ଠାକୁରମୁଣ୍ଡା,୧୨।୦୧(ସମୟ ବ୍ୟୁରୋ)ଆଜି ସନ୍ଧ୍ୟାରେ ଠାକୁରମୁଣ୍ଡା ବଜାର ନିକଟସ୍ଥ ଆନନ୍ଦପୁର ରାସ୍ତା ନାଳ ପାଖରେ ଗୋଟିଏ ବାଇକ ଦୁର୍ଘଟଣା ଗ୍ରସ୍ତ ହେବାରୁ ଚାଳକର ଗୋଡ଼ ଭାଙ୍ଗିବା ସହ ୨ ମହିଳା ଆହତ ହୋଇଛନ୍ତି l
ଘଟଣାରୁ ପ୍ରକାଶଯେ, ଚିଲିରିପୋଷି ଗ୍ରାମର ରାଜୁ ମହାନ୍ତ (୨୩) ଆନନ୍ଦପୁରରୁ ଠାକୁରମୁଣ୍ଡା ନିକଟସ୍ଥ ଦିରିବ ଗ୍ରାମର ବୀଣାପାଣି ହୋ ଏବଂ ସୁମିତ୍ରା ହୋ ଙ୍କୁ ଘରେ ଛାଡିବା ପାଇଁ ମୋଟର ସାଇକେଲ ଯୋଗେ ଆସିଥିଲେ l ଠାକୁରମୁଣ୍ଡାରେ ସାପ୍ତାହିକ ହାଟ ଥିବାରୁ ମହିଳା ୨ ଜଣ ହାଟକୁ ନେଇ ପରେ ଗାଁରେ ଛାଡିବାକୁ ରାଜୁକୁ କହିଥିଲେ l ହାଟ ସାରିବା ପରେ ସନ୍ଧ୍ୟା ବେଳକୁ ଦିରିବ ଫେରୁଥିଲେ l କଣ୍ଟାମୁଲି ନାଳ ନିକଟରେ ଏକ ଅଟୋକୁ ସାଇଡ ଦେବାବେଳେ ଦୁର୍ଘଟଣା ଘଟିଥିଲା l ଫଳରେ ରାଜୁର ବାମ ଗୋଡ଼ ଭାଙ୍ଗିଯାଇଛି l ସମସ୍ତଙ୍କୁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା l ମହିଳା ୨ ଜଣଙ୍କୁ ପ୍ରାଥମିକ ଚିକିତ୍ସା ପରେ ଛାଡି ଦିଆଯାଇଥିବା ବେଳେ ରାଜୁକୁ ଘସିପୁରା ସ୍ଥାନାନ୍ତର କରାଯାଇଛି
