ସ୍ଥାନୀୟ ଯାତ୍ରୀମାନଙ୍କୁ ଲାଭ ପହଞ୍ଚାଇବା ପାଇଁ ସାନପଦର ଠାରେ ନୂତନ ପାସେଞ୍ଜର ହଲ୍ଟ

ଭୁବନେଶ୍ୱର, ଜାନୁଆରୀ 20, 2025: ଯୋଗାଯୋଗ ବୃଦ୍ଧି ଏବଂ ସ୍ଥାନୀୟ ଚାହିଦା ପୂରଣ କରିବା ଲକ୍ଷ୍ୟରେ ଏକ ଗୁରୁତ୍ୱପୂର୍ଣ୍ଣ ବିକାଶରେ, ଭାରତୀୟ ରେଳବାଇ ଖୋର୍ଦ୍ଧା ରୋଡ୍-ବଲାଙ୍ଗିର ରେଳ ଲାଇନରେ ଅବସ୍ଥିତ ସାନ ପଦର ଠାରେ ଏକ ନୂତନ ପାସେଞ୍ଜର  ହଲ୍ଟ ଶୁଭାରମ୍ଭ କରିଛି | ଏହି ନୂତନ ପାସେଞ୍ଜର ହଲ୍ଟ ଅଞ୍ଚଳର ବର୍ଦ୍ଧିତ ପରିବହନ ଆବଶ୍ୟକତା ପୂରଣ କରିବ ଏବଂ ସ୍ଥାନୀୟ ଯାତ୍ରୀ ମାନଙ୍କ ପାଇଁ ସୁଗମତାକୁ ଉନ୍ନତ କରିବ |

ଗତବର୍ଷ ମାନ୍ୟବର ରେଳମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବଙ୍କ ଦଶପଲ୍ଲା ଗସ୍ତ ସମୟରେ ସାଧାରଣ ଲୋକଙ୍କ ଅନୁରୋଧ ପରେ ସାନପଦର ପାସେଞ୍ଜର ହଲ୍ଟ ଖୋଲିବା ନିଷ୍ପତ୍ତି ନିଆଯାଇଥିଲା | ରେଳ ମନ୍ତ୍ରୀ ସ୍ଥାନୀୟ ଲୋକଙ୍କ ଠାରୁ ଉତ୍ତମ ରେଳ ସଂଯୋଗ ପାଇଁ ଦାବିକୁ ସ୍ୱୀକାର କରିଥିଲେ ଏବଂ ସେମାନଙ୍କୁ ପ୍ରତିଶ୍ରୁତି ଦେଇଥିଲେ ଯେ ସାନପଦରରେ ପାସେଞ୍ଜର ହଲ୍ଟ ପ୍ରତିଷ୍ଠା କରାଯିବ | ଏହି ଶୁଭାରମ୍ଭ ସହିତ, ଶ୍ରୀ ବୈଷ୍ଣବ ପୁଣି ଥରେ ଏହି ଅଞ୍ଚଳରେ ରେଳ ଭିତ୍ତିଭୂମିର ଉନ୍ନତି ପାଇଁ ତାଙ୍କର ପ୍ରତିବଦ୍ଧତା ପୂରଣ କରିଛନ୍ତି |

