କୋରେଇ : କୋରେଇ ବ୍ଳକରେ ଆଜି ପୁଣି ତିନିଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ଫଳରେ ବ୍ଳକର ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୧୧ ରେ ପହଁଚି ଥିବା ବେଳେ ସେଥି ମଧ୍ୟାରୁ ୩ ଜଣ ସୁସ୍ଥ ହୋଇ ଘରକୁ ଫେରିଲେଣି । ଆଜି ମୁକୁନ୍ଦପୁର ପଂଚାୟତର ମଥୁରାପୁର ଗାଁର ଜଣେ କଲିକତା ଫେରନ୍ତା ୪୫ ବର୍ଷିୟ ୧୮ ତାରିଖରେ ଆସି ମୁକୁନ୍ଦପୁର ସଚ୍ଚିବ ଉଚ୍ଚ ବିଦ୍ୟାପିଠ ସଙ୍ଗରୋଧ କେନ୍ଦ୍ରରରେ ରହିଥିଲେ ।
ସେହିପରି ମୂଳାପାଳ ପଂଚାୟତ ରଣପାଳ ଗାଁର ଜଣେ ବମ୍ବେ ଫେରନ୍ତା ୨୩ ବର୍ଷିୟ ୧୫ ତାରିଖ ଠାରୁ ଓ ଗୋବିନ୍ଦପୁର ଗାଁର ଜଣେ କଲିକତା ଫେରନ୍ତା ୭୦ ବର୍ଷିୟ ୧୩ ତାରିଖ ଠାରୁ ରଣପାଳ ନୋଡାଲ ଉଚ୍ଚ ବିଦ୍ୟାଳୟ ସଙ୍ଗରୋଧ କେନ୍ଦ୍ରରରେ ରହିଥିଳେ ।
ସମସ୍ତଙ୍କ ସ୍ୱାବ ୨୮ ତାରିଖ ଦିନ ପରିକ୍ଷା ପାଇଁ ପଠାଯାଇଥିଲା । ଆଜି ରିର୍ପୋଟ ଆସିବାରୁ ଏମାନେ କରୋନା ସଂକ୍ରମିତ ହୋଇଥିବା ଜଣା ପଡ଼ିଛି । ଏହି ରିପୋର୍ଟ ଆସିବା ପରେ ବ୍ୟାସନଗର ତହସିଲଦାର ଶରତ ଚନ୍ଦ୍ର ମହାପାତ୍ର, କୋରେଇ ଥାନା ଅଧିକାରୀ ରଂଜିତ କୁମାର ମହାନ୍ତି, ପାଣିକୋଇଲି ଥାନା ଅଧିକାରୀ ଅଜୟ କୁମାର ଜେନା ଓ କୋରେଇ ଗୋଷ୍ଠିସ୍ୱାସ୍ଥୃ୍ୟ କେନ୍ଦ୍ର ଭାରପ୍ରାପ୍ତ ଅଧିକାରୀ ହିମାଂଶୁ କୁମାରଙ୍କ ସମେତ ଡ଼ାକ୍ତରୀ ଟିମ୍ ସଙ୍ଗରୋଧ କେନ୍ଦ୍ରରେ ପହଁଚି ସଂକ୍ରମିତ ମାନଙ୍କୁ ଡ଼ୁବୁରୀ ସ୍ଥିତ ଟାଟା ମେଡ଼ିକା କୋଭିଡ୍ ହସ୍ପିଟାଲକୁ ପଠାଯାଇଛନ୍ତି ।
