ଆଠଗଡ଼ ତା ୦୮-୦୮-୨୩ । ରାଜ୍ୟ ସରକାର ଶିକ୍ଷା ସ୍ଵାସ୍ଥ୍ୟ କୃଷି ସହିତ ମିଶନ ଶକ୍ତି କୁ ଅଧିକ ଗୁରୁତ୍ବ ଦେଉଛନ୍ତି ଏବଂ ଏଥିପାଇଁ ନିଷ୍ଠାର ସହିତ କାମ କରୁଛନ୍ତି। ମନ୍ଦିର ମସଜିଦ ଏବଂ ଗିର୍ଜା ଗୁଡ଼ିକର ଉନ୍ନତିକରଣ ଉପରେ ସରକାର ଗୁରୁତ୍ବ ଦେଉଛନ୍ତି। ଯେଉଁ ଅନୁଦାନ ଆସୁଛି ତାହାର ପ୍ରଥମ କିସ୍ତି ସଠିକ ଢଙ୍ଗରେ ବିନିଯୋଗ କଲେ ଆଗକୁ ତିନୋଟି ପର୍ଯ୍ୟାୟ ର ଅନୁଦାନ ଆସିବ। ତେଣୁ ସରକାରୀ କାମ କୁ ନିଜ କାମ ବୋଲି ଭାବି କାର୍ଯ୍ୟ କଲେ ଓଡ଼ିଶା କେବଳ ଆଗେଇବ ନାହିଁ ଦୌଡିଵ ବୋଲି ମୁଖ୍ୟମନ୍ତ୍ରୀ ଙ୍କ ବ୍ୟକ୍ତିଗତ ତଥା ୫ ଟି ସଚିବ ଭି କେ ପାଣ୍ଡିଆନ କହିଛନ୍ତି। ଏଥି ସହିତ ଆଗାମୀ ଦିନରେ ସବୁ ମହାବିଦ୍ୟାଳୟ ଗୁଡିକ ୫ ଟି ଅଧିନରେ ଉନ୍ନତିକରଣ କରାଯିବ ବୋଲି ସଚିବ ଘୋଷଣା କରିଛନ୍ତି। ଆଜି ଆଠଗଡ଼ ବିଶ୍ଵନାଥ ବିଦ୍ୟାପୀଠ ମିନି ଷ୍ଟାଡିୟମ୍ ଠାରେ ଆୟୋଜିତ ଏକ ଜନଶୁଣାଣୀ କାର୍ଯ୍ୟକ୍ରମ ରେ ଯୋଗ ଦେଇ ଶ୍ରୀ ପାଣ୍ଡିଆନ ଏଭଳି ଘୋଷଣା କରିବା ସହିତ ଅବ୍ୟବହୃତ ସରକାରୀ ଘର ଗୁଡ଼ିକ ମିଶନ ଶକ୍ତି କୁ ଯୋଗାଇ ଦେବାକୁ ଘୋଷଣା କରିଥିଲେ। ରାଜ୍ୟ ରେ ଯେତେ ଅବ୍ୟବହୃତ ସରକାରୀ ଘର ରହିଛି ସେ ଗୁଡିକୁ ଚିହ୍ନଟ କରି ସ୍ଥାନୀୟ ବିଡ଼ିଓଙ୍କୁ ତାଲିକା ଦେଲେ ମାସେ ଭିତରେ ବିଡ଼ିଓ ତାହାକୁ ରୂପାନ୍ତରୀକରଣ କରି ମିଶନ ଶକ୍ତି କୁ ଯୋଗାଇ ଦେବେ ବୋଲି ସଚିବ ଘୋଷଣା କରିଥିଲେ। ଆଜି ପାଣ୍ଡିଆନ ଙ୍କ ଗସ୍ତ ସମୟରେ ଆଠଗଡ଼ ନିର୍ବାଚନ ମଣ୍ଡଳୀ ରୁ ଶତାଧିକ ଅଭିଯୋଗ ପତ୍ର ଦିଆଯାଇଥିଲା। ସେଗୁଡିକ ତର୍ଜମା କରି ଆସନ୍ତା ମାସେ ଭିତରେ ସେ ସବୁର ଉତ୍ତର ନିଶ୍ଚିତ ଦିଆଯିବ ବୋଲି କୁହାଯାଇଛି। ରାଜ୍ୟ ସରକାର ଚାଷୀ ମାନଙ୍କ ଶସ୍ୟ ବୀମା ର ପ୍ରିମିୟମ ପ୍ରଦାନ,ଵିଜୁ ସ୍ଵାସ୍ଥ୍ୟ କାର୍ଡ ରେ ହିତାଧିକାରୀ ମାନଙ୍କୁ ମିଳୁଥିବା ସୁବିଧା ସହାୟତା,ମିଶନ ଶକ୍ତି କୁ ଋଣ ପ୍ରଦାନ ଆଦି ବିଷୟରେ ବିସ୍ତୃତ ଆଲୋଚନା କରା ଯାଇଥିଲା।୫ ଟି ସଚିବ ଙ୍କ ଗସ୍ତ କୁ ନେଇ ଆଠଗଡ଼ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା ଗ୍ରହଣ କରାଯାଇଥିଲା। ସୁରକ୍ଷା ବ୍ୟବସ୍ଥା ପାଇଁ ଚାରି ପ୍ଲାଟୁନ ପୋଲିସ ଫୋର୍ସ ସହିତ କଟକ ଗ୍ରାମାଞ୍ଚଳ ଏସପି ମିହିର କୁମାର ପଣ୍ଡା ଅତିରିକ୍ତ ଏସପି ଦେବଦତ୍ତ ବରାଳ ଙ୍କ ସହିତ ଜିଲ୍ଲାର ବିଭିନ୍ନ ଥାନା ରୁ ଵରିଷ୍ଠ ଅଧିକାରୀ ମାନେ ନିୟୋଜିତ ହୋଇ ଥିଲେ। ସେହିପରି ପ୍ରଶାସନ ପକ୍ଷରୁ ଚାରି ଜଣ ମାଜିଷ୍ଟ୍ରେଟ ଙ୍କ ସହିତ ୧୫୦ ରୁ ଉର୍ଦ୍ଧ୍ବ ସରକାରୀ ଅଧିକାରୀ କଟକ ଜିଲ୍ଲାପାଳ ଭବାନୀ ଶଙ୍କର ଚୟନୀ, ତହସିଲଦାର ପ୍ରିୟବ୍ରତ ଦାସ , କ୍ରୀଡା ସଚିବ ଆର ଭିନିଲ କ୍ରୀଷ୍ଣା,କେନ୍ଦ୍ରାଞ୍ଚଳ ରାଜସ୍ୱ ଆୟୁକ୍ତ ସୁରେଶ ଦଳେଇ, କେନ୍ଦ୍ରାଞ୍ଚଳ ଆଇ ଜି ଆଶିଷ କୁମାର ସିଂ, ଡେପୁଟି କଲେକ୍ଟର ଦୀପ୍ତି ମୟୀ ବେହେରା ଅତିରିକ୍ତ ତହସିଲଦାର ଅଶୋକ କୁମାର ସ୍ବାଇଁ, ଉପଖଣ୍ଡ ଆରକ୍ଷୀ ଅଧିକ୍ଷକ ରବିନ୍ଦ୍ର କୁମାର ମଲ୍ଲିକ ପ୍ରମୁଖ ଉପସ୍ଥିତ ରହି ସମସ୍ତ ବ୍ୟବସ୍ଥା ର ତଦାରଖ କରିଥିଲେ।