ଯାତ୍ରୀମାନଙ୍କ ଆରାମଦାୟକ ଏବଂ ସୁବିଧାଜନକ ଅନୁଭୂତି ସୁନିଶ୍ଚିତ କରିବା ପାଇଁ ସାନପଦର ପାସେଞ୍ଜର ହଲ୍ଟ ଆଧୁନିକ ସୁବିଧା ସହିତ ସଜ୍ଜିତ: ପାସେଞ୍ଜର ହଲ୍ଟ ଟି 55 ଲକ୍ଷ ଟଙ୍କା ବ୍ୟୟରେ ନିର୍ମିତ ହୋଇଛି ଏବଂ ଏହାର ପ୍ଲାଟଫର୍ମ 450 ମିଟର ରହିଛି | ପାସେଞ୍ଜର ହଲ୍ଟରେ ଯୋଗାଇ ଦିଆଯାଇଥିବା ସୁବିଧାଗୁଡ଼ିକ ମଧ୍ୟରେ ଛଅଟି ଛୋଟ ଯାତ୍ରୀ ଆଶ୍ରୟସ୍ଥଳ; ପ୍ଲାଟଫର୍ମରେ 30 ଜଣ ଯାତ୍ରୀ ଏବଂ ଅପେକ୍ଷା କକ୍ଷରେ 13 ଜଣ ଯାତ୍ରୀଙ୍କ ବସିବା ପାଇଁ ଛଅଟି ବେଞ୍ଚ ମଧ୍ୟ ବ୍ୟବସ୍ଥା କରାଯାଇଅଛି | ଏହା ବ୍ୟତୀତ, ରାତ୍ରି ସମୟରେ ଯାତ୍ରା ସମୟରେ ଦୃଶ୍ୟମାନତା ଏବଂ ସୁରକ୍ଷା ସୁନିଶ୍ଚିତ କରିବା ପାଇଁ 22ଟି ଲାଇଟ ପୋଷ୍ଟ, ପାଣି ଆବଶ୍ୟକତା ପାଇଁ 1ଟି ହାତ ନଳକୂପ, 1ଟି ବୁକିଂ କାଉଣ୍ଟର, ଅପେକ୍ଷା କକ୍ଷରେ ପୁରୁଷ ଏବଂ ମହିଳାମାନଙ୍କ ପାଇଁ ପୃଥକ ଶୌଚାଳୟ ଯୋଗାଇ ଦିଆଯାଇଛି |

ସାନପଦର ଠାରେ ଚାରି ଯୋଡ଼ା ଟ୍ରେନ ରହଣି କରିବ |

ସ୍ଥାନୀୟ ଯାତ୍ରୀଙ୍କ ସୁଗମତାକୁ ଉନ୍ନତ କରିବା ପାଇଁ ପଦକ୍ଷେପର ଏକ ଅଂଶ ଭାବରେ, ପୂର୍ବତଟ ରେଳପଥ ଘୋଷଣା କରିଛି ଯେ ଗୋଟିଏ ଏକ୍ସପ୍ରେସ ଟ୍ରେନ ସମେତ ଚାରି ଯୋଡ଼ା ଟ୍ରେନ  20 ଜାନୁଆରୀ 2025 ଠାରୁ ସାନପଦର ଠାରେ ରହଣି କରିବ | ନୂତନ ଷ୍ଟେସନରେ ଅଟକିବା ପାଇଁ ନିର୍ଦ୍ଧାରିତ ଟ୍ରେନଗୁଡ଼ିକ ଏହିପରି:

• 18423/18424ଭୁବନେଶ୍ୱର–ଦଶପଲ୍ଲା–ଭୁବନେଶ୍ୱରଏକ୍ସପ୍ରେସ

o ଭୁବନେଶ୍ୱର ରୁ ଛାଡୁଥିବା ଟ୍ରେନ ସାନପଦରରେ ସନ୍ଧ୍ୟା 7ଘ.48ମି.ରେ ପହଞ୍ଚି ସନ୍ଧ୍ୟା 7ଘ.50ମି.ରେ  ଦଶପଲ୍ଲା ଅଭିମୁଖେ ଯାତ୍ରା କରିବ | ଫେରିବା ଦିଗରେ, ଦଶପଲ୍ଲାରୁ ଛାଡୁଥିବା ଟ୍ରେନ୍ ସାନପଦରରେ ସକାଳ  7ଘ.22ମି.ରେ ପହଞ୍ଚି ସକାଳ 7 ଘ.23ମି.ରେ  ଭୁବନେଶ୍ୱର ଅଭିମୁଖେ ଯାତ୍ରା କରିବ |

ଏକ୍ସପ୍ରେସ୍ ସେବା ବ୍ୟତୀତ, ତିନୋଟି ଲୋକାଲ ମେମୁ (ମେନ୍‌ଲାଇନ୍ ଇଲେକ୍ଟ୍ରିକାଲ୍ ମଲ୍ଟିପୁଲ ୟୁନିଟ୍) ଟ୍ରେନ୍ ସାନପଦରରେ ମଧ୍ୟ ରହଣି କରିବ, ଯାହା ସ୍ଥାନୀୟ ଟ୍ରେନ୍ ସଂଯୋଗକୁ ବୃଦ୍ଧି କରିବ:

