ଉଷୁମ୍ ପାଣି ରେ ଗାଧୋଇବା ଦ୍ଵାରା ମିଳିଥାଏ ଚମତ୍କାର ଲାଭ, ଜାଣନ୍ତୁ ଶରୀର ପାଇଁ କେତେ ହିତକର
ଆମ ଭାରତୀୟ ମାନେ ସକାଳୁ ଉଠିବା ମାତ୍ରକେ ଗରମ୍ ଚା, ଗରମ୍ କଫି, ଗରମ୍ ପାଣି ପିଇବାକୁ ପସନ୍ଦ କରନ୍ତି । ଏହା ସହିତ ପ୍ରାୟ ସମସ୍ତେ ଗରମ୍ ପାଣି ରେ ଗାଧୋଇବା ପାଇଁ ମଧ୍ୟ ପସନ୍ଦ କରି ଥାଆନ୍ତି ।
ବିଶେଷ ଭାବରେ ଶୀତଋତୁ ରେ ଗରମ୍ ପାଣି ର ବ୍ୟବହାର ଦ୍ଵାରା ଶରୀରକୁ ମିଳିଥାଏ ଅଦ୍ଭୁତ ଲାଭ ।
– ଆୟୁର୍ବେଦ ଅନୁସାରେ ଶୀତଋତୁ ରେ ଖାଲି ପେଟରେ ଉଷୁମ୍ ପାଣି ପିଇବା ଦ୍ଵାରା ଶରୀରକୁ ମିଳିଥାଏ ଅଦ୍ଭୁତ ଲାଭ ।
– ଶୀତଋତୁ ରେ ଉଷୁମ୍ ପାଣି ପିଇଲେ ଡି ହାଇଡ୍ରେଶନ ଠାରୁ ଆରାମ ମିଳିଥାଏ :
ଶୀତଋତୁ ରେ ଉଷୁମ୍ ପାଣି ପିଇଲେ ଶରୀର ଡି ହାଇଡ୍ରେଶନ ରୁ ରକ୍ଷା ପାଇଥାଏ । ହଜମ ଶକ୍ତି ବୃଦ୍ଧି ହୋଇଥାଏ । ଉଷୁମ ପାଣି ପିଇବା ଦ୍ଵାରା ଶରୀରର ମେଟାବୋଲିଯିମ୍ ବୃଦ୍ଧି ହୋଇଥାଏ । ଉଷୁମ ପାଣି ପେଟକୁ ସଫା ରଖି ଥାଏ ।
– ଓଜନ ହ୍ରାସ କରାଇ ଥାଏ :
ଶୀତଋତୁ ରେ ମେଟାବୋଲିଯିମ୍ କମିବା ଦ୍ଵାରା ଓଜନ ବୃଦ୍ଧି ହୋଇଥାଏ । ତେଣୁ ଆୟୁର୍ବେଦ ରେ କୁହାଯାଇଛି ଯେ ଶୀତଋତୁ ରେ ନିହାତି ଉଷୁମ ପାଣି ପିଇବା ଉଚିତ୍ । ଏହା ମେଦ ହ୍ରାସ କରିବା ରେ ସାହାଯ୍ୟ କରିଥାଏ ।
– ଭଲରେ ରକ୍ତ ସଞ୍ଚାଳନ ହୋଇଥାଏ :
ଶୀତଦିନେ ଉଷୁମ ପାଣିରେ ସ୍ନାନ କରିବା ନିହାତି ଆବଶ୍ୟକ । କୁହାଯାଏ ଯେ ଉଷୁମ୍ ପାଣି ବ୍ଲଡ଼ ଭେସେଲ କୁ ଉତେଜିତ କରିଥାଏ । ଯାହାଦ୍ଵାରା ବ୍ଲଡ଼ ଭେଶେଲ ଉନ୍ନତ ହୋଇଥାଏ । ଶୀତଋତୁ ରେ ଅନ୍ୟ ଋତୁ ତୁଳନାରେ ଅଧିକ ରକ୍ତ ଚାପ ବୃଦ୍ଧି ପାଇଥାଏ । କିନ୍ତୁ ଗରମ୍ ପାଣିରେ ଗାଧୋଇବା ଦ୍ଵାରା ରକ୍ତଚାପ ନିୟନ୍ତ୍ରିତ ହୋଇଥାଏ ଓ ରକ୍ତ ସଞ୍ଚାଳନ ଠିକ୍ ଭାବରେ ହୋଇଥାଏ ।
– ଯନ୍ତ୍ରଣା ରୁ ଆରାମ ମିଳିଥାଏ :
ଶୀତ ଦିନେ ଆମେ ପ୍ରାୟ ଦେଖି ଥାଉ ଯେ ସମସ୍ତ ଙ୍କ ର ଶରୀରରେ ଆଣ୍ଠୁ ଗଣ୍ଠି ସମସ୍ୟା ଦେଖା ଦେଇଥାଏ । ବେଳେବେଳେ ପୁରୁଣା ଯନ୍ତ୍ରଣା ମଧ୍ୟ ଅଧିକ ବୃଦ୍ଧି ପାଇ ଆମକୁ ଶୀତଦିନେ କଷ୍ଟ ଦେଇଥାଏ । ଉଷୁମ୍ ପାଣି ରେ ଗାଧୋଇବା ଦ୍ଵାରା ଓ ପିଇବା ଦ୍ଵାରା ଏହିସବୁ ଯନ୍ତ୍ରଣା ରୁ ଆରାମ ମିଳିଥାଏ ।
– ଅବସାଦ ଦୁର କରିଥାଏ :
ଉଷୁମ୍ ପାଣି ପିଇବା ଦ୍ଵାରା ସେଣ୍ଟ୍ରାଲ ନର୍ଭସ ସିଷ୍ଟମ ଠିକ୍ ଭାବରେ କାମ କରିଥାଏ । ଶୀତଋତୁ ରେ ଉଷୁମ ଉଷୁମ ପାଣି ରେ ପିଇବା ଦ୍ଵାରା ଚିନ୍ତା ହ୍ରାସ ହୋଇଥାଏ । ଶୀତଋତୁ ରେ ଉଷୁମ୍ ପାଣି ପିଇଲେ ମାନସିକ ଚାପ ହ୍ରାସ ହୋଇଥାଏ ଓ ଗାଧୋଇବା ଦ୍ଵାରା ମାନସିକ ଚାପ ମଧ୍ୟ କମି ଥାଏ ।
