ଟ ଚାଲାଣ କରାଯାଇଥିବା ବିଭାଗୀୟ ସୂତ୍ରରୁ ପ୍ରକାଶ। ଗତକାଲି ବ୍ରହ୍ମପୁର ଭିଜିଲାନ୍ସ୍ ଡିଭିଜନ୍ର ୫ଟି ଟିମ୍ ଆଜି ବ˚ଶୀଧରଙ୍କ ବ୍ରହ୍ମପୁରସ୍ଥିତ ଶକ୍ତିନଗର ଦ୍ବିତୀୟ ଲେନ୍ରେ ଥିବା ୨ଟି ୩ ମହଲା କୋଠା ସମେତ ଦିଗପହଣ୍ତିସ୍ଥିତ ସରକାରୀ କାର୍ଯ୍ୟାଳୟ, ପୋଲସରା ଥାନା ଅନ୍ତର୍ଗତ ଚିରିକିପଡ଼ାଶାସନ ସ୍ଥିତ ପୈତୃକ ଘର ଓ ବ୍ରହ୍ମପୁର ଉପକଣ୍ଠ ଲୋଚାପଡ଼ାରେ ଥିବା ସଂପର୍କୀୟଙ୍କ ବାସଭବନରେ ଏକକାଳୀନ ଚଢ଼ଉ କରିଥିଲେ। ଯାଞ୍ଚ ପରେ ଜେଇ ବଂଶୀଧର ଓ ତାଙ୍କ ପରିବାରବର୍ଗଙ୍କ ନାମରେ ୧କୋଟି ୧୭ଲକ୍ଷ ଟଙ୍କାର ସ୍ଥାବର ଓ ଅସ୍ଥାବର ସମ୍ପତ୍ତି ଥିବା ନେଇ ଆକଳନ କରାଯାଇଥିଲା। ଯାହାକି ତାଙ୍କର ଆୟ ଠାରୁ ୧୩୭ ପ୍ରତିଶତ ଅଧିକ ବୋଲି ଭିଜିଲାନ୍ସ ବିଭାଗ ଆକଳନ କରିଛି। ଏହି ଟଙ୍କାର ହିସାବ ଦେଇ ପାରି ନଥିବାରୁ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଭିଜିଲାନ୍ସ ବିଭାଗ ଜେଇ ବଂଶୀଧରଙ୍କୁ ଗିରଫ କରି କୋର୍ଟ ଚାଲାଣ କରିଛି।