• ଭୁବନେଶ୍ୱର–ଦଶପଲ୍ଲା–ଭୁବନେଶ୍ୱରମେମୁ

o ଭୁବନେଶ୍ୱର ରୁ ଛାଡୁଥିବା ଟ୍ରେନ୍ ସାନପଦରରେ ପୂର୍ବାହ୍ନ 10ଘ.52ମି.ରେ ପହଞ୍ଚି ପୂର୍ବାହ୍ନ 10ଘ.53ମି.ରେ ଦଶପଲ୍ଲା ଅଭିମୁଖେ ଯାତ୍ରା କରିବ |

o ଫେରିବା ଦିଗରେ, ଦଶପଲ୍ଲାରୁ ଛାଡୁଥିବା ଟ୍ରେନ୍ ସାନପଦରରେ ସନ୍ଧ୍ୟା 5ଘ.04ମି.ରେ ପହଞ୍ଚି ସନ୍ଧ୍ୟା 5ଘ.05ମି.ରେ ଭୁବନେଶ୍ୱର ଅଭିମୁଖେ ଯାତ୍ରା କରିବ |

• ଭଦ୍ରକ–ଦଶପଲ୍ଲା–ଭଦ୍ରକମେମୁ

o ଭଦ୍ରକରୁ ଛାଡୁଥିବା ଟ୍ରେନ୍ ସାନପଦରରେ ପୂର୍ବାହ୍ନ 09ଘ.53ମି.ରେ ପହଞ୍ଚି ପୂର୍ବାହ୍ନ 09ଘ.54ମି.ରେ ଦଶପଲ୍ଲା ଅଭିମୁଖେ ଯାତ୍ରା କରିବ |

o ଫେରିବା ଦିଗରେ, ଦଶପଲ୍ଲାରୁ ଛାଡୁଥିବା ଟ୍ରେନ୍ ସାନପଦରରେ ସନ୍ଧ୍ୟା 5ଘ.44ମି.ରେ ପହଞ୍ଚି ସନ୍ଧ୍ୟା 5ଘ.45ମି.ରେ ଭଦ୍ରକ ଅଭିମୁଖେ ଯାତ୍ରା କରିବ |

• ପୁରୀ–ଦଶପଲ୍ଲା–ପୁରୀମେମୁ

o ପୁରୀରୁ ଛାଡୁଥିବା ଟ୍ରେନ୍ ସାନପଦରରେ ସନ୍ଧ୍ୟା 08ଘ.15ମି.ରେ ପହଞ୍ଚି ସନ୍ଧ୍ୟା 08ଘ.16ମି.ରେ ଦଶପଲ୍ଲା ଅଭିମୁଖେ ଯାତ୍ରା କରିବ |

o ଫେରିବା ଦିଗରେ, ଦଶପଲ୍ଲାରୁ ଛାଡୁଥିବା ଟ୍ରେନ ସାନପଦରରେ ସକାଳ 7ଘ.43ମି.ରେ ପହଞ୍ଚି ସକାଳ 7ଘ.44ମି.ରେ ପୁରୀ ଅଭିମୁଖେ ଯାତ୍ରା କରିବ |

ବୋଲାଗଡ଼ ଟାଉନରେ ଉନ୍ନତ ସଂଯୋଗ

ସାନପଦର ହଲ୍ଟ ବ୍ୟତୀତ, ଭୁବନେଶ୍ୱର-ଦଶପଲ୍ଲା-ଭୁବନେଶ୍ୱର ଏକ୍ସପ୍ରେସ ମଧ୍ୟ 20 ଜାନୁଆରୀ, 2025 ଠାରୁ ବୋଲାଗଡ଼ ଟାଉନ ପାସେଞ୍ଜର ହଲ୍ଟରେ ରହଣି ଆରମ୍ଭ କରିବ | ଭୁବନେଶ୍ୱର ରୁ ଛାଡୁଥିବା ଟ୍ରେନ ବୋଲଗଡ଼ ଟାଉନ ଠାରେ