ଭୁବନେଶ୍ୱର ସାଂସଦ ଶ୍ରୀମତୀ ଅପରାଜିତା ଷଡଙ୍ଗୀ ୨୫ନଂ ଜୋନ ଜିଲ୍ଲା ପରିଷଦ ଦଳୀୟ ପ୍ରାର୍ଥୀନୀଙ୍କ ନିମନ୍ତେ  ମାରାଥନ ଭୋଟ ପ୍ରଚାର

ବୋଲଗଡ଼(ସବ୍ୟୁ)ତ୍ରି-ସ୍ତରୀୟ ପଂଚାୟତ ନିର୍ବାଚନ ହେବାକୁ ଆଉ ମାତ୍ର ସପ୍ତାହରୁ କମ ଦିନ ସମୟ  ଅଛି। ସରପଞ୍ଚ ହେଉ କିମ୍ବା ନୋମିନ ପ୍ରାର୍ଥୀ ହୁଅନ୍ତୁ ସ୍ୱାଧୀନ ଭାବେ ବିନା ଦଳୀୟ ଚିହ୍ନ(ନିର୍ବାଚନ ସଂକେତ)ରେ ନିର୍ବାଚନ ମଇଦାନରେ ଉଭା ହୋଇଛନ୍ତି।ମାତ୍ର ପ୍ରତ୍ୟେକ ଜୋନ ମାନଙ୍କରେ ଦଳୀୟ ଭିତିକ ଚିହ୍ନ (ସଂକେତ) ପ୍ରାପ୍ତ ହୋଇ ଜିଲ୍ଲା ପରିଷଦ ପ୍ରାର୍ଥୀ ଓ ପ୍ରାର୍ଥୀନୀ ମାନେ ନିର୍ବାଚନ ମଇଦାନକୁ ଓଲ୍ହାଇଛନ୍ତି।ଏହି ପ୍ରରିପ୍ରେକ୍ଷୀରେ ବୁଧବାର ମଧ୍ୟାର୍ଣ୍ଣରେ ଏକ ଦଳୀୟ ବାଇକ ରାଲିରେ ଭୁବନେଶ୍ୱର ସାଂସଦ ଶ୍ରୀମତୀ ଅପରାଜିତା ଷଡଙ୍ଗୀ ୨୫ନଂ ଜୋନ ଜିଲ୍ଲା ପରିଷଦ ଅଂଚଳରେ କେତେକ ଗାଁ ବୁଲି ଦଳୀୟ ପ୍ରାର୍ଥୀନୀଙ୍କ ନିମନ୍ତେ  ମାରାଥନ ଭୋଟ ପ୍ରଚାର କରିଛନ୍ତି।ପ୍ରାରମ୍ଭରେ ସାଂସଦ ଶ୍ରୀମତୀ ଷଡଙ୍ଗୀ ବୋଲଗଡ଼ ସଦର ମହକୁମା ଠାରୁ ପ୍ରଚାର ଆରମ୍ଭ କରି ଖଙ୍ଗୁରିଆ ଗ୍ରାମ ପଂଚାୟତ ସମେତ ଦଳାଇସାହି ଗ୍ରାମ ପଂଚାୟତର ସମସ୍ତ ଗାଁ ବୁଲି ବିଜେପି  ପ୍ରାର୍ଥୀନୀ ଶ୍ରୀମତୀ ସୁନିତା ରାଣୀ ଦାସଙ୍କ ପାଇଁ  ପ୍ରଚାର କରି ଭୋଟ ଭିକ୍ଷା କରିଛନ୍ତି। ପ୍ରତ୍ୟେକ ଗ୍ରାମ ମାନଙ୍କରେ ସାଂସଦ ଶ୍ରୀମତୀ ଷଡଙ୍ଗୀଙ୍କୁ ସାଧାରଣ ଭୋଟରମାନେ , ବିଶେଷ କରି ମହିଳା ଭୋଟର ମାନେ ବିପୁଳ ସମ୍ବର୍ଦ୍ଧନା ଦେଉଥିବା ଦେଖିବାକୁ ମିଳିଥିଲା।ସେହିପରି  ଅପରାହ୍ନରେ ସାଂସଦ ଶ୍ରୀମତୀ ଷଡଙ୍ଗୀ ସମ୍ପୃକ୍ତ ଜୋନର ଫାସିଓଦା ପଂଚାୟତ ଓ କଳାଙ୍ଗ ଗ୍ରାମ ପଂଚାୟତର ସମସ୍ତ ଗ୍ରାମ ଗୁଡିକ ବୁଲି ଦଳୀୟ ପ୍ରାର୍ଥୀନୀଙ୍କ ନିମନ୍ତେ ଭୋଟ ଭିକ୍ଷା କରିଛନ୍ତି। ଏହି ନିର୍ବାଚନୀ ପ୍ରଚାରରେ  ୨୫ନଂ ଜୋନ ଅଂଚଳର କେତେକ ଦଳୀୟ ଛାମୁଆ କର୍ମୀ ସାଂସଦଙ୍କ ସହ ଦଳୀୟ ପ୍ରଚାରରେ ସାମିଲ ହୋଇଥିଲେ।ସୂଚନା ଯୋଗ୍ୟ ଗତ ସାଧାରଣ ନିର୍ବାଚନ ସମୟରେ ସାଂସଦ ଶ୍ରୀମତୀ ଷଡ଼ଙ୍ଗୀଙ୍କୁ ଗାଁ ଗହଳିରେ ଯେଉଁ ରେସରେ ମହିଳା ମାନେ ସମ୍ବର୍ଦ୍ଧିତ କରିଥିବାର ଦେଖିବାକୁ ମିଳିଥିଲା।ସେହିପରି ଆଜିର ନିର୍ବାଚନୀ ପ୍ରଚାରରେ ସାଂସଦଙ୍କୁ ସେହିଭଳି  ଭାବେ ମହିଳାମାନେ ପୁଷ୍ପ ତୋଡା ଦେଇ ସମର୍ଦ୍ଧିତ କରୁଥିବାର ଦେଖିବାକୁ ମିଳିଛି।