ଶୀତଋତୁରେ ଛୋଟ ପିଲାଙ୍କୁ ବିଭିନ୍ନ ସଂକ୍ରମଣ ରୁ ରକ୍ଷା କରିବା ପାଇଁ ଆପଣାନ୍ତୁ ଏହିସବୁ ଘରୋଇ ଉପାୟ ଓ ଇମ୍ୟୁନିଟି ବଢ଼ାନ୍ତୁ

ଶୀତଋତୁ ଆସିବା ମାତ୍ରକେ ବଡ ମାନେ ଯେତିକି ସଚେତନ ନିଜ ପାଇଁ ରହି ଥାଆନ୍ତି ଛୋଟ ପିଲାଙ୍କ ପାଇଁ ମଧ୍ୟ ସେତିକି ସଚେତନ ରହିବା ଆବଶ୍ୟକ l କିନ୍ତୁ ଶୀତଋତୁରେ ଛୋଟ ପିଲାଙ୍କୁ ଥଣ୍ଡା ଠାରୁ ଦୁରେଇ ରଖିବା ପାଇଁ ବିଶେଷ ଧ୍ୟାନ ଦେବା ଆବଶ୍ୟକ l ଶୀତଋତୁରେ ଥଣ୍ଡା ପବନ ଦେଇଥାଏ, ଏହା ପିଲା ମାନଙ୍କୁ ଥଣ୍ଡା ଓ କାଶ ଓ କଫ ଦ୍ୱାରା ଆକ୍ରାନ୍ତ କରିଥାଏ l ବିଶେଷ ଭାବରେ ୨ ରୁ ୧୦ ବର୍ଷର ପିଲା ମାନଙ୍କୁ ଥଣ୍ଡା ଧରିବାର ଆଶଙ୍କା ଅଧିକ ରହିଥାଏ l କିଛି ଛୋଟ ପିଲାଙ୍କୁ ଥଣ୍ଡା ଧରିବା କାରଣରୁ ଜ୍ୱର ସମସ୍ୟା ମଧ୍ୟ ଦେଖା ଦେଇଥାଏ l ତେଣୁ ଏହି ସମୟରେ ଇମ୍ୟୁନିଟି ବଢାଇବା ପ୍ରତି ବିଶେଷ ଧ୍ୟାନ ଦେବା ଆବଶ୍ୟକ l

୧) ସଫା ସୁତୁରା ରଖିବା ଉଚିତ –
ଶୀତଋତୁରେ ଛୋଟ ପିଲା ମାନଙ୍କର ସଫା ସୁତୁରା ପ୍ରତି ବିଶେଷ ଧ୍ୟାନ ରଖିବା ଆବଶ୍ୟକ l ଖାଇବା ପୂର୍ବରୁ ଓ ପରେ ହାତ ଧୋଇବାର ଅଭ୍ୟାସ କରାନ୍ତୁ l ପ୍ରତିଦିନ ପିଲା ମାନଙ୍କୁ ଉଷୁମ ପାଣିରେ ଗାଧୋଇ ଦିଅନ୍ତୁ l

୨) ଫଳ ଓ ପନିପରିବା ଖୁଆଇବା ଅଭ୍ୟାସ କରାନ୍ତୁ –
ଥଣ୍ଡା କାରଣରୁ ରୋଗ ପ୍ରତିରୋଧକ କ୍ଷମତା ଦୁର୍ବଳ ହୋଇ ଯାଇଥାଏ l ଯାହାଦ୍ୱାରା ଅଧିକାଂଶ ଲୋକ ଓ ଛୋଟ ପିଲା ରୋଗରେ ଆକ୍ରାନ୍ତ ହୋଇ ଥାଆନ୍ତି l ଶୀତଋତୁରେ ଇମ୍ୟୁନିଟି ବଢାଇବା ପାଇଁ ଛୋଟ ପିଲାଙ୍କୁ ଖଟା ଫଳ ଓ ଶୀତଋତୁର ବିଭିନ୍ନ ପନିପରିବା ଖାଇବାକୁ ଦେବା ଆବଶ୍ୟକ l ଶୀତଋତୁରେ ଛୋଟ ପିଲାଙ୍କୁ ଆଲମଣ୍ଡ ଖାଇବାକୁ ଦିଅନ୍ତୁ l

୩) ବିଭିନ୍ନ ତରଳ ପଦାର୍ଥ ପିଆନ୍ତୁ –
ଶୀତଋତୁରେ ଅଧିକ ଥଣ୍ଡା କାରଣରୁ ପିଲାମାନେ ପାଣି ପିଇବାକୁ ଇଛା କରି ନଥାଆନ୍ତି l ତେଣୁ ଏହି ସମୟରେ ସେମାନଙ୍କୁ ବିଭିନ୍ନ ତରଳ ଜିନିଷ ଯେପରିକି ଘରେ ପ୍ରସ୍ତୁତ ଖଟା ଫଳ ରସ, ଘରେ ପ୍ରସ୍ତୁତ ଭେଜିଟେବୁଲ ସୁପ, ଉଷୁମ ପାଣି ପିଇବାକୁ ଦିଅନ୍ତୁ l ନିଜେ ମଧ୍ୟ ତାଙ୍କ ସହିତ ପିଅନ୍ତୁ l

୪) ପାଦ ଓ କାନକୁ ଘୋଡାଇ ରଖନ୍ତୁ –
ପିଲାନେ ସାଧାରଣ ଭାବରେ ଅଧିକ ଓଜନିଆ ଶୀତ ବସ୍ତ୍ର ପିନ୍ଧିବାକୁ ଇଛା କରି ନଥାଆନ୍ତି l ତେଣୁ ଖାସ କରି ପାଦ ଓ କାନକୁ ଘୋଡାଇ ରଖନ୍ତୁ l ଯେପରିକି କାନ ବାଟେ ଥଣ୍ଡା ପବନ ପଶିବ ନାହିଁ l ରାତିରେ ଶୋଇବା ସମୟରେ ପାଦ ତଳେ ସୋରିଷ ତେଲ ମାଲିସ କରନ୍ତୁ l

୫) ପ୍ରତିଦିନ ଗୋଟିଏ ଥର ହଳଦୀ ଯୁକ୍ତ ଦୁଗ୍ଧ ସେବନ କରିବାକୁ ଦିଅନ୍ତୁ l ସବୁଦିନ ସକାଳେ ଚ୍ୟାବନପ୍ରସ ଖାଇବାକୁ ଦିଅନ୍ତୁ l ଚିନି ବଦଳରେ ଗୁଡ଼ ବ୍ୟବହାର କରନ୍ତୁ l ଗୁଡ଼ ଦେହକୁ ଗରମ ରଖିଥାଏ l ପିଲାଙ୍କ ସୁପ ରେ ରସୁଣ ଓ ଅଦା ପକାନ୍ତୁ l କାରଣ ଏହା ଇମ୍ୟୁନିଟି ବଢାଇବା ସହିତ ଦେହକୁ ଉଷୁମ ରଖିଥାଏ l